MATHIU 10:41 - NIEMNYAN Naga NT (BSI)

⁴¹ Henma komin mõngnâng atea mõng dângjunko asenma tãngroo eka, atema mõngthã echoh a. Ngale henma komin mihnyan senpa, atea mihnyansen dângthã asenma chohtãngroo eka, erepumma mihnyan senthã chohmin.

MATHIU 10:41 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 25:44

Erediko thinma atenâng edânthanga, ‘Teso, nima nang rêmrii lohma chenthu khetih a, ngale chenthu jolânrit khetih a, ngale mihwun danglohma khetih a, rohkole boangloang khetih a, ngale khun khetih a, rohkole phâtek nâng khelihma lechohsû dangtih a?’

MATHIU 25:45

Ephumma Lowang pumma edânthanga, ‘Ngama nenâng thôkoh eka, chenthu nema arinthôan wathe nâng lenyoak chohsû dangtet a, arepa nganâng lenyoak chohsû dangeha.’

MATHIU 6:1

“Nema mihnâng chohsok moatlem memo enko mihhehma chenkhehi ngama thonghun letma nok atang chhangko nekmo en. Nema ere moatlempa mihmathah ko memo enko, nema rangkhethung wah newa Joban wah chenjô lechohmin.

MATHIU 6:18

Eroh koba nema lejok lechhah thangma rangsoam pa mihma lejetmin - mitma lekhe, ne Wa Joban, meloloba ejet a. Ngale nema ahuh chhama moeken pa ne Wa Joban ma khelahma, nenâng rang ekohhèn.

MATHIU 6:4

Nema chohsû eken pa henmejô lejetli mo en. Eroh koba nema ahuh chhama, moeken pa ne Wama, khelahma erethã nenâng rang ekohhèn.

MATHIU 6:6

Chenthu nema rangsoamko, humkhen nâng wãngletma kâsek sekletma mitma lekhe ne Wa Joban nâng soam en, ngale ne Wa Joban ma ahuh chhama moatpa khelahma nenâng rang ekohhèn.

MATHIU 7:8

Henhen ma thaeka, erehehma echoh a, alemte hehma echoh khea, ngale henhenma kâsekko rahkõng eka hehnâng kâsekpa elaangkoh a?

MOATLEM 16:15

Atema ngale ate hum wah mihnyan hehma baptijem kepdiko, Lidia ma ate humnâng ni roowah, “Nema nganâng linlin Teso nâng putedâlemte ngama methonghun theko nga humnâng tongwãngren.” Ngale thinhumnâng wângrãng atema ninâng roatsep wah.

ROMAN HEHNÂNG POLMA RAANGWAH SITI 16:23

Nga humjek Gaius, ngale ate humko Asâthem heh rângkhôan e, ate memin salem matkat ehèn; ngale ere hahdaang kowah ngun thiente Irastas erediko nãngpho Kuartas memin nenâng thin salem matkat ehèn.

1 KORINT 9:17

Ngama nga moatlempa ngadede mejô renlekma memo angko, ngama erethã chohmin ngama edâlemthem ang; rohkomin ngama erepa metkaptô moatthin moatlem ngama moekang, chenrãngma ngako, ere moatlempa Joban ma nganâng mothuk ehang.

HIBRU 6:10

Joban pa mothô khoanglep dangmah. Nema motet moatlem heh atema lekphemah, ngale nema atenâng hun achet junko atenâng putedâlemte hehnâng chohsûtet hehmin lekphemah, ngale athâng hehwah chohsû eken hehmin atema lekphemah.

2 JON 1:8

Erohwah jetletma dangen, erohkoba nema chenrãngma motet a ereheh lemahphe edangen, ngale eroh medang enkoba nema Joban wah thã echoh en.