MATHIU 10:26 - NIEMNYAN Naga NT (BSI)

²⁶ “Erohwah mihnyan ran nekchei en. Athângheh chentô huhthien eka heh phangtang laangjâ rêmin, ngale athângheh chentô riem eka ereheh loatjâ rêmin.

MATHIU 10:26 Iomraidhean Croise

MATHIU 10:28

Phoang ritphete ran nekchei en, thinma ju taritphe mah; Ere noma phoang ngale ju wanniinii pap wendô nâng rokthhek lahma târitphete Joban ran chei en.

MAK MA RAANGWAH NGINKONGSEN 4:22

Chentô huhriem re eka heh phangtang loatsiet rêmin, ngale chentô huhthien reka heh phangtang laangphê rêmin.

LUK MA RAANGWAH NGINKONGSEN 24:47

ngale ate mînko, Jeroselem hahma bângthun lahma chentô diak akan hehnâng papmoatlem wah hungngaklit ngin ngale pap heh mapkoh ngin phoangthô kohmin.

LUK MA RAANGWAH NGINKONGSEN 8:17

“Chenni komin huhriem rekapa loatsiet rêmin, ngale chenni komin huhriem lahma thien ekapa rangwo nâng loatsietmin.

MOATLEM 1:8

Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 4:13

Ngoang awang hehma Piter le Jon nii lechei thangma jab khelahma nyahrãng bâritwah, ngale ate niia nyapweih nyapraangte dangmah ngama tatlahma bâritwah. Erediko ba thinma Piter le Jon nii Jisu demnâng johdângwah ngama thônghun wah.

MOATLEM 4:19

Rohkomin Piter le Jon niima dânthâng wah, “Nededema thatthong hun tan en, Joban ngenâng chenpa apun a - ne ngin kepmin ale roh akole Joban ngin kepmin a.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

1 PITER 3:14

Rohkomin nema kaamsen moattha chêm mere enko, nema rang ekepen! hen ranjô nekchei en, ngale nekpatrii en.