MATHIU 12:32 - NIEMNYAN Naga NT (BSI)

³² Henma komin Mihnyan Chharãng mechhihjab ako map tâkohmin; rohkomin henma Asâthôanju lelatnâng chhihjab eka erehehnâng map lekohmin, athângheh min, ngale roantang roanjêng komin lekohmin.

MATHIU 12:32 Iomraidhean Croise

MATHIU 11:19

Phumma chenthu Mihnyan Chhama jokphhek chhahko, anga ngama Atenâng, ‘Are mihnyan ko sûtan en! rem awak ngale jokphhek chhahte, thãkho thate ngale papi mihnyan heh lemruchha, ngama ngaeken!’ Joban wah buthi mongthem pa moatlem pumma ekhesok wênra.”

MATHIU 12:31

Ngale erohwah ngama nenâng thôkoh eka: mihnyan nâng chenni pap komin ngale jabchhih jabkhah mejab akomin map tâkohmin; rohkomin henhenma Asâthôanju lelatnâng chhihjab eka erehehnâng chenthumin map lekohmin.

MATHIU 12:8

Chenrãngma ngako Mihnyan Chhapa Pientông rangwo rãng memin Teso.”

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

MATHIU 13:39

ngale hinken wênkohte ranpa joak ajo heh. Chhah pômûn pa rangle hahkho thôan sanpoat pa, ngale chhah munchoan khênte heh Joban ngintatte heh.

MATHIU 13:40

Chenroh hinheh khôanphu lahma wennâng thhek eka, ererãngrãngjô rangle hah thôan sanpoat komin dângmin:

MATHIU 13:55

Atea khoangtekte chha ledangne? Mariam pa ate nyong ledangne? ngale Jems, Josep, Simon, ngale Juda heh ate naa ledangne?

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MAK MA RAANGWAH NGINKONGSEN 10:30

erehehma are rôanko ajah echohwak a. Châthethiak nomemin ajah hum ahah, pho anya, nyong awa, chhuchha, ngale pit ajo echohwak a, ngale mihma chêmchei thukmin echohwak a; ngale khediwah hokmin rôanko roantang roanjêng roandông echohwak a.

MAK MA RAANGWAH NGINKONGSEN 3:28

“Ngama nenâng linlin thôkoh eka, mihnyan nâng ate pap heh phangtang map tâkohmin, ngale atema chentô jabchhih jabkhah jabtah hehmin map tâkohmin.

MAK MA RAANGWAH NGINKONGSEN 3:29

Rohkomin henma komin Asâthôanju lelatnâng mechhihjab ako chenthumin map lekohmin, chenrãngma ngako atema roantang roangjêng rãng pap moeka.”

LUK MA RAANGWAH NGINKONGSEN 12:10

Henma akomin Mihnyan Chha rãngma mechhihjab ako map tâkohmin; rohkomin henma Asâthôanju lelatnâng chhihjab eka hehnâng map lekohmin.

LUK MA RAANGWAH NGINKONGSEN 16:8

Erediko haachhih pumma nyahrãng buthithi lahma moatdi ate tângtewa pumma atenâng rôwah; eroh jôba Joban wenphiak nâng tôngte mihnyan heh noma are hahtokkhoh kowah tôngte mihnyan chhih hehma ajah chhihmo eka.”

LUK MA RAANGWAH NGINKONGSEN 18:30

erehehma are roanko ajahthem echoh a, ngale ahokmin roandông komin roantang roanjêng roandông echoh a.”

LUK MA RAANGWAH NGINKONGSEN 23:34

Jisu ma ngatwah, “Ewa thinnâng mapkoh o! chenrãngma ngako thinma chenni moeka erepa jetmah.” Thinma thintungko Jisu khetpa longkendoh nâng tanlahma phenkep wah.

LUK MA RAANGWAH NGINKONGSEN 7:34

Phumma Mihnyan Chhama jokphhek chhah lahma dângko nema, ‘Are mihnyanko sûtan en! rem awak chenmin le abanmah, ngale khemmok chempa, thãkho thâte ngale papi mihnyan heh lemruchha!’ ngaeken.

JON MA RAANGWAH NGINKONGSEN 7:12

Mihnyan heh chhangko ate junma nyahrãng phoanghuh jabmînwah. Khaka hehma, “Atea mihnyansen” ngatwah, rohkomin khaka hehma, “Dangmah, Atea aba apha” ngawah.

JON MA RAANGWAH NGINKONGSEN 7:39

Arepa Jisu ma Ju junko jabwah, henhen ma atenâng putedâlem eka erehehma ere Ju pa chohmin. Ere sanpoatko Ju pa makoh dângwah, chenrãngma ngako, Jisu Joban chaan keplahma ritwah ma ngakhin dângwah.

JON MA RAANGWAH NGINKONGSEN 7:52

Thinma dânthâng wah, “Nangmin Galili wahne? Joban nyapraang meweih oko nangma ejet o chenthumin Galili wah mõng lehongmin.”

MOATLEM 3:19

Erohwah hunglit letma Joban tânâng ngakhûren, erohkoba atema nepap heh map ekohhèn. Nema eroh memo enko,

IFISIEN 1:21

Enâng Krista ma rangkhethung wah pênte, chaan kepte, chaan ahang heh, ngale teso chentô heh noma adong danglahma pêneka; ngale are hahtokkhoh wahmin erediko adiwah hokmin hahtokkhoh kowah chentô adong heh nomemin Krista jôba adongthôan.

1 TIMOTHI 1:13

khema nângjô Ngama aterãng mechhih jabtek komin, ba atenâng chêmsiet lekma mejõjêm tek komin. Rohkomin Joban ma nganâng nyahrãng mînchen ehang, chenrãngma ngako, Ngama leputedâlem poatko Ngama chenni moekanga erepa lejet thangma moatwah.

1 TIMOTHI 1:15

Arepa toangtang ngale senthemthem putedâlem lihma kepthin ngin: Jisu Krista hahtokkhoh ko papi mihnyan heh pepângrãng kaera. Phumma ere khukowah Nga a papi thôan,

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

1 TIMOTHI 6:17

Are hahtokkhoh roandông kowah ngun akem ngale chhahkhem ngenâng techhu dângte hehnâng lengamrii rãng thôkoh, ngale thin ngun akem le chhû alû hehnâng nekchen dâlem wakeka, rohkomin nyahrãng chhahme danglahma nãngnâng khuhah nâhah tongrãng chentôpa chohkohte Joban nânglolo chen dâlem wak a.

2 TIMOTHI 4:10

Dimas ma are hahtokkhoh roandông kowah hehnâng nyahrãng hunlahma Nga thînphethien lahma Thisalonika nâng kaeka. Krisen a Galatien nâng lâkatah, ngale Titas dangeka Dalmatia nâng lâkatah.

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.