MATHIU 10:40 - NIEMNYAN Naga NT (BSI)

⁴⁰ “Henma komin ne metãngroo hènko, erepa nganâng tãngroo ehang; ngale henma nga tãngroo ehanga, arepa nga chienkatte pa tãngroo eka.

MATHIU 10:40 Iomraidhean Croise

MATHIU 18:5

Ngale henma akomin are letachha rãngrãng danglahma ngamînko tãngroo eka, erepa nganâng tãngroo ehang.

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 25:45

Ephumma Lowang pumma edânthanga, ‘Ngama nenâng thôkoh eka, chenthu nema arinthôan wathe nâng lenyoak chohsû dangtet a, arepa nganâng lenyoak chohsû dangeha.’

MAK MA RAANGWAH NGINKONGSEN 9:37

“Henma komin are leta rãngrãng hehwah ngamînko wathe nâng asenma metãngroo ako, arepa nganâng tãngroo ehang; ngale henma komin nga metãngroo hangko, erepa ngalolo tângroo dangmah hang, nga chienkatte pemin tãngroo eka.”

LUK MA RAANGWAH NGINKONGSEN 10:16

Jisu ma ate dijunte hehnâng ngatwah, “Henhenma ne ngintat ehèn a, erepa nga ngintat ehang; henhenma ne letangroo dang ehèn a, arepa ngamin tangroo mahhang; ngale henhenma nga letangroo dang ehanga arepa nga chienkatte pemin tangroomah.”

LUK MA RAANGWAH NGINKONGSEN 9:48

ngale thinnâng ngatwah, “Henma komin are naachha pa ngamînko tãngroo eka, erepa nganâng tãngroo ehang; ngale henhenma nga tãngroo ehanga, atema nga chienkatte pemin tãngroo eka. Chenrãngma ngako nekhuchhang wah henpa arinthôan a ere peba adongthôan.”

JON MA RAANGWAH NGINKONGSEN 13:20

Ngama toangtang thôkoh eka: Henma komin ngama chienchhoan ekang mihnyan pa metãngroo ako erepa nga tãngroo ehang; ngale henhenma nga tãngroo ehanga erepa ngachien katte pemin tãngroo eka.”

JON MA RAANGWAH NGINKONGSEN 20:21

Jisu ma thinnâng eredikomin ngatwah “Nekhu mêmo dangen. Ewa ma nga chienkatthang rãngrãng ngamemin nekhu chienchhoan eka.”

JON MA RAANGWAH NGINKONGSEN 5:23

erohwah thinma chenroh Wa nâng soangraang eka, ererãngrãng chentôma Chha pemin soangraangmin. Henma komin Chha nâng lesoangraang medang ako, ate chienkatte Wa nângmin soangraangmah.

2 KORINT 5:20

Erohwah nima Krista rãngma jabeki, ngale Joban ma ate dedema roatsep wah rãngrãng nikhu junma rosep ehèn. Nima Krista mînko rosep eki: Joban ma ate ran dangtet pa ate lemruchha rãng chenlitsiet hèn!

GALATIEN 4:14

Nga phoangnâng khun junko nekhu nâng mechêmsiettah komin, nekhuma nga phemahtha, ngale chinnya mahtha. Erenoma, nema Joban ngintatte heh tãngroo rãngrãng tãngrootha, ngale nema Jisu krista tãngroo eken rãngrãng tãngrootha.

1 THISALONIKA 4:8

Erohwah, henhenma are hethôeka nginpa dan eka erepa mihnyan ngindân dangmah, nenâng ate Asâthôanju kohte Joban ngin dan eka.

2 JON 1:9

Henhen komin Jisu Krista nginlekep thangma, alîenlîen nâng dangeka, ereheh nâng Joban aho. Rohkomin henhenma Jisu Krista ngin kepeka ereheh nâng Wa ngale Chha waniinii tonga.