LUK MA RAANGWAH NGINKONGSEN 3:11 - NIEMNYAN Naga NT (BSI)

¹¹ Atema dânthâng wah, “Henhen nâng chhemchong khanii tonghèn a khathe pa ahoteko koh en, ngale henhen nâng phhekchhah tong ehèn a erepa phenphhek chhah re en.”

LUK MA RAANGWAH NGINKONGSEN 3:11 Iomraidhean Croise

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

LUK MA RAANGWAH NGINKONGSEN 11:41

Erohwah ne bâti le wankhoang khenko chenni tonga ereheh tangchhih hehnâng koh en, ngale erohkoba chentôpa nerãngma niemarang junko asâ tuta edang kohhèn.

LUK MA RAANGWAH NGINKONGSEN 18:22

Chenthu Jisu ma are nginpa tatphumma atenâng ngatwah, “Nangma moatthin ademin wanthe tonga. Nang chhahkhem heh phangtang senglohma ngunpa tangchhih hehnâng koh o, ngale erohkoba nanga rangkhethung nâng techhu thôan edango; erediko kalohma ngadijun hang.”

LUK MA RAANGWAH NGINKONGSEN 19:8

Zakaria toanchep lahma Teso nâng ngatwah, “Teso tattan! Ngama nga chhahkhem hehwah khakapa tangchhih hehnâng ekoh ang, ngale ngama hennâng komin mediapchhah tekko, ngama erenoma thiakbelii ajah engakkoh ang.”

JON MA RAANGWAH NGINKONGSEN 13:29

Juda pa ngunthiente dâng phumma, dijunte khaka ma, Jisu ma Juda nâng thinma lokuhko kepthin heh riakchhoanrãng chienthem eka, ba tangchhih hehnâng chenni komin kohchhoan o, ngama komin chienthem eka ngama thônghun wah.

MOATLEM 10:2

Atea Joban rancheite mihnyan dângwah; ngale thinhumte tangkâ phangtang Joban nâng rangsoamte dângwah. Ate memin Jews tangchhih hehnâng nyahrãng chîchohsok wah, ngale roantang Joban nâng rangsoam lahma dângwah.

MOATLEM 10:31

ngale atema ngatwah, ‘Kornilas! Joban ma nang rangsoam lâchohtattho ngale nangma mihnâng chohsok moatlem moeko pemin lâkhetho.

MOATLEM 10:4

Atema chei nungma ngintatte ko thongsû lahma ngatwah, “Hethôte, arepa chennia?” Ngintatte pumma dânthâng wah, “Nang rangsoam ngale nangma mihnyan hehnâng chohsû eko demko Joban rinme eka, ngale atema nang rangsoam pa edânthangho.

IFISIEN 4:28

Nema ahuh chîrewah medang enko, ahuh nekretu en, moaka letma toangtangko biphhekchhah letma toangtangma songtongen, ngale tangchhih hehnângmin chohsû en.

1 TIMOTHI 6:17

Are hahtokkhoh roandông kowah ngun akem ngale chhahkhem ngenâng techhu dângte hehnâng lengamrii rãng thôkoh, ngale thin ngun akem le chhû alû hehnâng nekchen dâlem wakeka, rohkomin nyahrãng chhahme danglahma nãngnâng khuhah nâhah tongrãng chentôpa chohkohte Joban nânglolo chen dâlem wak a.

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

HIBRU 6:10

Joban pa mothô khoanglep dangmah. Nema motet moatlem heh atema lekphemah, ngale nema atenâng hun achet junko atenâng putedâlemte hehnâng chohsûtet hehmin lekphemah, ngale athâng hehwah chohsû eken hehmin atema lekphemah.

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

JEMS 2:14

Ngalemruchha heh, nema putedâlem eki ngaletma nemoatlem pa putedâlem junko ledang medang enko ereko chenni asen etonga? Ererãngrãng putedâlem pumma nekho tapesiet hèn a?

1 JON 3:17

Techhu hehma ate pho anya heh chennijô aho chêmchei pa khelahme min thinnâng chohsokrãng hung lelaangte hehma Joban nâng huneki tanga mah.

1 JON 4:20

Nãngma Joban nâng huneki ngalihma, nãngpho anaa hehnâng memitchek eko, nãnga mothô. Chenrãngma ngako, nãngma mitma khe mihnyan hehnâng lehun medang eko, mitma lekhe Joban nângjã chenthujô jienhunmih.