LUK MA RAANGWAH NGINKONGSEN 8:1 - NIEMNYAN Naga NT (BSI)

¹ Ere poatthe diko Jisu ma Joban Hahsông Nginkongsen pa phoangthô lahma sumhah ngale hahdaang hehnâng phoangkhoam wah. Dijunte echhi wanii pemin ate demnâng johchhoan wah,

LUK MA RAANGWAH NGINKONGSEN 8:1 Iomraidhean Croise

MATHIU 11:1

Chenthu Jisu ma ate dijunte echhi wanii nâng rîn akhah diko, atea erethe kowah loatchhoan lahma, ere kêanâ wah hahdaang hehnâng Joban ngin hethô rãng chhoanwah.

MATHIU 13:19

Hen akomin rangkhethung Hahsông nginpa chohtat lahma lejetlo dangeka, ere mihnyan heh lemkông nâng chatjâte chhah rãngrãng. Juchhih hûlahma thinhung nâng Joban ngin wêntah heh nyen chhoan eka.

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 9:35

Jisu chentô diak ajaa ngale hahdaang rupnâng phoangkhôam wah, atema Joban Hahsông nginkongsen pa chentô Sanagog hehnâng phôangthôkoh wah, ngale jatrup khoanchet, khun atamte hehmin sênsietwah.

MAK MA RAANGWAH NGINKONGSEN 1:39

Ephumma Galilijaa phangtang nâng phoangkhoam lahma Sanagog hehnâng Joban ngin phoangthô kohwah, ngale juchhih hehmin junloat kohwah.

LUK MA RAANGWAH NGINKONGSEN 1:80

Naapa donglahma phoang aroang ngale Ju amoang nângmin achaan dângwah. Atea Isrial nok atang heh anga nga mathahko hôngloat mako sehahkho nâng sôngwah.

LUK MA RAANGWAH NGINKONGSEN 20:1

Jâthenâng Jisu ma Rangsoamhum nâng mihnyan hehnâng hethô ngale Joban wah nginkongsen pa thôkoh rewah, phumma ere sanpoatko Soam aroakte adong ngale Niemarang hethôte erediko khhepho phannang heh hûlahma

LUK MA RAANGWAH NGINKONGSEN 4:18

Teso Jupa ngakhohko tonga, chenrãngma ngako atema tangchhih hehnâng Joban nginkongsen pa thôkoh rãng ren ehang. Ngale phâtek khennâng khhekrii lahma tôngte hehnâng thinlaangphe nginpa thôkoh rãng ren ehang ngale mitdoak hehma jienkhe; ngale mihkhennâng chêmte heh loatsiet

LUK MA RAANGWAH NGINKONGSEN 9:6

Dijunte heh chentô hahdaang nâng phoangchhoan lahma Joban Nginkongsen pa phoangthô ngale chentô thenâng khoanchet heh mesiet rewah.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 13:32

Ngale nima nenâng nginkongsen pa thôhû koheka: Joban ma nãngte nãngwa hehnâng chenni moatkoh rãng toamsem tah a erepa thin pôali Jisu pa ngakhinsiet lahma athângheh atema nãngrãng mokoh ehi. Rangsoamsê titab khedi kowah ko aroh raangeka, ‘Nanga nga Chha; thejâ nga nang Wa lâdangtek.’

ROMAN HEHNÂNG POLMA RAANGWAH SITI 10:15

Ngale nginpa chenroh jienphoang thôkohmin a nginmatte pa lechienchhoan medang ako? Joban nyapraangma ngaeka, “Nginkongsen keplahma nãngnâng thôkoh rãng nginmatte hokpa chentôsên a!”