LUK MA RAANGWAH NGINKONGSEN 5:21 - NIEMNYAN Naga NT (BSI)

²¹ Niemarang hethôte ngale Farasi hehma thindede thonghunwah, “Joban thãsê jabkhab jabte are mihnyan pa hen a! Joban ma loloba pap heh map tâkohmin!”

LUK MA RAANGWAH NGINKONGSEN 5:21 Iomraidhean Croise

MATHIU 26:65

Aroh ngatko, soam aroakte adong pumma ate khetpa khasiet lahma ngatwah, “Joban thãse eko! Nima ahan hâkhi lemtumih! Nangma Joban thãsê pa nima athângheh lâchoh tattih!

MATHIU 9:3

Erediko niemarang jette heh thindede tungko thômîn wah, “Are mihnyan pumma Joban thãse eka!”

LUK MA RAANGWAH NGINKONGSEN 3:8

Nepap moatlem wah hunglittah ngama kheli moatlem mo en. Ngale Abraham pa nete newa dângwah ngama nededema nekthonghun riitu en. Ngama nenâng thôkoh eka, Joban ma are long heh wahmin Abraham chhuchharãng tahôan a!

LUK MA RAANGWAH NGINKONGSEN 5:17

Jâthenâng Jisu ma hethô poatko, Galilijaa chentôwah, Judia, ngale Jeroselem wah hûlahma Farasi ngale Niemarang hethôte heh tônghokwah. Ngale Jisu nâng khoanchette heh mesietrãng Teso wah chaanpa kohwah.

LUK MA RAANGWAH NGINKONGSEN 5:22

Jisu ma thinhung nâng thonghun ekapa jetlahma thinnâng ngatwah, “Nehung nâng arerãngrãng heh chenrãngma thonghun eken a?

LUK MA RAANGWAH NGINKONGSEN 7:49

Jisu demwah tôngte ahan hehma thindede hungnâng thônghun wah, “Arepa hen a, atema chenroh map tâkohmin a?”

JON MA RAANGWAH NGINKONGSEN 10:33

Thinma dânthâng wah, “Nima nangnâng moatlemsen moatthã ritpethun dangmih, nangma Joban thãsê jabkhab jabthãba ritpetrãng ngaeki! Nanga mihnyan danglohma, nangdede Joban rãng dângrit huneko!”

ROMAN HEHNÂNG POLMA RAANGWAH SITI 8:33

Joban ma reneka mihnyan hehnâng henma tâsêkhâm min a? Joban ate dedema ere mihnyan hehnâng themah ngaeka!