MATHIU 10:15 - NIEMNYAN Naga NT (BSI)

¹⁵ Ngama nenâng linlin thôkoh eka, Joban ma metloat rangwo jâko erehah kowah mihnyan hehnâng mînchen noma Sodom ngale Gomora wah mihnyan hehnâng ba ajah emînchèn a!

MATHIU 10:15 Iomraidhean Croise

MATHIU 12:36

“Ngama nenâng thôkoh eka, metloatjâ rãngwoko chentô mihnyan ma atema chentô jabkhab chhih jabtah a ereheh eloat sietkoh a.

MATHIU 5:18

Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MATHIU 7:22

Chenthu metloatjâ rangwo mehû theko, ajahthem mihnyan ma nganâng aroh enga hang, Teso, Teso, nangmînko nima Joban ngin phoangthôtih, ngale nangmînko nima juchhihmin junlotih, patritli moatlemmin motih!

MAK MA RAANGWAH NGINKONGSEN 6:11

Ne letangroote ba ne ngin lekepte heh hahdaang nâng mehûkhoam enko, erethe kowah loatchhoan re en, ngale neda wah bum khep eka pemin finekthien re en. Erepa thinnâng achhih ngama ngat ranchâ thiakpa edanga!”

JON MA RAANGWAH NGINKONGSEN 12:48

Henhenma nganâng lepute dâlemte ngale nga nginlekep dangeka ereheh nâng achhih ngate tonga. Ngama jabekang jabkhab pumma athôan jâko thinnâng achhih engawak a!

JON MA RAANGWAH NGINKONGSEN 6:39

Ngale ngachien katte pumma hun ekapa atema nganâng henhen kohthanga ereheh wah wathemin lemahphe rãng huneka, athôanjâ rangwo ko ngama ereheh phangtang hînsietmin.

JON MA RAANGWAH NGINKONGSEN 6:40

Chen-rãngma ngako Ewa ma huneka pa henhenma Chhapa khelahma atenâng putedâlem eka erehehma roantang roanjêng roandông chohrãng huneka. Ngale athôanjâ rangwo ko ngama thin engak hinsiet ang.”

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

1 KORINT 3:13

Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

1 THISALONIKA 5:4

Rohkomin lemruchha heh, nekhua rangnyek khennâng dangmet, ngale erejâ Rangwo pumma ahuhte hokwah rãngrãng hûlahma nekchen patrii thuk ehèn.

HIBRU 10:25

Wanwanthe mihhan heh jek eka rãngrãng nãngkhu chohmîn nekjek eki. Erenoma, wathema wathe nâng ajah jahba hungdong sietmîn e, chenrãngma ngako, nemajet, Teso ngakkat Rangwo pa lânam hûtha.

2 PITER 2:6

Joban ma Sodom le Gomora hahdaang heh wenma rokphe lahma chhihsiet wah, ngale Joban ma erepa ate lejet thangma sôngtôngte mihnyan heh eroh dângmin ngama khesok eka.

2 PITER 2:9

Ngale mihnyansen heh chêmchoh eka kowah chenroh pesietmin a ere pemin Joban ma ajet, ngale mihnyan chhih hehma thin Rên Rangwojâ bêmlâ poatko chenroh chêmthukmin a ere pemin ajet,

2 PITER 3:7

Phumma athâng hehwah rangkhethung le hahtokkhoh pemin ere mãnthe jabkhab pumma jôba wennâng rokpherãng thieneka. Ngale rangkhethung le hahtokkhoh nii chenthu Joban lejette mihnyan heh Joban ma chhihngatjâ rangwo ko chhihsietrãng thieneka.

1 JON 4:17

Ahun pa nãngnâng senthemthem tôngdi nãnga Arenjâ Rangwo ko hungdongdong danglihma etonge; ngale hungdongdong edange, chenrãngma ngako, are hahtokkhoh ko nãng roandôngpa Krista rãngrãng dangeki.

JUD MA RAANGWAH SITI 1:6

Thonghuntan en Joban ngintatte heh thinnâng chaan kohtah junko ledang, thin tôngthin phethien lahma chhoante heh: thin a roantang roangjêng rãng janruma khhek lahma rangnyek khennâng thien eka, erepa Joban ma ate Rangwo dong jâko thinnâng achhih ngalahma ritpherãng thien eka.

JUD MA RAANGWAH SITI 1:7

Sodom le Gomora, ngale ere kêanâ wah hahdaang heh thonghuntan en, Joban ngintatte hehma chhihmotah rãngrãng enângwah mihnyan hehma dihiak dela tungko kaamchhih moeka ngale rongrup achhihli hehmin moeka: thin a roantang roanjêng lemutthin papwendô ko khamrii ekapa kaamchhih moatte chentôpa eroh khâmritmin ngama khesok ehi.