LUK MA RAANGWAH NGINKONGSEN 8:3 - NIEMNYAN Naga NT (BSI)

³ ngale Joana ate tangwa mînpa Chuza atea Hirot nginpatthin humnâng sahhab dângwah; ngale Susana, eredikomin ajahthem dihiaknyu hehma thindede ngun akem met lahma Jisu le ate dijunte hehnâng chohsû lahma johchhoan wah.

LUK MA RAANGWAH NGINKONGSEN 8:3 Iomraidhean Croise

MATHIU 14:1

Ere sanpoatko Galili pênte Hirot ma Jisu ngin chohtat wah.

MATHIU 14:3

Chenrãngma ngako, Hirot ma Jon loatkhhek rãng chienwah, phumma janruma khhek lahma phâtek nâng sekwah. Atema arepa atenaa Filip tangnyu Hirodik ma ngatjunko moatwah.

MATHIU 14:6

Hirot chhatjâ rangwo ko Hirodik chha dihiaknya pa nok atang mako bôangwah. Erepa khelahma Hirot nyahrãng hungsên wah

MATHIU 2:11

Humkhenko nyupwãng waklahma, naachha pa ate nyong Mariam demko chohkhe wah, phumma dakuhtho waklahma Atenâng soamwakwah. Erediko mâmâ tõng dok lahma Atenâng hînhô chohkoh wah, Kem, Frankinsen (Arepa bãngkhoan, wennâng tûmthhekli) Myrh (Arepa seknâng tûmhutli tien, nyahrãng thãchaanjat).

MATHIU 20:8

“Phumma chenthu sanhêmthah hokko, tângtewa pumma dekbi bite heh sokrãng thieneka mihnyan ko ngatwah, ‘Dekbi bite heh roolohma thinnâng dekbi thãpa koh o, khedithôan wah chepte hehnâng bengkoh lohma khema thôanwah chepte hehnâng khedi koh o.’

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 26:11

Nedemnâng tangchhih heh roantangma echoh en, phumma nema nga roantangma chohmahha.

MATHIU 27:55

Eretheko Jisu nâng hahtaangma sûlahma ajahthem dihiaknyu dângwah, thin a Galili wah Jisu diko atenâng chohsok rãng ngama junkhoam wah.

LUK MA RAANGWAH NGINKONGSEN 24:10

Dihiaknyu heh dangeka Mariam Makdalani, Joana, ngale Jems nyong Mariam dângwah; thin ngale thindem ko ahan dihiaknyu hehma erengin pa moattat chhoante hehnâng thôkoh wah.

JON MA RAANGWAH NGINKONGSEN 12:6

Atema arepa tangchhih hehnâng mînchen lahma ngatwah dangmah, atea ahuh dângkowah ngatwah. Atea ngun thiente dâng phumma ere ngun kowah atedede rãng chîkepwah.

MOATLEM 13:1

Antiok wah Asâthem hehnâng mõng ngale hethôte heh roanche dângwah: Barnabas, Simon (ngale atenâng mangnyekjat ngamemin roowah), Lukius (atea Kren wah), Manan (atea Govono Hirot demnâng aroamma humthewah roamdông aloatwah), ngale Sol.

2 KORINT 8:9

Nema nãng Teso Jisu Krista mînchenchaan pa jet en; atea nyahrãng techhu dângwah, rohkomin ate dedema tangchhih rãng hôanritwah, erepa ate tangchhih dângjunko nea techhu dângthuk rãng ngama atea tangchhih rãng litdângwah.

FILIPIEN 4:22

Joban nâng putedâlemte mihnyan anângwah chentôma salem matkat ehèn, ajahthem pejô Chofa hum kowah tôngte hehma matkat ehèn.

1 TIMOTHI 5:10

ngale atea moatlemsen moatte dihiaknyu ngama mînwînte dângmin: ate chhuchha heh senthemthem dôngkhêmte, ngale ate humnâng mihwun heh tãngroo lahma jekthuk hunte, Kristan hehrãngma numnene danglahma chohsokte, chêmcheite mihnyan hehnâng chohsokte, ngale atea roantangma moatlemsen moatte dângmin.