MATHIU 13:12 - NIEMNYAN Naga NT (BSI)

¹² Hen mihnyan ma chenni komin cheieka, ere mihnyan ko ajah lêkohmin, erohkoba atenâng lephang leleng edanga; phumma hen mihnyan nâng chenjô aho dangeka, ere mihnyan kowah atema chenni cheieka erepemin tôanchhoan rêmin.

MATHIU 13:12 Iomraidhean Croise

MATHIU 21:43

Jisu ma ngatwah, “Ngama nenâng thôkoh eka,” “Joban Hahsông pa newah toanchhoan lahma kaamsen moatte hehnâng ekoh a.”

MATHIU 25:29

Chenrãngma ngako, hennâng roanchhe tongeka ereko lephang lelãng chendanga ngama ajah lêkohmin; rohkomin, hennâng chenjô aho dangeka, atenâng roanchhe tongeka pejô ngaktôan chhoan rêmin.

MAK MA RAANGWAH NGINKONGSEN 12:9

Jisu ma thinnâng thôngphâ wah. “Eroh medang ako, angurthong tângte pumma chenni rêmin a?” “Tângte pumma angurthong aroamrãng mothuktah heh ritphe lahma angurthong pa ahannâng emothuk a.

LUK MA RAANGWAH NGINKONGSEN 10:42

wanthe loloba nyahrãng alemli thôan tonga. Phumma Mariam ma erepa lâpunrentah, ngale erepa ate ngewah leta toanchhoan min.”

LUK MA RAANGWAH NGINKONGSEN 12:48

Rohkomin haa hen pumma ate tângtewa ma are moatlempa moatrãng chien ehang ngama lejet thangma, atema ere moatlem pa lemo dangeka, ere haa komin watmin, rohkomin ere haako rãngkuh watmin. Hennâng ajah kohwah a erekowah ajah thâmin; ngale hennâng abâmbâm jahkohwah a erekowah abâmbâmjô jahthâmin.

LUK MA RAANGWAH NGINKONGSEN 16:2

Ephumma humkhen nâng roolahma atenâng ngatwah, ‘Ngama nang nginpa chenchohtat ekanga? Nangma ngangun chentô thientoh a ereheh phangtang kephûro, chenrãngma ngako nanga ngangun thiente ledangtumin.’

LUK MA RAANGWAH NGINKONGSEN 16:25

Rohkomin Abraham ma dânthâng wah, ‘Thatthong hun tan, echha, hahtokkhoh wah nang roandông poatko nangnâng chentô sensenlipa phangtang kohtih, phumma Lazaras ma chentô achhih chhihlipa chohtah a. Rohkomin atea anâng khuhah nâhah tongeka, nanga chêmchoh lohma tongeko.

LUK MA RAANGWAH NGINKONGSEN 8:18

“Erohwah, nema chenrohtat eken a erepa senthemthem jettat en; chenrãngma ngako, hennâng chenni komin tongeka erehehnâng lekoh rêmin, phumma hennâng chenjô aho dangeka ere hehwah thinma tonghi ngama thonghun eka ere amãnchha pemin toanchhoan rêmin.”

LUK MA RAANGWAH NGINKONGSEN 9:26

Ne ngarek nâng rêsê erediko ngama hethô ekang nginkong ko rêsê mere enko, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.

JEMS 4:6

Rohkomin Joban ma nãngnâng ate mînchenchaan koh ehipa ere nomemin achaan. Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dângte mihnyan hehnâng ate mînchenchaan koheka.”

LOATKHESOK 2:5

Thatthong hun tan en, nea chentô taangnâng mejârii chhoan en a! Nepap hehwah hungngaklit letma khemako chenroh motet a ererãngrãng mo en. Rohkomin nepap hehwah hung lengaklit thangma medang enko, Nga netânâng kalekma ne wentit toakthin heh erethe kowah ngaktôan chhoan ere ang.