LUK MA RAANGWAH NGINKONGSEN 9:11 - NIEMNYAN Naga NT (BSI)

¹¹ Chenthu mihnyan hehma erepa leptat phumma thinmin Jisu diko junchhoan wah. Ngale Jisu ma tãngroo lahma thinnâng Joban Hahsông nginpa thôkoh wah, ngale henhenma khoanchetsên huneka ereheh mesiet rewah.

LUK MA RAANGWAH NGINKONGSEN 9:11 Iomraidhean Croise

MATHIU 12:15

Jisu ma ate khûm apânrãng themawa pa tatlahma, ate erethe kowah loatchhoan wah; ngale mihnyan heh jahmõang ate dijun wakwah. Ngale chentô khun atamte hehmin atema mesietwah.

MATHIU 14:14

Jisu khôankho kowah loatkhôam ko, mihnyan heh jahmõang chohkhe wah, phumma thinnâng atema nyahrãng mînchen wah, ngale khun atamte heh atema mesiet wakwah.

MATHIU 21:31

Are chhepho wanii kowah henma thinwa ngin kepeka?” “Khhepho chha pumma,” ngama thinma dânthâng wah. Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.”

MATHIU 21:43

Jisu ma ngatwah, “Ngama nenâng thôkoh eka,” “Joban Hahsông pa newah toanchhoan lahma kaamsen moatte hehnâng ekoh a.”

LUK MA RAANGWAH NGINKONGSEN 1:53

Joban ma rêmritte mihnyan hehnâng asenli chhahthuk lahma wokphoatthuk eka, ngale techhu heh dekphi phâwat chhoan thuk eka.

LUK MA RAANGWAH NGINKONGSEN 5:31

Jisu ma thinnâng dânthâng wah, “Khoanchet hote mihnyan ma doktor lemmah, khoanchette mihnyan hehma loloba doktor lemeka.

LUK MA RAANGWAH NGINKONGSEN 8:1

Ere poatthe diko Jisu ma Joban Hahsông Nginkongsen pa phoangthô lahma sumhah ngale hahdaang hehnâng phoangkhoam wah. Dijunte echhi wanii pemin ate demnâng johchhoan wah,

LUK MA RAANGWAH NGINKONGSEN 8:10

ngale atema dânthâng wah, “Joban Hahsông nginpa nenâng jetthuk eka, rohkomin ahan hehma nginthakthô rãng tateka, erohwah thinma sûeka rohkomin khemah, ngale jetat eka rohkomin jetlo mah.

LUK MA RAANGWAH NGINKONGSEN 9:10

Moattat chhoante heh ngakhû lahma thinma chentô motah heh Jisu nâng thôkoh wah. Erediko Jisu ma ate demko sietchhoan lahma Batsida ngama ngaeka sumhahko wângwah.

LUK MA RAANGWAH NGINKONGSEN 9:12

Sannyupkat rienrienko, echhi wanii dijunte heh Jisu tâko hûlahma atenâng ngatwah, “Mihnyan heh chienchhoan eko, nãng kêanâ wah duken ngale hahdaang hehnâng chhoan lahma thin phhekchhah ngale jupthin chenlem chhoanwak a, chenrãngma ngako aretheko mihnyan henjô songmah.”

LUK MA RAANGWAH NGINKONGSEN 9:2

Erediko atema Joban Hahsông nginpa phoangthô ngale khoanchette min mesiet en ngama chienchhoan wah,

JON MA RAANGWAH NGINKONGSEN 4:34

Jisu ma thinnâng ngatwah, “Nga phhekchhah pa, nga chienkatte nginkepkep danglekma atema chien ehang moatlem heh râmoatpa.

JON MA RAANGWAH NGINKONGSEN 6:37

Ewa ma nganâng henhenkoh ehanga ereheh ngatânâng ehûra. Henhen ngatânâng hûera ereheh ngama chenthumin lejunlomin,

MOATLEM 28:31

Atema Joban Hahsông ngin ngale Teso Jisu Krista nginpa, lechei thangma ngale lesoang thangma phoang hethô wah.

ROMAN HEHNÂNG POLMA RAANGWAH SITI 10:14

Phumma thinma atenâng leputedâlem medang ako pepânghi ngama chenroh jienroomin a? Ngale thinma nginpa lechohtat medang ako atenâng chenroh jien putedâlem min a? Ngale nginpa lephoang thôkoh medang ako thinma chenroh jienchohtat min a?

ROMAN HEHNÂNG POLMA RAANGWAH SITI 10:17

Erohwah, Nginkongsen pa chohtat phumma putedâlem pa hongeka, ngale Krista junma phoangthôkoh phumma Nginkongsen pa chohtat eki.

ROMAN HEHNÂNG POLMA RAANGWAH SITI 15:3

Chenrãngma ngako Krista memin atedede rinme thukriiho. Erenoma, Joban nyapraangma ngaeka, “Mihnyan hehma nenâng dummek then pa ngakhoh nâng chat ehang.”

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

HIBRU 4:16

Erohwah, nãnghung arin dongsiet lihma mînchenchaan chohthin Joban tôngthin tâko tonghûe. Enâng nãngma map echoh e, ngale nãngma lêmpoatko nãngnâng chohsokrãng ate mînchenchaan pa echoh e.