LUK MA RAANGWAH NGINKONGSEN 8:15 - NIEMNYAN Naga NT (BSI)

¹⁵ Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

LUK MA RAANGWAH NGINKONGSEN 8:15 Iomraidhean Croise

MATHIU 24:13

Phumma henhen athôankotuk rongtêngtêng putedâlem eka ereheh meba khope chohmin.

LUK MA RAANGWAH NGINKONGSEN 11:28

Phumma Jisu ma dânthâng wah, “Ere nomemin khengraangsen pa, henhenma Joban ngin tatlahma senthemthem kep eka ereheh dângmin!”

LUK MA RAANGWAH NGINKONGSEN 6:45

Mihnyansen ma ate hungnâng asenli heh thien lahma asenli ehongmo wênra; ngale mihnyan chhih ma ate hungnâng achhihli heh thien lahma achhih ehongmo wênra. Chenrãngma ngako hungnâng chenni mênchong tongeka arepa thunma ehong loatjab wênra.

LUK MA RAANGWAH NGINKONGSEN 8:14

Suhbuk chhangwah chatjâte chhah rãngrãng heh dangeka, thinma Joban ngin tateka; rohkomin sekmah patrit ngale techhu dânghun, erediko are rangkhen roandôngko khuhah dânghun heh roamlahma tanghep eka, erohwah thin chhahri pa tamunmah.

LUK MA RAANGWAH NGINKONGSEN 8:16

“Henmemin wentit pa toaklahma khokma khupthien mah ngale jupthin khennângmin thienmah. Erenoma wentit toakthin ko etoak a, erohkoba mihnyan heh humkhen nâng wângko thinma wenphiak pa ekhea.

JON MA RAANGWAH NGINKONGSEN 14:15

“Nema nganâng mehun hako, nema nga hôkum pa ekep en.

JON MA RAANGWAH NGINKONGSEN 15:10

Ngama chenroh Ewa hôkum keplekma ate hunkojû danglekma tong ekanga, ererãngrãng nemin nga hôkumpa kepletma ngawah hunkojû dangletma tongen.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 6:22

Rohkomin ade phumma nea papwah lâpesietthen ngale Joban haa lâdangtet. Ngale ne roandôngpa phangtang Joban nâng lâkohtet, ngale erohwah roantang roanjêng lethôan roandông choh eken.

ROMAN HEHNÂNG POLMA RAANGWAH SITI 7:18

Ngama jet ngasekkhen ko asenpa aho - erepa nga mihnyan hei angem phoang khenko aho. Chenrãngma ngako asenlipa moatrãng mehun angkomin, ngama erepa tamomek.

ROMAN HEHNÂNG POLMA RAANGWAH SITI 7:4

Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

ROMAN HEHNÂNG POLMA RAANGWAH SITI 8:25

Rohkomin nãngma lekhe thangma medâlem eko, erepa nãngma hungmông sietlihma ebem e.

1 KORINT 7:19

Chenrãngma ngako, mihnyan pumma khoankhen niem lehôan medang akomin ba mehôan akomin erepa chenjô dangmah; Joban nginkep peba adongthôan.

IFISIEN 2:8

Chenrãngma ngako, Joban mînchenchaan ngale nema putedâlem junma ne khope eken. Erepa nedede chaanma moatjunma dangmah, Joban ma hînhô koh ehèn, erohwah ererãngma henmin tarângthôrii met.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

HIBRU 10:36

Joban hung junko jienmoatrãng ngale Joban ma toamsem tahpa tâchohrãng nea hungmôngmông dangletma tôngmin.

HIBRU 2:1

Erohwah nãngma chohtat eki toangtang nginpa rongtêngtêng keplihma tôngmin, eroh medang ekoba lekesietrii edange.

JEMS 1:4

Ngale rongrup nâng lethe thangma athôan kotuk rongtêngtêng mamtadô en, eroh koba nea chenni nângjô lechhih thangma rongrup nâng asen ngale apun tuta edangen.

1 JON 2:3

Nãngma Joban ngin mekep eko, linlinjô nãngma ate lâjettih.