MATHIU 13:11 - NIEMNYAN Naga NT (BSI)

¹¹ Jisu ma dânthâng wah, “rangkhethung Hahsông nginpa thinnâng ledang nenâng jetthuk rãng kepekãng.

MATHIU 13:11 Iomraidhean Croise

MATHIU 13:10

Erediko dijunte heh hûlahma Jisu nâng chhienwah, “mihnyan heh demnâng jabmîn poatko nangma nginthakthô pa chenni rãngma kep ekoa?”

MATHIU 16:17

Jisu ma dânthâng wah, “Jona chha Simon, nanga rangkepte!” “chenrãngma ngako, are toangtang jabkhabpa mihnyan nyuchha hei angem hungwah hongjab dangmoh, rangkhethung wah tôngte Ewa Joban ma nangnâng hongjab thuk eho.

MATHIU 19:11

Jisu ma dânthâng wah, “Are hethô ekapa anga ngama takepmah, Joban ma henhen nâng koh eka erehehma loloba takep eka.

MATHIU 20:23

Jisu ma thinnâng thôkoh wah, “Ngama chohmin chêmchei pa linlin nechhe memin etatha en”, “Rohkomin nga dekchahko hentôngmin a, ngale dekhitko hentôngmin a arepa rênrãng nganâng chaan aho. Erethepa nga Wa Joban ma henrãng khoakhem koheka ereheh rãngba.”

MAK MA RAANGWAH NGINKONGSEN 10:40

Rohkomin nga dekhit dekchah ko hentôngmin a arepa ngama tarenmek. Joban ma henrãng khoakhem kotah a erehehnâng atema ekoh a.”

MAK MA RAANGWAH NGINKONGSEN 4:11

Jisu ma dânthâng wah. “Nenâng Joban Hahsông nginpa loatjetthuk eka,” “Phumma, ahan hehma, erepa nginthakthô rãng tateka,

LUK MA RAANGWAH NGINKONGSEN 8:10

ngale atema dânthâng wah, “Joban Hahsông nginpa nenâng jetthuk eka, rohkomin ahan hehma nginthakthô rãng tateka, erohwah thinma sûeka rohkomin khemah, ngale jetat eka rohkomin jetlo mah.

JON MA RAANGWAH NGINKONGSEN 6:65

Jisu ma ngatwah, “Are junko ngama nenâng thôkoh wah, Wama lehûthuk erako mihnyan henmin ngatânâng leta hûmin.”

JON MA RAANGWAH NGINKONGSEN 7:17

Henhenma Joban ma chenni huneka erepa moat huneka erehehma, ngama Joban junko hethô ekang ale ngadede chaanmajab ekanga erepa ejet a.

MOATLEM 16:14

Thinkhuchhang wah ni nginkepte pa Thiatira hahwah Lidia dângwah, atea khetchek sengte dângwah. Atea Joban linlin nâng soam atôte dângwah, ngale Pol ma thôeka nginpa jetatrãng ate hung Teso ma laangkohwah.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

1 KORINT 13:2

Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.

1 KORINT 15:51

Are patritli toangtang nginpa jetat tan en: Nãngkhu phangtang leriimin, rohkomin chenthu athôan kowah poakpopo pa merah mettahko, mitthupjep tungko nãngkhu phangtang lemlienma elitjâe. Chenrãngma ngako chenthu poakpopo pa merahmet tahko, riichoante heh chenthumin lengakrii turãng engakhin a, ngale nãngkhumin phangtang litjâ ere e.

1 KORINT 2:14

Henhen nâng Ju ahoa, erehehma Joban Ju ngewah kaera hînhô pa leta chohmin. Ererãngrãng mihnyan hehma areheh leta jetmin, ngale thinrãngma sekhota ngin rãngrãng ethonghun a, chenrãngma ngako, ere Ju chohte hehma lolo jôba tâjetmin.

1 KORINT 2:7

Ngama phoangthô ekang buthi mongthem pa Joban buthi mongthem, erepa mihnyan nyuchha ma lejet dângwah, rohkomin are hahtokkhoh hôan mama Joban ma erepa nãngkhu mîndông thukrãng rênwah.

1 KORINT 4:1

Nema ninâng Krista haa, ngale Joban toangtang moatlempa molihma ate ngin heh phoangthô kohterãng thieneka ngama thonghunhi.

1 KORINT 4:7

Henma mihhân noma adong dangthuk ehèn a? Nema chentô cheiken heh Joban ma kohwah ledangne? Sen a, eroh medang ako, nema cheiken heh, hînhô ledang rãngrãng chenroh jienrângthô eken a?

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

IFISIEN 5:32

Joban nyapraang nâng patritli toangtang ngin tonga, erepa ngama Krista le Asâthem nâng thakthô ekang.

IFISIEN 6:19

Ngama nginthôrãng chepko Joban ma Nganâng chenchoh thôkat kohhang ma ngarãngmin rangsoam kohha, erohkoba Ngama lechei thangma nginkongsen kowah patritli nginpa eta jetthukwak ang.

KOLOSIEN 2:2

Ngama arepa thin hungdong rindong danglahma hun achetmîn chenrewak a ngama moekang, erohkoba thinma toangtangma jetlahma senthemthem eta putedâlem wak a. Eroh koba thinma Joban wah patritli nginpa eta jet a, ere patritli nginpa Krista ngin.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

1 TIMOTHI 3:9

thinma hungsâ danglahma Joban ma thinnâng loatjet thuktah toangtangma putedâlem nginpa senthemthem kepte dângmin.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

1 JON 2:20

Rohkomin nekhu khohnâng Krista ma Asâthôanju kohkat ehèn, ngale erohwah nekhu anga ngama toangtang pa jet eken.

1 JON 2:27

Phumma nenâng Krista ma ate Ju nekhoh nâng kohkat ehèn. Chenthu ate Jupa nekhoh nâng tongehèn a eretôko nema nenâng hethôte henjô lemtumet. Chenrãngma ngako ate Ju pumma nekhu nâng rongrup heh hethô ehèn, ngale atema chenni hethô ehèn a ereheh amõang dangmah, phangtang toangtang. Juma hethô ehèn rãngrãng dangen, erediko Krista demnâng aroam mejû dangletma tongen.