MATHIU 11:21 - NIEMNYAN Naga NT (BSI)

²¹ “Korajin, nangrãngma chentô cheili dângmin a! Batsida, nangrãng memin chentô cheili dângmin a! Ne tânâng patritli moatlem motek pa Tair ngale Sidon nâng moat ngako, thinma papwah hunglittih ngama jetthukrãng, enângwah mihnyan heh chenthu thuma bosta khetpakep ngale bumma thinkhoko phuhrii chenre waktah!!

MATHIU 11:21 Iomraidhean Croise

MATHIU 11:22

Ngama nginlinlin thôkoh eka, metloatjâ rangwo ko nenoma Tair ngale Sidon wah mihnyan hehnâng Joban ma ate mînchen pa ajah ekhesok a!

MATHIU 15:21

Jisu erethe kowah loatchhoan lahma Tair ngale Sidon hah ngenâng katwah.

MATHIU 18:7

Are hahtokkhoh wah mihnyan heh putedâlem mahphe thukthin tongeka pa thinrãngma chentô cheilia! phumma arerãngrãng pa roantangma edanga - rohkomin ere mahphe thukte hehrãngma chentô cheili dângmin a!

MATHIU 26:24

Joban nyapraang nâng chenroh raangeka eroh Mihnyan Chhapa eriia, rohkomin henma Mihnyan Chhapa chensãng eka ererãngma chentô chhih dângmin a! Ere mihnyan rãngma ate lechêm hongchha peba asen dângmin wah!”

MAK MA RAANGWAH NGINKONGSEN 3:8

Erediko Jeroselem, Idumia, Jordan rãngma sankat ngewah, ngale Tair le Sidon hah kêanâ hahwahmin hokwah. Are chentô mihnyan heh Jisu ma moeka moatlem ngin heh chohtat lahma ate tânâng hokwah.

MAK MA RAANGWAH NGINKONGSEN 6:45

Jisu ma lemlienma ate dijunte heh khôankhoko chhang thuk lahma josi rankawah Batsida hahko ate mako dânwânglâ thukwah, erepoatko atema mihnyan heh chienchhoan wah.

MAK MA RAANGWAH NGINKONGSEN 7:24

Erediko Jisu eretheko wah loatchhoan lahma Tair hah kêanâ wah hah hehnâng chhoanwah. Erethe kowah wathe humnâng Jisu hokwah, phumma Jisu ere humko tonga ngama henmemin nekchenjet ehang ngama atema thônghun wah, rohkomin ate tahuhtongho.

MAK MA RAANGWAH NGINKONGSEN 7:31

Erediko Jisu Tair hah kêana hah hehwah chhoan lahma Sidon hah ngema Galili josi nâng, Sumhah Wan echhi ngama ngaeka nâng katlem ngema wângwah.

MAK MA RAANGWAH NGINKONGSEN 8:22

Thin Batsida nâng katko, mihnyan khuthema Jisu tânâng mitdoak wathe siethu kolahma atenâng dekma sahloatrãng roatsep wah.

LUK MA RAANGWAH NGINKONGSEN 4:26

Rohkomin Ilija Isrial diakwah mihnyan heh tânâng lechien chhoanwah, Sidon diakwah Zarepha hahko sôngte janthoinyu tânâng loloba chienkatwah.

LUK MA RAANGWAH NGINKONGSEN 6:17

Jisu hahhokho wah ate moattat chhoante heh demko jâkhoam kalahma, hahthungko jahmõang ate dijunte heh demko chepkatwah. Judia diak phangtangwah, Jeroselem, ngale Tair le Sidon diakwah jokêm nâng sôngte mihnyan heh eretheko jahmõang dângwah;

LUK MA RAANGWAH NGINKONGSEN 9:10

Moattat chhoante heh ngakhû lahma thinma chentô motah heh Jisu nâng thôkoh wah. Erediko Jisu ma ate demko sietchhoan lahma Batsida ngama ngaeka sumhahko wângwah.

JON MA RAANGWAH NGINKONGSEN 1:44

(Philip pa Batsida wah dângwah, Andru le Piter niimin erehahko sôngte dângwah.)

JON MA RAANGWAH NGINKONGSEN 12:21

Thinma Filip tânâng wãng lahma (atea Galilijaa wah Batsida hah wah dângwah) ngatwah, “Hethôte, nimemin Jisu demnâng chohmînhun eki.”

MOATLEM 12:20

Tair le Sidon wah mihnyan heh demnâng Hirot nyahrãng rinkhah wah, ephumma enângwah mihnyan khuthe roamlahma ate demnâng chohmînrãng hokwah. Khebeng khoko thinma Hirot humbemte Blastas demnâng bengjetmîn wah, ephumma Blastas ma thinnâng chohsok wah. Erediko Hirot tânâng wãngwak lahma nomerãng roatsep wah, chenrãngma ngako thinma phhekchhah pa Lowang Hirot diakwah chohwah.

MOATLEM 27:3

Eredijâko nia Sidon hahnâng hokwah. Julius pa Pol demnâng asen dângwah ngale ate lemru heh demnâng Pol chohmînchhoan thukwah, ngale atema chenni lemeka erehehmin chohkoh thukwah.

JUD MA RAANGWAH SITI 1:11

Thinrãng chentô chhih dângmin a! Thinma Kain damãnko juntoan eka. Chenrãngma ngako, ngun junma thin dedema Balam ma chenroh kaamchhih motah a ererãngrãng kaamchhih moeka. Ngale Kora dangtah rãngrãng thinmin Joban lelatnâng dangeka, ngale thinmin Kora rãngrãng chhihsiet eka.

LOATKHESOK 11:3

Ngama Nga hâkhi hôante wanii bosta khet kepthuk lekma echienkat ang, ngale thinma Joban nginkongpa 1,260 rangwo khenko ephoangthôa.”

LOATKHESOK 6:12

Ngale Ngama Saakchha ma wanerok kowah nyapraangten pangmiem tahpa jânlahma khewah. Ereko hah pa nyaharang tiidong tiilahma dângwah, ngale san pemin khetnyek rãngrãng nyekjâ lahma dângwah, ngale dâ pemin hei rãngrãng phangtang chekjâ lahma dângwah.