LUK MA RAANGWAH NGINKONGSEN 7:16 - NIEMNYAN Naga NT (BSI)

¹⁶ Thin phangtang chei rewah, ngale Joban nâng rôwah. Thinma ngatwah, “Nãng tânâng mõngdong lâhongtah!” ngale “Joban ma ate mihnyan heh pepângrãng lâkatha!”

LUK MA RAANGWAH NGINKONGSEN 7:16 Iomraidhean Croise

MATHIU 15:31

Aba jabmuh jienjab, dekke dake heh sen, dakò heh jienkhoam, ngale mitdoak hehma jienkhe rewah; erepa khelahma mihnyan heh bârit wah; ephumma thinma Isrial heh Joban nâng dangkoh a ngalahma choangpe wah.

MATHIU 21:11

Loangchhang pumma, “Arepa Galilijaa wah Nazarat hah wah mõng Jisu” ngama dânthâng wah.

MATHIU 28:8

Ephumma mangruk wah sitsiak loatchhoan wakwah, ngale cheimin rewakwah, erediko khuhah nâhah chhoanwãng waklahma ate dijunte hehnâng thôkoh wah.

MATHIU 9:8

Mihnyan hehma erepa khelahma chei rewah, ngale mihnyan nâng atô chaan kohdi Joban nâng dangkoh a, ngatwak wah.

LUK MA RAANGWAH NGINKONGSEN 1:65

Tok akhung wah mihnyan heh phangtang chei rewah, ngale erengin pa hahkong hahla diak Judia phangtang khêmtatwah.

LUK MA RAANGWAH NGINKONGSEN 1:68

Teso Isrial heh Joban nâng rôe! Atema ate mihnyan hehnâng chohsok rãng kaera, ngale atema thin pepâng eka.

LUK MA RAANGWAH NGINKONGSEN 19:44

Thinma nemin erediko ne mihnyan heh phangtang eritphehèn; longphang phangthemin khohkhoh petpet thintheko letong tumin, chenrãngma ngako Joban ne pepângrãng katha sanpoat pa nema jetmet!”

LUK MA RAANGWAH NGINKONGSEN 2:20

Saaksokte hehma chentô tattah le khetah heh junma, thinma Joban nâng rôsê selahma ngakchhoanwah; erepa thinnâng ngintatte ma chenroh thôkotah a eroh dângwah.

LUK MA RAANGWAH NGINKONGSEN 24:19

Atema chhienwah, “Erepa chenni dângwah a?” Thinma dânthâng wah, “Nazarat wah Jisu nginpele,” “Are mihnyan pa Joban memin ngale chentô mihnyan hehmemin mõng ngama thônghun wah, ngale chentô ate jab ajâ ngale moat akat heh chaan demnâng dângwah.

LUK MA RAANGWAH NGINKONGSEN 5:26

Mihnyan heh phangtang nyahrãng bâritwah! ngale nyahrãng chei lahma Joban nâng rôwah, thinma ngatwah, “Thejâ nãngma chentô patritli chohkhe ekia!”

LUK MA RAANGWAH NGINKONGSEN 5:8

Chenthu Simon Piter ma arepa kheko, Jisu mathahko dakuhtho lahma khupjup lahma Jisu nâng ngatwah, “Teso! ngatâwah chhoan o, chenrãngma ngako nga a papi mihnyan!”

LUK MA RAANGWAH NGINKONGSEN 7:15

Ephumma ritte mihnyan pa toansat lahma phoangkhoam wah, ngale Jisu ma ate nyong nâng ngakohwah.

LUK MA RAANGWAH NGINKONGSEN 7:39

Chenthu Farasi pumma erepa kheko, ate dedema thônghunwah, “Are mihnyan pa linlinjô mõng danglahma ko are atenâng sahloate dihiaknyu pa hen a erepa chenjettah; ngale ate chenroh papi roandông dongeka erepa chenjettah!”

LUK MA RAANGWAH NGINKONGSEN 8:37

Erediko erejaa wah mihnyan chentôma Jisu nâng thin hah wah loatchhoan o ngama ngatwah, chenrãngma ngako thin nyahrãng cheiwah. Ephumma Jisu khôankhoko chhangka lahma loatchhoan wah.

LUK MA RAANGWAH NGINKONGSEN 9:19

Thinma dânthâng wah, “Wawathema Jon baptis ngaeho, wawathema Ilija, ngale wawathema tewa rôanpa thuwah mõng dangtah hehwah ngakhin eka ngama ngaeho.”

JON MA RAANGWAH NGINKONGSEN 1:21

Ephumma thinma Jon nâng thôngphâ wah, “Eroh medang oko, nanga hen a?” “Nanga Ilija ne?” Jon ma, “Dangmek,” ngama dânthâng wah. Thinma wîenthông phâwah, “Nanga mõngne? “Dangmek,” ngama atema dânthâng wah.

JON MA RAANGWAH NGINKONGSEN 1:25

ma Jon nâng thôngphâ wah, “Nanga Misaia min ledang ngale Ilija min ledang erediko mõngmin ledang medang oko nangma chenrãngma baptijem koh eko?”

JON MA RAANGWAH NGINKONGSEN 4:19

Dihiaknyu pumma ngatwah, “Hethôte, ngama nanga mõnglêlê kheki,”

JON MA RAANGWAH NGINKONGSEN 6:14

Jisu ma are patritli moatlem moatpa khelahma erekowah mihnyan hehma, “Linlinjô arepa mõng hahtokkhoh ko katte pa dângmin ngama ngatwah!”

JON MA RAANGWAH NGINKONGSEN 9:17

Ephumma Farasi hehma ere mihwako wîenngak chhienwah, “Nangma nang mitpa atema sensiet ehang ngaeko - sen a, eroh medang ako nangma atea hen ngama ngaekoa?” “Atea mõng,” ngama mihwa pumma dânthâng wah.

MOATLEM 5:5

Anania ma erepatat rienrien, ate loangjâ lahma ritwah; ngale erengin tatte heh phangtang chei wah.

MOATLEM 7:37

Mosa ma Isrial mihnyan hehnâng ngatwah, ‘Joban ma nga chienchhoan ehang rãngrãng atema netânâng mõng echien katra, ngale atea ne mihnyan wahjô dângmin.’

GALATIEN 1:24

Ngale ngajunma thinma Joban nâng rôwah.