LUK MA RAANGWAH NGINKONGSEN 8:21 - NIEMNYAN Naga NT (BSI)

²¹ Jisu ma thinkhunâng ngatwah, “Henhenma Joban jabkhab tatlahma senthemthem kep eka ereheh ba nga nyong ngale nganaa.”

LUK MA RAANGWAH NGINKONGSEN 8:21 Iomraidhean Croise

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 25:45

Ephumma Lowang pumma edânthanga, ‘Ngama nenâng thôkoh eka, chenthu nema arinthôan wathe nâng lenyoak chohsû dangtet a, arepa nganâng lenyoak chohsû dangeha.’

MATHIU 28:10

Jisu ma thinnâng ngatwah, “Nekchei en,” “Wãngletma nga naa hehnâng Galili nâng wângrãng thôkoh en, ngale enâng thinma nga echoh khewak hang.”

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

LUK MA RAANGWAH NGINKONGSEN 8:20

Phumma Jisu nâng wathema ngatwah, “Nang nyong le nang naa heh rangsâko cheplahma tonga ngale thin nang demnâng chohmîn hun eho.”

JON MA RAANGWAH NGINKONGSEN 13:17

Athângheh nema are toangtang pa lâjettet, phumma nema ererãngrãng memo enko chentôsên dângmin a!

JON MA RAANGWAH NGINKONGSEN 20:17

Jisu ma atenâng ngatwah, “Nganâng neksahlo hang,” “Chenrãngma ngako, Nga a Ewa tânâng mangak wãngekang. Rohkomin wãnglohma nganaa hehnâng thôkoh, nga a Ewa, ngale thin Wa min danga, erediko nga Joban, ngale thin Joban min danga, ate tânâng ngakwãng ekang.”

2 KORINT 5:16

Erohwah, nima hahtokkhoh wah mihnyan nyuchha hehma thonghun eka rãngrãng hennâng min thonghun tumih.

2 KORINT 6:18

Nga a ne Wa rãng edangang, ngale nea echha delachha ngale dihiak chha edangen, arepa adongthôan Teso ma jabeka.”

JEMS 1:22

Joban nginpa atatlolo nekjetat en; erenoma Joban jabkhab pumma chenroh ngaeka eroh mo en.

1 JON 2:29

Nema Krista pa toangtang ngama ajet; ngale nema are pemin jet en, henma akomin kaamsen moeka atea Joban chha.

3 JON 1:11

Ngama nyahrãng ahun lemruchha heh, achhih ngin nek he en, chenpa asen a erengin he en. Henhenma kaamsen moeka ereheh a Joban chha; ngale henhen kaamchhih moeka erehehma Joban khemah.