MATHIU 11:1 - NIEMNYAN Naga NT (BSI)

¹ Chenthu Jisu ma ate dijunte echhi wanii nâng rîn akhah diko, atea erethe kowah loatchhoan lahma, ere kêanâ wah hahdaang hehnâng Joban ngin hethô rãng chhoanwah.

MATHIU 11:1 Iomraidhean Croise

MATHIU 28:20

Ngale ngama nenâng chentô thôkotah ngin heh keprãng hethô en. Ngale nga nedemnâng roantang roanjêngma athôan kotuk ejoh tonga.”

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 7:28

Chenthu Jisu ma erengin heh thôkoh diko, mihnyan hehma atema hethôeka nginpa tatlahma bârit rewah.

MATHIU 9:35

Jisu chentô diak ajaa ngale hahdaang rupnâng phoangkhôam wah, atema Joban Hahsông nginkongsen pa chentô Sanagog hehnâng phôangthôkoh wah, ngale jatrup khoanchet, khun atamte hehmin sênsietwah.

MAK MA RAANGWAH NGINKONGSEN 6:12

Ephumma thin chhoan lahma mihnyan hehnâng thin papwah hunglit rãng Joban nginpa phoangthô kohwah.

LUK MA RAANGWAH NGINKONGSEN 23:5

Rohkomin thinma jahjah chaanjab wah, “Atema phoanghethô lahma Judia diakwah mihnyan heh phangtang phoangjamsiet eka. Atema Galili nâng bângphoang jâmsietwah, ade phumma anângmin lâhû jamsiet katha.”

LUK MA RAANGWAH NGINKONGSEN 8:1

Ere poatthe diko Jisu ma Joban Hahsông Nginkongsen pa phoangthô lahma sumhah ngale hahdaang hehnâng phoangkhoam wah. Dijunte echhi wanii pemin ate demnâng johchhoan wah,

JON MA RAANGWAH NGINKONGSEN 15:10

Ngama chenroh Ewa hôkum keplekma ate hunkojû danglekma tong ekanga, ererãngrãng nemin nga hôkumpa kepletma ngawah hunkojû dangletma tongen.

JON MA RAANGWAH NGINKONGSEN 15:14

Ngale ngama nenâng chenni chieneka erepa nema memo enko nea ngalemruchha.

MOATLEM 1:2

ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 10:42

Ngale atema ninâng nginkongsen pa mihnyan hehnâng phoangthô chhoankoh en ngama chien ehi ngale Joban ma atenâng ahînte ngale aritte heh rênrãng thieneka ngama thôchhoan kohrãng chien ehi.

1 THISALONIKA 4:2

Chenrãngma ngako, Teso Jisu Krista chaanjunko nima nenâng rîn akhah tahheh nemajet.

2 THISALONIKA 3:10

Chenthu nia netânâng dângpoatko, nima aroh thôkotah, “Henhenma moat akat lehun dangeka ereheh nâng phhekchhah min nekphhek chhahthuk en,”

2 THISALONIKA 3:6

Lemruchha heh, Teso Jisu Krista mînko nima nenâng thôkoh eka, putedâlemte danglahma ajõ, ngale nima thinnâng rîn akhah tihheh junko ledangte heh demwah ataang re en.

1 TIMOTHI 6:14

nãng Teso Jisu Krista ngakkatjâ Rangwo pa mahong hongko Ngama nangnâng are ngin chien eki heh senthemthem keplohma tongo.