LUK MA RAANGWAH NGINKONGSEN 9:44 - NIEMNYAN Naga NT (BSI)

⁴⁴ “Ngama nenâng thôkohmin nginpa nema neklekphe en! Mihnyan Chhapa mihnyan nyuchha heh deknângkoh lâthângtah.”

LUK MA RAANGWAH NGINKONGSEN 9:44 Iomraidhean Croise

MATHIU 16:21

Ere sanpoat phumma Jisu ma ate dijunte hehnâng laangthôkoh wah, “Nga Jeroselem nâng metkep katmin, phumma khhepho phannang, soam aroakte adong, ngale Niemarang hethôte hehma echêmsiet hang. Nga ritphe ere hang, rohkomin, jârem diko ngakhîn ereang.”

MATHIU 26:2

“Nema ajet, jânii diko Adankhoam lokuh dângmin, ngale erediko Mihnyan Chhapa rittekthuk rêmin.”

MAK MA RAANGWAH NGINKONGSEN 8:31

Erediko Jisu ma ate dijunte hehnâng hethô wah: “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

MAK MA RAANGWAH NGINKONGSEN 9:31

Chenrãngma ngako atema ate dijunte hehnâng hethô sanpoat dângwah: “Mihnyan Chhapa ate ritphete heh deknâng ekoh a. Rohkomin, atea jârem diko ngakhîn rêmin.”

LUK MA RAANGWAH NGINKONGSEN 1:66

Are ngin chohtatte chentôma thinhung nâng thonghun lahma chhienwah, “Are naapa chenroh hongdôngmin a?” chenrãngma ngako Joban chaanpa ate khohko tongeka.

LUK MA RAANGWAH NGINKONGSEN 18:31

Jisu ma dijunte echhi waniipa araangraang sietchhoan lahma ngatwah, “Tattan en! Nãnga Jeroselem nâng wãngeki, ngale mõng hehma Mihnyan Chha junma chentô raangtah a ereheh phangtang toangtang edanga.

LUK MA RAANGWAH NGINKONGSEN 2:19

Mariam ma erengin heh chhemhun lahma ate hungnâng lulili thônghun wah.

LUK MA RAANGWAH NGINKONGSEN 2:51

Ephumma Jisu thin demnâng Nazarat nâng ngakwâng wah, ngale enâng thin nginkepkep danglahma tôngwah. Are chentô ngin heh ate nyongma hungnâng thienwah.

LUK MA RAANGWAH NGINKONGSEN 24:44

Erediko atema thinnâng ngatwah, “Ngama are ngin heh nga nedemnâng dângthuko thôkotah: Mosa Niemarang nâng, ngale chentô mõngama, erediko Rangsoam titab nâng ngajunma raangtah heh phangtang linlin dângwângmin ngama.”

LUK MA RAANGWAH NGINKONGSEN 9:22

Jisu ma thinnâng thôkoh wah, “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

JON MA RAANGWAH NGINKONGSEN 16:31

Jisu ma thinnâng dânthâng wah, “Nema athângheh ba putedâlem ehane?

JON MA RAANGWAH NGINKONGSEN 16:4

Phumma ngama nenâng arepa thôkoh eka, erohkoba chenthu thinma arohmoat sanpoat mehûthako, ngama nenâng chenni thôkotah a ereheh nema ethonghun en. “Ngama areheh nenâng khebengko thôkomah, chenrãngma ngako, Nga nedemko dângwah.

JON MA RAANGWAH NGINKONGSEN 19:11

Jisu ma dânthâng wah, “Joban ma nangnâng koh diba ngakhohko nangnâng chaantong eho. Erohwah henma nang tânâng Nga siethu ehanga erepumma papchhihthôan moeka.”

MOATLEM 2:23

Joban ma mongthem junko atema Jisu ne deknâng loatthukrãng khemama themawa wah; ngale papi mihnyan wathema chohsû lahma nema Jisu bãngphak khohko rittekwah.

HIBRU 2:1

Erohwah nãngma chohtat eki toangtang nginpa rongtêngtêng keplihma tôngmin, eroh medang ekoba lekesietrii edange.