MATHIU 13:19 - NIEMNYAN Naga NT (BSI)

¹⁹ Hen akomin rangkhethung Hahsông nginpa chohtat lahma lejetlo dangeka, ere mihnyan heh lemkông nâng chatjâte chhah rãngrãng. Juchhih hûlahma thinhung nâng Joban ngin wêntah heh nyen chhoan eka.

MATHIU 13:19 Iomraidhean Croise

MATHIU 12:26

Erohwah, joak hahsông komin khuthema khuthe demko memênmîn ako, thin a mâmâ khukhu dangeka, ngale sitsiak ephanjâa!

MATHIU 13:20

Longrã khohnâng chatjâte chhah rãngrãng pa, henma komin Joban nginpa chohtat rienrien khuhah nâhah kepte heh.

MATHIU 13:38

Pitpa are hahtokkhoh pa; chhahli lisen pa rangkhethung Hahsông nâng tâchoh wângte mihnyan heh; hinpa Juchhih rãng dângte mihnyan heh;

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 5:37

Erohwah, ‘danga’ ba ‘dangmah’ ngama lolo nga en, nema erenoma jabkhab bâm mejab enko erepa juchhih ngewah jabeken.

MAK MA RAANGWAH NGINKONGSEN 4:15

Wawathe mihnyan pa lemdongnâng chatjâte chhah rãngrãng; thinma Joban nginpa chohtat rienrien, joak hûlahma thinwah nyenchhoan eka.

LUK MA RAANGWAH NGINKONGSEN 10:9

ere sumhah kowah khoanchette heh sensiet re en, ngale erekowah mihnyan hehnâng, ‘Joban Hahsông pa netânâng lânam hutha’ ngama thôkoh en.

LUK MA RAANGWAH NGINKONGSEN 9:2

Erediko atema Joban Hahsông nginpa phoangthô ngale khoanchette min mesiet en ngama chienchhoan wah,

JON MA RAANGWAH NGINKONGSEN 18:38

Pilat ma chhienwah, “Toangtang pa chennia?” Erediko Pilat rangsâ nâng mihnyan heh tânâng ngakka lahma thinnâng ngatwah, “Ngama ate ritphe rãng chenjô chhihmo lahma chohkhemek.

JON MA RAANGWAH NGINKONGSEN 8:43

Ngama jab ekangpa nema chenrãngma lejet reken a? Arepa nema nga nginpa lenyoaktat junko dangeka.

MOATLEM 17:32

Chenthu Pol ma ritwah ngakhînwâng nginthô lahma thinma tatphumma, khaka hehma Pol nâng jõjêm lahma dûmmek wah, rohkomin, khaka hehma ngatwah, “Nima are nginpa ngakchohtat hunki.”

MOATLEM 18:15

Phumma arepa jabkhab ngale mihnyan min ngale ne niemarang junko chhiakmîn dâng phumma nededema phenthômîn en. Ngama arerãngrãng heh phenthô komah!”

MOATLEM 20:25

“Ngama Joban Hahsông Nginkongsen pa phoangthô lekma nekhu demnâng dângwah. Ngale ade phumma ngama jet ekang nekhu henmemin nga lechoh khetumin.

MOATLEM 28:23

Ephumma thinma Pol demnâng rangwo kahtok hôanwah, ngale ere rangwo jâko Pol tongeka theko jahmõang mihnyan hokwah. Rangkhah khowah rangnyek kotuk Pol ma thinnâng Joban Hahsông nginkongpa thôkoh wah, ngale atema Mosa Niemarang ngale Mõng hehma raangwah Joban ngin hehwah thakthô lahma mihnyan hehnâng Jisu junma thôkoh wah.

ROMAN HEHNÂNG POLMA RAANGWAH SITI 1:28

Chenrãngma ngako, ere mihnyan hehma Joban toangtang nginpa thinhung nâng thien hunmah, atema ere mihnyan hehnâng achhihli thonghun thuk eka, erohwah thinma chenpa lemolia erepa moeka.

ROMAN HEHNÂNG POLMA RAANGWAH SITI 14:17

Chenrãngma ngako Joban Hahsông pa jokphhek chhah rãnglolo dangmah, rohkomin, toangtang, mêmo, ngale khuhah nâhah loloba, ngale erepa Asâthôanju ma koheka.

ROMAN HEHNÂNG POLMA RAANGWAH SITI 2:8

Khaka mihnyan hehma moatlem chhih dijunrãng chhahnyoak dangeka ngale toangtangpa kepmah; ereheh khohnâng Joban ma ate nyahrãng rinkhah chaanpa elên a.

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

2 THISALONIKA 2:12

Henhenma toangtangko leputedâlem thangma pap moatlem nâng khuhah eka ereheh pap wennâng ritkhâm ritkatmin.

HIBRU 2:1

Erohwah nãngma chohtat eki toangtang nginpa rongtêngtêng keplihma tôngmin, eroh medang ekoba lekesietrii edange.

1 JON 3:12

Nãnga Kain rãngrãng ledangmin; atea Juchhih thiakrãng danglahma atedede pho Abel pa ritphewah. Kain ma ate pho pa chenrãngma ritphewah a? Chenrãngma ngako, atema atedede moatlempa achhih moatwah, ngale ate phoma motah moatlempa moatlemsen dângwah.

1 JON 5:18

Nãngma ajet Joban chha hehma henmemin papkaam thammomah, chenrãngma ngako thin a Joban Chha ma pesiet lahma thieneka, ngale Juchhih ma thinnâng chenjô taremah.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.