MATHIU 12:18 - NIEMNYAN Naga NT (BSI)

¹⁸ “ngama rentek ngahaa pa ana, ngama Atenâng hun ekang, ngale ate demnâng nga rinme ekang. Ngama nga Ju ate seknâng echienkat ang, Ngale chentô diak akanko ngama metloat Nginpa atema ephoang thôkoh a.

MATHIU 12:18 Iomraidhean Croise

MATHIU 12:17

Atema are moeka pa Mõng Isaia ma Joban ngin jabtah pa toangtang dângwãng rãngma moatwah:

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MAK MA RAANGWAH NGINKONGSEN 1:11

Ngale rangkhethung wah jabkhab hôngjab katwah, “Nanga ngama nyahrãng ahun Chha. Nga nangdemnâng nyahrãng rinme ekang.”

MAK MA RAANGWAH NGINKONGSEN 9:7

Erediko phoambuk bukhû lahma mahbuk wah, ngale phoamkhen kowah jabkhab hôngjab katwah, “Arepa nga Chha ngama atenâng nyahrãng hun ekang - ate ngin kepen!”

LUK MA RAANGWAH NGINKONGSEN 23:35

Jews khhepho phannang hehma Jisu nâng jôjêm poatko eretheko mihnyan heh cheplahma sokwah: “Atema mihhan tapepâng eka; phumma Joban ma rênwah Misaia medang ako atedede min chenpe pângriitan a!”

LUK MA RAANGWAH NGINKONGSEN 3:22

ngale Asâthôanju phariwo rãngrãng danglahma ate khohko tôngkatwah. Ngale rangkhethung wah jabkhab hôngjab katwah, “Nanga ngama nyahrãng ahun nga Chha. Nga nangdemnâng rinme ekang.”

LUK MA RAANGWAH NGINKONGSEN 4:18

Teso Jupa ngakhohko tonga, chenrãngma ngako atema tangchhih hehnâng Joban nginkongsen pa thôkoh rãng ren ehang. Ngale phâtek khennâng khhekrii lahma tôngte hehnâng thinlaangphe nginpa thôkoh rãng ren ehang ngale mitdoak hehma jienkhe; ngale mihkhennâng chêmte heh loatsiet

LUK MA RAANGWAH NGINKONGSEN 9:35

Phoam kowah jabkhab hôngjab katwah, “Arepa nga Chha, ngama ate lârentek - ate ngin kepen!”

JON MA RAANGWAH NGINKONGSEN 3:34

Henpa Joban ma chienkat era erepumma Joban ngin thôeka, chenrãngma ngako atenâng Joban ma ate Jupa mênchong koheka.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 14:27

Chenthu thin Antiok nâng hokko, thinma Asâthem heh khôansiet lahma Joban ma thin demnâng chentô motah a erengin heh phangtang thôkoh wah, ngale Jews ledangte hehma putedâlem rãng Joban ma chenroh lemlaang kotah a erengin hehmin thôkoh wah.

IFISIEN 1:6

Erohwah Joban ma nãngnâng nyahrãng mînchendong kohdi Joban nâng rôe, chenrãngma ngako atema nyahrãng ahun ate Chha demko nãngnâng hînhô pa thãhoma kohehi!

KOLOSIEN 1:1

Joban hungsi junko Jisu Krista moattat chhoante Pol, ngale nãngnaa Timothi ngewah-

KOLOSIEN 1:13

Atema rangnyek chaan kowah pepâng lahma atema nyahrãng ahun ate Chha Hahsông theko senthemthem sietwên ehi,

1 PITER 2:4

Teso tânâng hûren, atea ahîn long, mihnyan nyuchha hehma achhih ngama petphe eka, rohkomin Teso ma alemli ngama ren eka.

2 PITER 1:17

Chenthu Wa Joban ma ate mîndong thuktah poatko nimin eretheko dângwah. Chentô noma mîndongthôan chohte pumma atenâng aroh ngatwah, “Arepa Echha linlin Ngama atenâng nyahrãng hun ekang, ngale Nga ate demnâng nyahrãng rinme ekang!”