LUK MA RAANGWAH NGINKONGSEN 7:13 - NIEMNYAN Naga NT (BSI)

¹³ Teso ma janthoinyu pa khelahma atenâng nyahrãng mînchenwah, ngale janthoinyu ko, “Neksep,” ngatwah.

LUK MA RAANGWAH NGINKONGSEN 7:13 Iomraidhean Croise

MAK MA RAANGWAH NGINKONGSEN 8:2

“Ngama are mihnyan hehnâng nyahrãng mînchen ekang, chenrãngma ngako, ngademko jârem lâjoh khoamthang, ngale ade phumma thinnâng jokphhek chhahthin chenjô ahotu.

LUK MA RAANGWAH NGINKONGSEN 10:1

Erediko Teso ma ahan roakengit wanii moattat chhoante mihnyan heh rênwah ngale ate chhoanthin hahdaang hehnâng ngale chentô thenâng ate mako wanii waniima chienchhoanlâ wah.

LUK MA RAANGWAH NGINKONGSEN 11:1

Jâthe Jisu the wanthe thenâng rangsoam lahma dângwah. Chenthu atema rangsoam diko, ate dijunte wathema atenâng ngatwah, “Teso, Jon ma ate dijunte hehnâng rangsoam hethôtah rãngrãng ninângmin rangsoam hethôhi.”

LUK MA RAANGWAH NGINKONGSEN 11:39

Ephumma Teso ma atenâng ngatwah, “Ne Farasi hehma ne bâti le wankhoang tokkhohpa lolo sâpaeken, rohkomin akhenpa mihwah nyenkep ngale achhih lolo.

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

LUK MA RAANGWAH NGINKONGSEN 13:15

Teso ma atenâng dânthâng wah, “Nea ahuhkhoanglep! Nekhuma ne mânpong ba gado pa thinhoo kowah jânletma Pientông jâko jojok thukrãng rângsietchhoan en.

LUK MA RAANGWAH NGINKONGSEN 17:5

Moattat chhoante hehma Teso nâng, “Ni putedâlem pa dongsiet kohhi” ngama ngatwah.

LUK MA RAANGWAH NGINKONGSEN 17:6

Teso ma dânthâng wah, “Nenâng putedâlem pa jokangken dôngtô metong hènko, nema are mulbary bãngko, ‘nangdede bãngthong rinma phurii lohma josiko nangdede khietrii kao!’ ngama mechien enkomin ne ngin ekephèn.

LUK MA RAANGWAH NGINKONGSEN 18:6

Ngale Teso ma thôkoh wah, “Tattan en, are nginpatte chhih pumma chenni ngaeka.

LUK MA RAANGWAH NGINKONGSEN 19:8

Zakaria toanchep lahma Teso nâng ngatwah, “Teso tattan! Ngama nga chhahkhem hehwah khakapa tangchhih hehnâng ekoh ang, ngale ngama hennâng komin mediapchhah tekko, ngama erenoma thiakbelii ajah engakkoh ang.”

LUK MA RAANGWAH NGINKONGSEN 22:61

Teso ma litphong lahma Piter nâng thongthong ngiaksok katwah, ngale erepoatko Teso ma atenâng ngatah pa Piter ma thônghun wah, “Thejâ rangpen wowên mako, nangma nga jetmahhang ngama lôrem enga hang.”

LUK MA RAANGWAH NGINKONGSEN 24:3

ephumma thinma akhennâng lupwãng lahma sûwãng tahpa; Jisu mang chohkhe ho.

LUK MA RAANGWAH NGINKONGSEN 24:34

ngale thinma ngatwah, “Teso pa linlinjô ngakhintah! Atea Simon demnâng min chohmîntah!”

LUK MA RAANGWAH NGINKONGSEN 7:12

Thin ere hahdaang wah panthongko hokwâng rienrienko mangrû katte heh chohmînwah. Aritte pa janthoinyu chha wathelolo dângwah, ngale hahdaang kowah mihnyan heh jahmõang janthoinyu demko mangrû johkatwah.

LUK MA RAANGWAH NGINKONGSEN 7:14

Erediko Jisu ma wãng lahma mangko sahloat wângwah, phumma mang pete heh chep rewah. Ngale Jisu ma ngatwah, “Paangmih! Ngama chien eki, toanchep o!”

LUK MA RAANGWAH NGINKONGSEN 7:19

ngale Teso nâng thôngphârãng chienkatwah, thinma thôngphâ wah, “Nanga Jon ma katmin ngama thôtah pa dangole, roh akole nima ahan ngiakmin a?”

LUK MA RAANGWAH NGINKONGSEN 8:52

Erekowah heh anga nga naarit junko sepwah. Jisu ma ngatwah, “Neksep en; naapa rit dangmah - atea jup reka!”

JON MA RAANGWAH NGINKONGSEN 11:2

(Are Mariam pumma Teso dako tientumli ma lokko lahma ate khochoo pumma choakhut kohwah; phumma are khuntepa ate naa Lazaras dângwah.)

JON MA RAANGWAH NGINKONGSEN 11:3

Ate khakho pumma Jisu nâng ngin matkatwah: “Teso, nang lemruchhasen pa riitah.”

JON MA RAANGWAH NGINKONGSEN 20:13

Thinma atenâng chhienwah, “Dihiaknyu, nanga chenrãngma sep ekoa?” Dihiaknyu pumma dânthâng wah, “Thinma nga Teso pa pechhoan eka, ngale thinma chenko thienchhoan eka erepa ngama jetmek!”

JON MA RAANGWAH NGINKONGSEN 20:15

Jisu ma atenâng chhienwah, “Dihiaknyu, nanga chenrãngma sep ekoa?” “Nangma hen lemsû ekoa?” Dihiaknyu pumma erepa penri thong bemte edangthem a ngama thonghun lahma atenâng ngatwah, “Hethôte, nangma ate mangpa mepe chhoan tohko, chenko thienchhoantoh a erepa nganâng thôkohhang, ngama pechhoan lekma akhennâng ngaksekhû ang.”

JON MA RAANGWAH NGINKONGSEN 4:1

Jisu ma Jon noma dijunte ajah chohlahma baptijem koheka ngama Farasi hehma tatwah.

JON MA RAANGWAH NGINKONGSEN 6:23

Khôankho ahan Tiberias wah katte heh, Teso ma Joban nâng dangkoh a ngama ngat rangsoam soamlahma jahmõang mihnyan hehma phhekchhah chhahtah josi kahko chepkatwah.

1 KORINT 7:30

ngale asepte hehmin, hung lechhihma sepwah rãngrãng edanga; ngale angitte hehmin, khu lehahma ngitwah rãngrãng edanga; ngale chhahkhem riak achâte hehmin, thinma riitah chhahkhem pa thinthiak rãng riakwah rãngrãng ledangma edanga;

1 THISALONIKA 4:13

Lemruchha heh, riichoante mihnyan heh junma toangtang nginpa nenâng jetthuk huneka, erohkoba Joban nâng putedâlem ahote mihnyan heh sekmah patrii eka rãngrãng nea lesekmah patrii edangen.

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.

HIBRU 4:15

Nãngkhu Soam aroakte adongthôanpa nãngkhu bôan anâko lemînchente dangmah. Rohkomin, nãngkhu Soam aroakte adongthôanjô medang komin nãng rãngrãng rongrup ngema ate hungmin thattôanwah, rohkomin atema pap moho.