LUK MA RAANGWAH NGINKONGSEN 8:13 - NIEMNYAN Naga NT (BSI)

¹³ Longrã khohko chatjâte chhah rãngrãng heh dangeka, thinma Joban ngin chohtat rienrien khuhah nâhah kepeka. Rohkomin erepa thinhung khennâng lulitlit kepmah; thinma poatthe rãng lolo kepeka, phumma chenthu chêmchei sanpoat hokko jârit rewak eka.

LUK MA RAANGWAH NGINKONGSEN 8:13 Iomraidhean Croise

MAK MA RAANGWAH NGINKONGSEN 6:20

Hirot pa Jon ranchei dângwah, chenrãngma ngako Jon pa mihnyansen ngale Asâthôan mihnyan ngama Hirot ma jet dângwah, erohwah atema pepâng lahma thienwah. Jon wah ngin chohtat roakweih Hirot hungjô mephaang akomin, atema Jon wah ngin jetat chîhunwah.

LUK MA RAANGWAH NGINKONGSEN 8:12

Lemwah chatjâte chhah heh dangeka, thinma Joban ngintat lahma kepeka, rohkomin juchhih heh hûlahma thinhungwah Joban nginko putedâlem lahma kho môangpe a ngama nyenchhoan eka.

LUK MA RAANGWAH NGINKONGSEN 8:14

Suhbuk chhangwah chatjâte chhah rãngrãng heh dangeka, thinma Joban ngin tateka; rohkomin sekmah patrit ngale techhu dânghun, erediko are rangkhen roandôngko khuhah dânghun heh roamlahma tanghep eka, erohwah thin chhahri pa tamunmah.

JON MA RAANGWAH NGINKONGSEN 15:2

Atema ngawah penri leri bãngphak chentôpa doakphe eka, ngale penri rite bãngphak chentôpa pân reka, erohkoba senthemthem donglahma penri ajah eria.

JON MA RAANGWAH NGINKONGSEN 15:6

Henhen nga demnângjû lejohdang thangma dangeka ereheh a petphe lahma bãngphak choakjâwah rãngrãng echoakjâa; Arerãngrãng bãngphak heh khôantoan lahma wennâng phêkatmin, ngale ere wenko jemkhâm erewak a.

JON MA RAANGWAH NGINKONGSEN 5:35

Jon pa wentitdô ma rângphiak arãngrãng phiak lahma dângwah, phumma nea ate wenphiakko poatthelolo khuhah nâhah dângwah.

1 KORINT 13:2

Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.

1 KORINT 15:2

Ere ngama nenâng thôkotah nginpa Joban Nginkongsen pa thôkoh wah. Nema Joban Nginkongsen ko rongtêngtêng loletma metong enko erejunma nekho epe en - eroh ledang kenko nema putedâlem eken pemin mahto nâng dângmin.

GALATIEN 3:1

Aba Galatien heh! Nea henma moksiet ehèn a? Nedede mitma Jisu Krista bãngphak khoko rittek pa senthemthem khetet!

GALATIEN 3:4

Nginkongsen rãngma nema atô chêmchoh tetpa mahto nâng lechêm eken a? Mahtonâng chinchin chêm dangmah!

IFISIEN 3:17

ngale putedâlem junma nehung khennâng Krista chentonghèn ngama rangsoam ekang. Erediko ne roandôngko hun achet mînpa rongtêngtêng chenhun chenchhâmîn en ngama soam ekang,

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 2:7

Bãngrin luwakwak sut arãngrãng nema atenâng rongtêngtêng tok anaa letma tongen, ngale ne roandôngpa ate khohko hôan en, ngale nenâng hethôtah rãngrãng ne putedâlem nâng rongtêngtêng dangen. Ngale roantangma dangkoh a nga en.

1 THISALONIKA 3:5

Erohwah Ngama Timothi chienwên erâng. Ngama leta bemtu thangma, ne putedâlem pa chenroh dangeken a ngama jetrãng netânâng chienwên erâng. Juchhihma nekhu nâng chêmsiet junko nima motih moatlem heh mahto nâng madanglah o ngama patrii lekma chienwên erâng!

1 TIMOTHI 1:19

ngale nang putedâlem senthemthem dango ngale hung arin sâpoangpoang dango. Khuka hehma thinhung arin sâpoangpoang ledang thangma molahma thin putedâlem heh chhihsiet eka.

HIBRU 10:39

Nãnga Joban tâwah ngakchhoan lahma mahritte mihnyan heh dangmih. Erenoma, nãnga Joban nâng putedâlem lihma khopete mihnyan.

JEMS 2:26

Erohwah, phoangko Ju aho medang ako phoangpa aritre eka rãngrãng, moatlem aho thangma putedâlem lolo pemin riichoanthã jôba.

2 PITER 2:20

Nãng Teso ngale Pângte Jisu Krista jetlahma henkomin are hahtokkhoh chhih kowah pechhoan lahma, eredikomin achhih hehnâng amãnmãn methe ngekriiako, ererãngrãng mihnyan pa khebengwah nomemin athôanko achhihthôan edanga.

2 PITER 2:22

Ere mihnyan hehma chenni moeka erepa alinlinjô nginthakthô nâng thakthôeka rãngrãng moeka: “Hu pa atema phatphe eka phat tâkojô rângngak hûa” ngale “Wak pa themngekko woatrii lahma chhoan dikomin ere themngek kojô rângthe ngakwoat hûa.”

1 JON 2:19

Are mihnyan heh linlin nãng demnâng johroamte dangmah, ngale erohwah thinma nãngkhu thinphethien ehi; thin a nãngkhu demnâng aroam dângnomako, nãng demnâng chenjoh tongthi. Rohkomin thin a nãng tâwah chhoantah, erejunko thin a wathemin nãng demnâng dangmah ngama senthemthem jeteka.

JUD MA RAANGWAH SITI 1:12

Thin a rêsê thhenkhoan hothangma nekhu aroamma hun achhâmin letma jokphhek chhah ekenpa ngeksiet ehèn. Thinma thindede rãnglolo ba thonghunrii lahma sekmah wakeka. Ngale thin a rangpat aho phoam pôngma rângmetphea rãngrãng. Ngale thin a penririi rangkuh komin penri lerite bãng rãngrãng, ngale bãngthongrin ma phuphe lahma choakjâ lahma ritte bãng rãngrãng.