MATHIU 10:20 - NIEMNYAN Naga NT (BSI)

²⁰ Chenrãngma ngako nema loatjabmin jabkhab pa newah ledangmin; ere jabkhab heh ne Wa Joban Ju ngewah kalahma nema ehongjab en.

MATHIU 10:20 Iomraidhean Croise

MATHIU 6:32

(Are sêmmak hehrãngma Joban lejette mihnyan heh roantang sekmah eka.) Rangkhethung wah tôngte ne Wa Joban ma ajet, nema areheh lemeken ngama.

MAK MA RAANGWAH NGINKONGSEN 12:36

Asâthôanju ma Devit nâng jabthukwah: ‘Teso ma nga Teso nâng ngaeka: Ngama nangran heh nang daphâ khenko mathien thienkoh kiko nanga are nga dekchahko tongo.’

LUK MA RAANGWAH NGINKONGSEN 11:13

Nea atô chhihjô medang enkomin, nema mâmâ chhanâng asenli kohpa jet eken. Eroh medang ako, rangkhethung wah tôngte Joban Wa mejã tanga atewah Asâthôanju thâte hehnâng kohpa chentô bâmjet eka!”

LUK MA RAANGWAH NGINKONGSEN 12:12

Chenrãngma ngako, Asâthôanju ma ere sanpoatko nema chenni dânthâng min a erepa ethôkoh hèn.”

LUK MA RAANGWAH NGINKONGSEN 21:15

chenrãngma ngako neran hehma ne nginko lejien dakli ngale lejien dânthangtuli nema jiendânthâng rãng ngama nenâng jabkhab ngale buthi mongthem ekoh a.

MOATLEM 13:9

Erediko Sol - ngale atenâng Pol ngamemin rooeka - atenâng Asâthôanju mênchong dângwah; atema jâdu jetteko thongsû lahma

MOATLEM 2:4

Thin anga ngama Asâthôanju chohwah, ngale Juma thinnâng chenroh jabthuk eka eroh thinma mihhanjat jabma jabwah.

MOATLEM 28:25

Ephumma thindede tungko nginthun lejut thangma dângwah, phumma thin phanchhoan mako, Pol ma thinnâng are jabkhab khabthepa ngatwah: “Asâthôanju junma Mõng Isaia ma nete newa hehnâng chentôsên ngatwah a!

MOATLEM 4:8

Piter nâng Asâthôanju mênchong danglahma thinnâng dânthâng wah, “Mihnyan nyuchha heh lemsênte ngale khhepho phannang heh:

MOATLEM 6:10

Rohkomin Stifen nâng Juma chohsû lahma atema ngin heh chhemlala hôngjabwah, phumma ere Jews heh ate demnâng tachhiakmîn tuho.

2 KORINT 13:3

Nga junma Krista ma jabeka ngama nemajet hun ekenpa phangtang echohjet en. Chenthu atea nedemnâng dângko, atea pachhih dangmah; erenoma, ate chaan ba nekhu nâng khesok ehèn.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.

2 PITER 1:21

Chenrãngma ngako, henmemin profisi pa mihnyan nyuchha hungsima hongjabmah, rohkomin mihnyan pumma Asâthôanju chaan junma Joban ngewah kaera jabkhab pa hongjab eka.