LUK MA RAANGWAH NGINKONGSEN 3:22 - NIEMNYAN Naga NT (BSI)

²² ngale Asâthôanju phariwo rãngrãng danglahma ate khohko tôngkatwah. Ngale rangkhethung wah jabkhab hôngjab katwah, “Nanga ngama nyahrãng ahun nga Chha. Nga nangdemnâng rinme ekang.”

LUK MA RAANGWAH NGINKONGSEN 3:22 Iomraidhean Croise

MATHIU 12:18

“ngama rentek ngahaa pa ana, ngama Atenâng hun ekang, ngale ate demnâng nga rinme ekang. Ngama nga Ju ate seknâng echienkat ang, Ngale chentô diak akanko ngama metloat Nginpa atema ephoang thôkoh a.

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MATHIU 27:43

Atema Joban nâng tok anaa lahma atedede Joban Chha ngarii eka. Thatsu tan e, athângheh Joban ma ate pepâng chenhun ale!”

MATHIU 3:13

Ere sanpoatko Jisu Jordan joko Jon wah baptijem keprãng hokwah.

MATHIU 3:16

Jisu baptijem kepdiko jokowah loatkhôam wângwah. Erediko rangkhethung pa Atenâng laangkohwah, ngale atema Joban Jupa wochha rãngrãng kalahma ate khoko tôngkat khewah.

MATHIU 3:17

Ngale rangkhethung wah jabkhab hongjab katwah, “Arepa ngachha, ngama Atenâng nyahrãng hun ekang, Ate demnâng nga nyahrãng rinme ekang.”

MAK MA RAANGWAH NGINKONGSEN 1:11

Ngale rangkhethung wah jabkhab hôngjab katwah, “Nanga ngama nyahrãng ahun Chha. Nga nangdemnâng nyahrãng rinme ekang.”

MAK MA RAANGWAH NGINKONGSEN 1:9

Chentô letaang thangma Jisu Nazarat wah Galili nâng katwah, ngale Jon ma Jordan joko atenâng baptijem kohwah.

MAK MA RAANGWAH NGINKONGSEN 9:7

Erediko phoambuk bukhû lahma mahbuk wah, ngale phoamkhen kowah jabkhab hôngjab katwah, “Arepa nga Chha ngama atenâng nyahrãng hun ekang - ate ngin kepen!”

LUK MA RAANGWAH NGINKONGSEN 2:14

“Rangkhethung choangthôan nâng Joban mîndong thukeka, ngale hahtokkhoh ko hendemnâng ate rinme eka ereheh mêmo chendanga!”

LUK MA RAANGWAH NGINKONGSEN 4:21

ngale atema thinnâng ngatwah, “Ngama are Joban nyapraang weih ekangpa nema lâtattet, erohwah are raang ekapa thejâ toangtang lâdangtah.”

JON MA RAANGWAH NGINKONGSEN 1:32

Ngale Jon ma thinnâng thôkoh wah: “Ngama rangkhethung wah Jupa wo rãngrãng litlahma kalahma ate khohko tongka lahma khetek.

JON MA RAANGWAH NGINKONGSEN 12:28

Wa, nangmînpa dongthuk e!” Erediko rangkho wah jabkhab jabkatwah, “Ngama Wa mînpa lâdong thuktek, ngale ademin edongthuk ang.”

JON MA RAANGWAH NGINKONGSEN 5:37

Ngale nga chienkatte Wama min ngajunma hâkhi hôaneka. Nema ate kahramin mathat chohtat eken, ngale ate thhenphãng min mathat chohkhe eken,

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

KOLOSIEN 1:13

Atema rangnyek chaan kowah pepâng lahma atema nyahrãng ahun ate Chha Hahsông theko senthemthem sietwên ehi,

1 PITER 2:4

Teso tânâng hûren, atea ahîn long, mihnyan nyuchha hehma achhih ngama petphe eka, rohkomin Teso ma alemli ngama ren eka.