MATHIU 10:2 - NIEMNYAN Naga NT (BSI)

² Echhi wanii Jisu moattat chhoante mînpa areheh dângwah: Khebâng pa Simon (Atenâng piter ngamemin ngaeka) ate pho Andru; Jems ngale ate pho Jon Zibidi chha;

MATHIU 10:2 Iomraidhean Croise

MATHIU 17:1

Jâerok diko Jisu ma ate demnâng Piter ngale pho anaa Jems ngale Jon sietlahma hahho choang khonâng wângwah, ereko thinlolo dangwah.

MATHIU 20:20

Erediko Zibidi tangnyu ate chha dela wanii pa sietlahma Jisu mathahko khupjup lahma chenni akomin mammo mêngkohhang ngama roatsep wah.

MATHIU 26:37

Ate demko piter ngale Zibidi chha wanii johsietwên wah. Ereko Jisu nâng hungchhih chêmchoh hokwah,

MATHIU 4:18

Jisu Galili josikem jêngjêngma khoampoatko, Atema ngahloatte pho anaa wanii khewah, Simon piter ngale ate naa Andru, josiko chaakma ngahhat dângwah.

MATHIU 4:21

Noangthe wângko pho anaa wanii, Jems ngale Jon, Jibidi chha wîenkhe wah. Thin a khôankhoko thinwa demko chaak senphin lahma dângwah. Eko Jisu ma thinnâng roowah,

MAK MA RAANGWAH NGINKONGSEN 1:29

Jisu le ate dijunte heh, erediko thindem ko Jems ngale Jon, Sanagog wah loatchhoan lahma Simon ngale Andru humnâng tintin katwah.

MAK MA RAANGWAH NGINKONGSEN 13:3

Rangsoamhum rãnkawah Oliv hahhokho ko Jisu tonglahma dângwah, eko Piter, Jems, Jon, ngale Andru, lolo ate tâko hokwah.

MAK MA RAANGWAH NGINKONGSEN 6:30

Moattat chhoante heh ngakhû lahma Jisu demnâng chohmînwah, ngale thinma motah le hethôtah heh phangtang thôkoh wah.

LUK MA RAANGWAH NGINKONGSEN 11:49

Erohwah Joban buthi mongthem ma ngatwah, ‘Ngama thin tânâng mõng ngale nginmatte heh echienkat ang; phumma thinma wawathe pa aritphe erewak a, ngale wawatheko chêmthuk erea.’

LUK MA RAANGWAH NGINKONGSEN 22:14

Sanpoat hokphumma, Jisu ma moattat chhoante heh demko khoangko tôngwângwah.

LUK MA RAANGWAH NGINKONGSEN 22:8

Jisu ma Piter ngale Jon ninâng are ngin heh thôko lahma chienwênwah: “Wãngletma nãngkhuma chhahrãng Adankhoam lokuh phhekchhah pa khoakhem wãngen.”

LUK MA RAANGWAH NGINKONGSEN 5:10

Simon lemru Zibidi chha Jems le Jon niimin bâritwah. Jisu ma simon nâng ngatwah, “Nekchei; ade phumma nanga mihnyan loatte dângmin.”

LUK MA RAANGWAH NGINKONGSEN 9:10

Moattat chhoante heh ngakhû lahma thinma chentô motah heh Jisu nâng thôkoh wah. Erediko Jisu ma ate demko sietchhoan lahma Batsida ngama ngaeka sumhahko wângwah.

JON MA RAANGWAH NGINKONGSEN 12:22

Filip wãng lahma Andru nâng thôkoh wah, ngale ere waniipa wãng lahma Jisu nâng thôkoh wah.

JON MA RAANGWAH NGINKONGSEN 13:23

Dijunte wathe nâng Jisu ma nyahrãng hunlahma dângwah, erepa Jisu tâko tôngwah.

JON MA RAANGWAH NGINKONGSEN 20:2

Atema ngakchhoanwãng lahma Simon Piter le Jisu ma dijunte atema nyahrãng huntah niinâng thôkoh wah, “Thinma mangruk wah Teso pechhoantah, ngale thinma chenko thienchhoan eka erepa nima jetmih!”

JON MA RAANGWAH NGINKONGSEN 21:2

Simon Piter, Thomas (atenâng Didimas ngama ngaeka), Nathaniel (Galilijaa Kana hah kowah), Zibidi chha heh, ngale Jisu dijunte ahan wanii, thinkhu phangtang aroamma dângwah.

JON MA RAANGWAH NGINKONGSEN 21:20

Piter litphong lahma sûtahpa ate tokdiko dijunte ahan wathe chohkhe wah, erepa Jisu demnâng phhekchhah chhahpoatko Jisu tâko kiettong kalahma, “Teso, nang henma chênsângmin a?” ngama thongphâte pa dângwah, ngale atenâng Jisu ma nyahrãng hunwah.

JON MA RAANGWAH NGINKONGSEN 21:24

Ere dijunte pumma are ngin heh jabwah, ngale areheh atema raangthienwah; ngale nãngma ajet atema chenni jabtah a erepa toangtang.

JON MA RAANGWAH NGINKONGSEN 6:67

Ephumma Jisu dijunte echhi waniiko thôngphâ wah, “Nemin ngakchhoan hun eken a?”

JON MA RAANGWAH NGINKONGSEN 6:70

Jisu ma dânthâng wah, “Ngama nekhu echhi wanii ren eka, rohkomin nekhuwah wathe nâng juchhih etonghèn!”

JON MA RAANGWAH NGINKONGSEN 6:71

Atema Simon Iskarot chha Juda rãngma jabwah. Chenrãngma ngako, Juda pa echhi wanii dijunte chhang kowah wathejô medang akomin, atema Jisu chênsângmin.

JON MA RAANGWAH NGINKONGSEN 6:8

Dijunte ahan wathe Simon Piter pho Andru ma ngatwah,

MOATLEM 1:13

Thin Jeroselem nâng wãng lahma rangkho dângwah thin tongtah humko tôngwângwah: Piter, Jon, Jems, ngale Andru, Filip, Thomas, Bartholomi, Mathiu, Alphaus chha Jems, Diak akan rãngma latte Simon, ngale Jems chha Juda dângwah.

MOATLEM 1:26

Erediko thinma longkendoh lahma wanii kowah rênwah, ereko Mathias pa hôngwah. Ephumma echhi wathe moattat chhoante heh demko Mathias moattat chhoante rãng johdângwah.

MOATLEM 12:2

Atema, Jon naa Jems, dãngma ritdoakwah.

MOATLEM 3:1

Jâthenâng Piter le Jon sanhêmthah wanrem sanpoat wah rangsoam sanpoatko Rangsoamhum nâng katwah.

1 KORINT 15:7

Erediko atea Jems demnâng chohmînwah ngale erediko moattat chhoante heh phangtang demnâng chohmînwah

IFISIEN 4:11

Ngale “mihnyan nyuchha hehnâng hînhô pa atema koheka”; atema wawathe pa moattat chhoante dangthuk eka, wawathe pa mõng dangthuk eka, wawathe pa Ivangilist dangthuk eka, ngale wawathe pa Pastor erediko ahethôte rãng dangthuk eka.

HIBRU 3:1

Ngalemruchha Kristan mihnyan heh, Joban ma rooehèn heh! Nãngma thôeki putedâlem khohko Soam aroakte adongthôan dângrãng Joban ma chienkat era Jisu nâng thatthong hun tan en.

1 PITER 1:1

Jisu Krista moattat chhoante Piter ngewah- Joban ma arên mihnyan heh Pontas diak ngale Galatien, Kapadokia, Asia, ngale Bithinia, diak hehnâng phoangphan chhoan lahma hum ahah ahote heh rãngrãng phoangsông chhoante hehnâng raangeka.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka:

2 JON 1:1

Asâthem khhepho phannang hehwah- Nima nyahrãng ahun dihiaknyu ngale ate chhuchha heh, Ngama linlin nyahrãng hun ekang hehnâng raangeka. Ngale Nga loloma hun achet dangmah, rohkomin toangtang jette chentôma hun ehèn,

3 JON 1:1

Asâthem khhepho phannang wah- Ngama linlin nyahrãng ahun Gaius nâng raangki.

LOATKHESOK 1:1

Are titab ko Jisu Krista ma loatkhesok wah heh raangthien eka. Joban ma atenâng are loatkhesok ekapa atema ate haa hehnâng sitsiak chenni dângmin a ereheh khesokrãng loatkhesok wah. Krista ma areheh rangkhethung wah ate ngintatte wathe Jon tânâng chienkat lahma Jon nâng loatkhesok wah,

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.

LOATKHESOK 18:20

Rangkhethung wah heh ate mahjâ pa kheletma khuhah nâhah dangen! Joban mihnyan heh ngale moattat chhoante erediko mõngheh khuhah nâhah dangen! Chenrãngma ngako atema nenâng chêmsietdi Joban ma atenâng chêmsiettah!

LOATKHESOK 22:8

Nga a Jon, Ngama areheh tattek ngale khetek. Ngale chenthu Ngama areheh râtat râkhe diko, Nganâng areheh khesokte ngintatte dathongko atenâng soam rãng khupjup wah.