MATHIU 10:17 - NIEMNYAN Naga NT (BSI)

¹⁷ Jetletma dangen, chenrãngma ngako, nea khhek lahma metloat thinnâng siethok rãng mihnyan heh tonga, ngale Sanagog nâng siethû lahma ewat hèn.

MATHIU 10:17 Iomraidhean Croise

MATHIU 10:18

Diak pênte ngale lowang heh, erediko Jews ledangte hehnâng ngawah Nginkongsen pa jienthôkoh rãng thin tânâng met elohû hèn.

MATHIU 20:19

ngale erediko Jews ledangjat heh deknâng ekoh a, phumma thinma atenâng jôjêm, buh awat, ngale bãngphakko etek a; rohkomin, jârem diko ate ngakhîn erea.”

MATHIU 23:34

Ngama nenâng thôkoh eka, ngama netânâng mõng ngale mihnyansen, erediko hethôte mihnyan heh echien hûrâng; phumma nema khuthepa ritphe, khuthepa bãngphakko rittek, ngale khuthepa Sanagog nâng siethû letma buh awat letma chentô hahdaang rupwah ephoang junlo waken.

MATHIU 26:59

Soam aroakte adong ngale Jews khhepho phannang hehma Jisu jienritphe rãng atenâng athe chohloatrãng hunwakwah;

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MAK MA RAANGWAH NGINKONGSEN 13:12

Mihnyan hehma thinpho anaa heh eritphethuk a, ngale wa hehmemin thinchha heh eroh eritphethuk a. Chha hehmemin thinnyong awa heh lelatnâng danglahma eritphethuk a.

MAK MA RAANGWAH NGINKONGSEN 13:9

“Nededema jetletma dangen. Nea Sanagog hehnâng siethû lahma ewat hèn; ngale nema hahpênte ngale Lowang hehmako ngamînko chepletma thinnâng Nginkongsen pa ethôkoh en.

LUK MA RAANGWAH NGINKONGSEN 12:11

“Chenthu thinma Sanagog nâng ba Govono tânâng, ba diak akan pênte heh tânâng nginthôngphâ rãng mesiet hûhenko, nema chenroh dânthâng min a, ngale chenli dânthâng min a ngama neksekmah en.

JON MA RAANGWAH NGINKONGSEN 11:47

Ephumma Farasi le Soam aroakte adong heh ngoang awang heh demnâng chohmîn lahma ngatwah, “Nãngma chenre ea? Are mihnyan pumma patritli moatlem moeka hehnâng thatsûtan en!

JON MA RAANGWAH NGINKONGSEN 16:2

Nea Sanagog wahmin ejunlo hèn, ngale mihnyan hehma ne ritphe lahma thinma Joban nâng soamtô eki ngama thônghûn sanpoat pa ehûra.

MOATLEM 17:14

Phumma enângwah putedâlemte hehma Pol lemlienma josi kahnâng chienkatwah; rohkomin Silas le Timothi nii Biria nâng tôngwah.

MOATLEM 22:19

Phumma ngama dânthâng wah, ‘Teso, thinma senthemthem ajet, ngama Sanagog nâng hûlekma nangnâng putedâlemte heh lokhhek ngale buh awatwah.

MOATLEM 26:11

Melângdep ngama Sanagog hehnângmin chêmsiet lekma thin putedâlem jeksietkrãng thatmotek. Nga thin demnâng cheili rinkhah lekma mihdiak nângmin thin chêmsiet rãng chhoanwah.

MOATLEM 9:2

ngale atema soam aroakte adong hehnâng Damaskas wah Sanagog hehnâng nyapraang wah raangkohha ngama thâwângwah, erepa atema Teso lemko khoam lahma atenâng putedâlemte heh mechoh ako lokhhek lahma dihiak dela phangtang Jeroselem nâng ngaksiet katrãng thãwah.

FILIPIEN 3:2

Kaamchhih moatte mihnyan hehwah jetletma tongen, thin a hu rãngrãng, thinma phoangnâng khen niem pa hôanmin jôba ngama ngawak eka.

2 TIMOTHI 4:15

Nangmin atema nekchen chêmsiet ehoma atewah jetlohma dango, chenrãngma ngako atea nãngma thôeki nginkong heh lelatnâng nyahrãng cheili dangeka.

HIBRU 11:36

Khuka hehnâng dûmmek lahma buh awat wah, ngale khuka heh janruma khhek lahma phâtek nâng sekwah.