MATHIU 10:22 - NIEMNYAN Naga NT (BSI)

²² Anga ngama ngajunma nenâng emitchek hèn. Rohkomin henhen pa athôan kotuk dâlemsen lektong eka ere hehba khope min.

MATHIU 10:22 Iomraidhean Croise

MATHIU 10:39

Henhen ma ate roandông rãng lololem eka, arepa mahto nâng edanga. Rohkomin henhenma ate roandông pa ngarãng koheka, erehehma khope echoh a”

MATHIU 24:13

Phumma henhen athôankotuk rongtêngtêng putedâlem eka ereheh meba khope chohmin.

MATHIU 24:9

“Erediko nea khhek ere hèn, ngale chêmsiet lahma ritphe ere hèn. Mihnyan nyuchha chentôma nga junko echhihchoh hèn.

MATHIU 5:11

“Chenthu mihnyan ma jôjêm, chêmthuk, ngale ne khohnâng khoanglep methôako, nea rangkepte dângmin, chenrãngma ngako nea ngadijunte.

MAK MA RAANGWAH NGINKONGSEN 13:13

Anga ngama ngajunma nenâng emitchek hèn. Rohkomin athôan tokokiet henhenpa dâlemsen danglahma lektong eka ere hehba khopemin.

LUK MA RAANGWAH NGINKONGSEN 21:17

Nganâng putedâlem junko anga ngama chinnya ere hèn.

LUK MA RAANGWAH NGINKONGSEN 21:19

Putedâlem nâng rõngtângtâng dangen, erohkoba nedede eta pesietrii en.

LUK MA RAANGWAH NGINKONGSEN 6:22

“Chenthu mihnyan hehma nenâng Mihnyan Chha junma mitchek, aphê, dûmmek, ngale achhih menga hènko nea rangkepte dângmin!

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

JON MA RAANGWAH NGINKONGSEN 17:14

Ngama thinnâng nang nginpa thôkoh ekang, phumma hahtokkhoh wah hehma thinnâng chhihchoh eka, chengrãngma ngako, Nga a are hahtokkhoh rãng ledang dangekang rãngrãng, thinmin are hahtokkhoh rãng dangmah.

JON MA RAANGWAH NGINKONGSEN 7:7

Hah-tokkhoh mihnyan ma nenâng jienchhihchoh mahhèn, rohkomin nganâng chhihchoh ehang, chenrãngma ngako ngama thin moatlem pa achhih ngaekang.

MOATLEM 9:16

Ngale atema ngarãng chêmchohmin heh ngadedema atenâng ekhesok ang.”

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

2 KORINT 4:11

Ni roandông dôngtang Jisu mînko riinemnemjû tongeki, eroh junkoba ni hei angem roandông komin ate roandông pa ekhehi.

GALATIEN 6:9

Erohwah kaamsen moatnâng nekboan eki; chenrãngma ngako nãngma lejek thangma memo eko, erethã roantang roanjêng khope choh sanpoat pa ehûra.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 6:11

Nima ajahthem huneki pa nekhuma athôan kotuk Joban moatlempa rokhun rahhun dangletma chenmo en ngama huneka, erohkoba nekhuma dâlem letma bemla ekenpa linlin echoh en.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

1 JON 3:13

Ngalemruchha heh, are hahtokkhoh wah mihnyan heh mejô mechhihchoh hèn komin nekpatrii en.

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 2:17

“Erohwah, nenâng nâ metong hènko, Juma Asâthem hehnâng chenni ngaeka erepa jetat en! “Henhenma tajien eka ereheh nâng ahuhriam wah mana echhahthuk a. Ngale Ngama thin anga nganâng longpo ekoh ang, ere longpo ko henmejô lejetli mînnyan raanglahma tonga, ere mînpa henma choh eka erepumma loloba jetmin.

LOATKHESOK 2:26

Henhenma tajien eka, ngale Ngama hun ekang rãngrãng athôankotuk moeka, ere hehnâng Ngama Ewa ngewah chohtek rãngrãng mãnthe chaanpa ekoh ang: Ngama thinnâng chentô diak akan heh khohko pênrãng chaan ekoh ang, ngale jankangma hahtit soapwat lahma chhupjâwah rãngrãng soapwatrãng thinnâng epênthuk ang. Ngale Ngama thinnâng rangkhah meritmin ekoh ang.

LOATKHESOK 2:3

Nea hung arin môngmông dangletma Ngarãng lâchêmtet, ngale nema ere chêmchei pa letadô thangma thînphemet.

LOATKHESOK 2:7

“Nenâng nâ metong hènko, Juma, Asâthem hehnâng chenni ngaeka ereheh jetat en! “Henhenma tajien eken a ereheh nâng Ngama Joban penri thong kowah roandông chohthin bãngko penri rieka kowah echhahthuk ang.”

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.