LUK MA RAANGWAH NGINKONGSEN 24:44 - NIEMNYAN Naga NT (BSI)

⁴⁴ Erediko atema thinnâng ngatwah, “Ngama are ngin heh nga nedemnâng dângthuko thôkotah: Mosa Niemarang nâng, ngale chentô mõngama, erediko Rangsoam titab nâng ngajunma raangtah heh phangtang linlin dângwângmin ngama.”

LUK MA RAANGWAH NGINKONGSEN 24:44 Iomraidhean Croise

MATHIU 1:22

Joban ma Mõng hehnâng jabthuktah nginpa toangtang dângkatrãng arepa dangeka,

MATHIU 16:21

Ere sanpoat phumma Jisu ma ate dijunte hehnâng laangthôkoh wah, “Nga Jeroselem nâng metkep katmin, phumma khhepho phannang, soam aroakte adong, ngale Niemarang hethôte hehma echêmsiet hang. Nga ritphe ere hang, rohkomin, jârem diko ngakhîn ereang.”

MATHIU 26:54

Phumma ngama eroh meroo angko, Joban nyapraang nâng nga aroh dângmin ngama raang ekapa chenroh toangtang jiendângmin a?”

MATHIU 26:56

Are chentôpa mõng hehma Joban nyapraang nâng raangtah heh toangtang dângrãngma dangeka.” Erediko dijunte hehma ate phethien lahma huhchhoan wah.

MAK MA RAANGWAH NGINKONGSEN 9:31

Chenrãngma ngako atema ate dijunte hehnâng hethô sanpoat dângwah: “Mihnyan Chhapa ate ritphete heh deknâng ekoh a. Rohkomin, atea jârem diko ngakhîn rêmin.”

LUK MA RAANGWAH NGINKONGSEN 21:22

Chenrãngma ngako ere sanpoat pa, Joban nyapraangma ‘Chêmchoh sanpoat dângmin ngama,’ ngaeka chentôpa linlin edanga.

LUK MA RAANGWAH NGINKONGSEN 22:37

Joban nyapraangma ngaeka pa ngama nenâng thôkoh a, ‘Atemin kaamchhih moatte heh demnâng johdangthuk eka’ ngama ngaeka pa toangtang dângwângmin, chenrãngma ngako ngarãng chenni raangtah a ereheh toangtang dangwãng era.”

LUK MA RAANGWAH NGINKONGSEN 24:46

ngale thinnâng ngatwah, “Aroh raanglahma tonga: Misaia pa metkep echêm a ngale jârem diko ritwah engakhin a,

LUK MA RAANGWAH NGINKONGSEN 9:22

Jisu ma thinnâng thôkoh wah, “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

LUK MA RAANGWAH NGINKONGSEN 9:44

“Ngama nenâng thôkohmin nginpa nema neklekphe en! Mihnyan Chhapa mihnyan nyuchha heh deknângkoh lâthângtah.”

JON MA RAANGWAH NGINKONGSEN 3:14

Mosa ma janwah hôanwah pû sehahnâng thankah ranâng laangtah rãngrãng, Mihnyan Chhamin eroh laangmin,

JON MA RAANGWAH NGINKONGSEN 5:39

Nema Joban nyapraangpa weih eken, chenrãngma ngako nema erekowah roantang roanjêng roandông chohmin ngama putedâlem eken. Phumma are Joban nyapraang pumma ngajunma jabeka!

JON MA RAANGWAH NGINKONGSEN 5:46

Nema linlinjô Mosa nâng putedâlem medang enko, nganângmin putedâlem min dângwah, chenrãngma ngako atema ngajunma raangwah.

MOATLEM 13:40

Erohwah jetletma tongen, mõng hehma jabtah nginpa nekhoh nâng nekchenchat ehèn:

MOATLEM 2:27

chenrãngma ngako, nangma rit amah thintheko nga lephethien min; ngale nangnâng senthemthem putedâlemte haapa mangruk khenko lesãnjâ thukmin.

MOATLEM 3:18

Misaia ma chêmchoh lahma ritmin ngama mõngheh junma Joban ma khemama loatjabtah; ngale erepa atema aroh toangtang dangthuk eka.

MOATLEM 7:37

Mosa ma Isrial mihnyan hehnâng ngatwah, ‘Joban ma nga chienchhoan ehang rãngrãng atema netânâng mõng echien katra, ngale atea ne mihnyan wahjô dângmin.’

HIBRU 10:1

Jews heh Niemarang pa alinlin pa dangmah; erepa khedi kowah hokmin alinlin asen ere moangba. Phumma Niemarang junko mãnthethin pa roantang roanjêngma rangpâ roakweih joapsoap wakeka. Eroh medang ako, aroh joapsoap junko Niemarang pumma Joban tânâng hokte mihnyan heh chenroh jiensên sietmin a?

HIBRU 3:5

Joban humnâng Mosa haa rãngrãng danglahma putedâlem nâng asen danglahma moatwah, ngale Joban ma khediko jabthin ngin heh atema thôwah.

HIBRU 7:1

Are Melkizidik pa Salim diak Lowang dângwah, ngale Achoang thôanwah Joban nâng soam aroakte min dângwah. Abraham ma Lowang wabelii jienlahma ranwah ngakwângko, Melkizidik ma lemko chohmîn lahma atenâng rangkoh wah,

HIBRU 9:8

Are heh aroh khoakhem eka junko Asâthôanju ma senthemthem thôkoh ehi, chenthu tôko khebeng thôan the kowah rangsoam Thepa tongeka, nãng Nyahrang Asâthôan Theko wângthin lempa malaang kohehi.

1 PITER 1:11

Thinma erepa chenre sanpoatko dângmin a ngale erepa chenroh hokmin a ngama thatlemte wah. Ere sanpoatko thin khenwah Krista Ju tongeka pumma thinnâng Krista ma chêmchoh lahma atema ere chêmpa tadô lahma erediko atema mîndông rângthô choh eka heh jetthuk lahma loatthô thukwah.

LOATKHESOK 19:10

Ngama atenâng soamtô rãng ate dathongko khupjup wah, rohkomin atema Nganâng ngatwah, “Aroh nekmo! Ngamin nang rãngrãng erediko putedâlemte mihnyan ahan, ngale Jisu ma loatsiet eka hehnâng toangtangko rongtêngtêng danglahma tôngte heh rãngrãng haa jôba. Joban nângba soamtô o!” Chenrãngma ngako, Jisu ma loatsiet eka toangtang junma Mõng heh Joban ngin phoangthô rãng chaan choh eka.