LUK MA RAANGWAH NGINKONGSEN 21:8 - NIEMNYAN Naga NT (BSI)

⁸ Jisu ma ngatwah, “Jetletma dangen; mihnâng nekdiep chhahrii en. Ajahthem mihnyan hehma ngamîn keplahma ehûra, thinma ‘nga a ate!’ ngama engawak a, ngale ‘Sanpoat pa lâhûtha!’ ngamemin engawak a, rohkomin thindi nekjun en.

LUK MA RAANGWAH NGINKONGSEN 21:8 Iomraidhean Croise

MATHIU 24:11

Erediko ajahthem mõngmõang heh hong lahma mihnyan heh ediapchhah a.

MATHIU 3:2

Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 4:17

Ere sanpoat pumma Jisu ma Joban nginkong bengphoang thôwah: “Ne papwah hunglit en, chenrãngma ngako rangkhethung Hahsông pa lânam hûtha!”

LUK MA RAANGWAH NGINKONGSEN 17:23

Erediko mihnyan hehma nenâng engahèn, ‘Ireko sûka tan en!’ ba, ‘Anâng, sûka tanrên!’ rohkomin nema nekphoang sûchhoan en.

LUK MA RAANGWAH NGINKONGSEN 21:7

Thinma thôngphâ wah, “Hethôte, arepa chenthu dângmin a? ngale areheh dângrãng sanpoat pa lâthângtah ngama jetrãng chenni dângmin a?”

LUK MA RAANGWAH NGINKONGSEN 21:9

Chenthu nema ranloatmîn ngale rantîn ngemtîn metat enkomin nekchei en; ererãngrãng heh khebeng bengdâng mêngmin, rohkomin ereheh junko athôan sanpoat pa lânamtha ngama dangmah.”

JON MA RAANGWAH NGINKONGSEN 5:43

Nga a nga Wa chaan demnâng kaerâng, rohkomin nema nga kepmahha; ngale henkomin atedede hungsima mehûrako erepa nema kep eken.

JON MA RAANGWAH NGINKONGSEN 8:24

Erohwah ngama nea nepap demko erii en ngama thôkoh eka. Ngale ‘NGA, HEN NGA A’ ngama ngarii ekako leputedâlem kenko nepap khenkojô eriien.”

JON MA RAANGWAH NGINKONGSEN 8:28

Ephumma atema thinnâng ngatwah, “Chenthu nema Mihnyan Chhapa mechoangpe tetko ‘NGA, HEN NGA A’ ngama ngatrit tepa ejet en; erediko nga hungsima chennimin momek ngama ejet en, rohkomin Wama chenni jabrãng thôkoh ehanga erepa jôba jabekang.

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

IFISIEN 5:6

Hennângjô ledangli ngin hehnâng nekdiap chhahrii en; chengrãngma ngako, ererãngrãng heh junko Joban rinkhah pa ate ngin lekepte heh khohnâng hûera.

2 THISALONIKA 2:3

Hennângjô chenni ngemejô nekmok wânrii en. Chenrãngma ngako, ere Rangwo pa Joban ngin Lekepte pa mahong hongkako lehû mêngmin, ngale pap wendô dongnâng khâmritte Mihnyan Chhih pa mahong hongko lehû mêngmin.

2 TIMOTHI 3:13

ngale mihnyan chhih le mihphoang diapchhahte mihnyan heh jêngjah jahchhih echhihjâa, thinma mihheh phoang diapchhah demko thin dedemin ediap chhahriia.

1 JON 4:1

Ngalemruchha heh, ninâng Ju tonghi ngatte chentô nâng nekputedâlem en, rohkomin thin ngewah Jupa Joban wah dangale dangmah a ngama thaksokre en. Chenrãngma ngako mõngmõang heh chentô thenâng jahmõang lâphan chhoantah.

2 JON 1:7

Mih diapphhek chhahte hahtokkhoh ko jahmõang phoangmen chhoantah, ereheh a Jisu Krista pa mihnyan nyuchha phoang rãngrãng danglahma katwah ngama lejette mihnyan heh. Arerãngrãng mihnyan heh mih diapchhahte ngale thin a Krista rãngma Ran.

LOATKHESOK 1:3

Are titab weihte hehma rangkepmin, ngale henhenma are profisi jabkhab pa tatlahma are titab kowah raangeka nginpa kepte hehma rangkepmin! Chenrãngma ngako areheh phangtang hôngdâng wângrãng sanpoat pa lânam hûtha.

LOATKHESOK 12:9

Pûchhih dôngmõang pa petphekat rewah-rangbeng hahbeng wah pû, ate mînpa Juchhih ba joak ngama dângwah, atema hahtokkhoh phangtang diapphhek chhahwah. Ate demko ate ngintatte heh aroamma hahtokkhoh nâng petphekat wah.