LUK MA RAANGWAH NGINKONGSEN 20:16 - NIEMNYAN Naga NT (BSI)

¹⁶ “Ate kalahma ere mihnyan heh phangtang eritpheka a, ngale angurthongpa mihhan demnâng eroam motûa.” Mihnyan hehma erengin pa tatlahma, “Aroh chenthumin dangmah!,” ngama ngatwah.

LUK MA RAANGWAH NGINKONGSEN 20:16 Iomraidhean Croise

MATHIU 21:34

Chenthu angur chum lahma khôanpûn rangkuh hokphumma, tângte pumma aroamrãng mothuk thientah heh tâko ate thiak thârãng ate haaheh chienkat wah.

MATHIU 21:41

Thinma dânthâng wah, “Ere mihnyan chhih heh atema ritphe erea”, “ngale angurthong pa angur chum sanpoatko atenâng senthemthem kohte mihnyan hânnâng aroamrãng engak mothuk a.”

MATHIU 22:7

Phumma Lowang pa nyahrãng rinkhah wah; ngale ate haa ritphete mihnyan heh ritphe letma thin hahdaang pa wenma rokphe en ngama ate sipâhi heh chienchhoan wah.

MAK MA RAANGWAH NGINKONGSEN 12:9

Jisu ma thinnâng thôngphâ wah. “Eroh medang ako, angurthong tângte pumma chenni rêmin a?” “Tângte pumma angurthong aroamrãng mothuktah heh ritphe lahma angurthong pa ahannâng emothuk a.

LUK MA RAANGWAH NGINKONGSEN 19:27

Ade dangeka, Nga thin lowang rãng dângthuk lehunte ngaran heh aretheko siethu letma nga tâko ritphe en!’ ”

LUK MA RAANGWAH NGINKONGSEN 20:15

Ephumma angurthong kowah petphekat lahma ritphewah. “Eroh medang ako, angurthong khiette tângtewa pumma aroamrãng mothuktah hehnâng chenremin a?” ngama Jisu ma thôngphâ wah.

MOATLEM 13:46

Rohkomin Pol le Barnabas niima lechei thangma jêngjah jâhthô thôkoh wah: “Khebeng thôanko Joban jabkhab pa nenâng bengthôkoh pa alemthôan dângwah. Rohkomin nema erepa lekep dâng phumma, ngale roantang roanjêng roandông lehun dâng phumma, nima nenâng lethôkoh thangma Jews ledangte hehnâng thôhûkoh eki.

ROMAN HEHNÂNG POLMA RAANGWAH SITI 11:1

Erediko ngama thôngphâ wah: Joban ma ate mihnyan heh phere eka? Phemah! Ngadede min Isrial mihnyan, Abraham chhuchha, ngale Benjamin jatwah.

ROMAN HEHNÂNG POLMA RAANGWAH SITI 11:11

Erediko ngama thôngphâ ekang: Jews heh chenthu dakho thutriitah a? ngale lejien ngaksen tuli lânchhih jâroh chenthu jâriitah a? Erohmin dangmah! Jews hehma pap moatjunko, thinma chenphetwân a ngama khope pa Jews ledangte hehma choh eka.

ROMAN HEHNÂNG POLMA RAANGWAH SITI 3:31

Phumma nãngma putedâlem junko Niemarang heh chhihsiet lere ekia? Chenthumin nãngma chhihsietmih; erenoma, putedâlem junko nãngma Niemarang pa dongsiet eki.

ROMAN HEHNÂNG POLMA RAANGWAH SITI 3:4

Eroh chenthumin dangmah! mihnyan heh phangtangjô mothô medang akomin, Joban pa toangtang. Joban nyapraangma aroh ngaeka, “Nangma jab eko jabkhab pumma nanga toangtang ngama chenkhesok a; ngale chenthu nangnâng metlo lahma mesekham hoko, erepa nangma jien o.”

ROMAN HEHNÂNG POLMA RAANGWAH SITI 3:6

Eroh jiendangmah! Joban pa toangtang ledang kako, atema hahtokkhoh pa chenroh jienrênmin a?

ROMAN HEHNÂNG POLMA RAANGWAH SITI 6:15

Eroh medang ako chennire min a? Nãngma pap moea, chenrãngma ngako nãnga niemarang khennâng dangmih, Joban mînchenchaan khennâng songeki? Erohmin jienmo mih!

ROMAN HEHNÂNG POLMA RAANGWAH SITI 6:2

Eroh chenthumin dangmah! Nãnga papnâng lâriitih - phumma pap khenkojû chenroh jienthãm lektongea?

ROMAN HEHNÂNG POLMA RAANGWAH SITI 7:13

Phumma chenrepa asen ngaekia erepumma nãngnâng rit kephukoh ehia? Erohmin dangmah! Rohkomin chenrepa asen a erepa keplahma nganâng pap pumma rit pa kephukoh ehang, ngale erepa linlin pappa jienkherãng moeka. Ngale hôkum junko pappa nyahrãng cheili chhih ngama khesok eka.

ROMAN HEHNÂNG POLMA RAANGWAH SITI 7:7

Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

ROMAN HEHNÂNG POLMA RAANGWAH SITI 9:14

Eroh medang ako nãngma Joban nãng thhensokte ngama lengaea? Eroh chenthumin jienngamih.

1 KORINT 6:15

Nema ajet ne phoang pemin Krista phoang demko jôba johroap eka. Phumma ngama Krista phoangpa dihiaknyu phoang sengte phoang demko ejoh roapsiet anga? Eroh chenthumin leta roapsietmin!

GALATIEN 2:17

Nãngmin Jisu Krista demnâng roamlihma Joban demnâng toangtang medang eko, nãngmin Jews ledangte hehnâng papi ngaeki rãngrãng papi jôba - eroh medang ako nãngmin Krista ma pap ledangthuk ehia? Erohmin dangthuk mahhi!

GALATIEN 3:21

Are junko medang ako Niemarang pa Joban ma toamsem eka lelatnâng dangeka? Erohmin chenthujô dangmah! Chenrãngma ngako, mihnyan nyuchha ma chohtah niemarang pumma roandông mekephûra ko, ere niemarang pa kep junma chentôpa Joban demnâng toangtang tâdângmin.

GALATIEN 6:14

Rohkomin, Nga dangekang, Ngama Jisu Krista bãngphak pa lolo jôba erângthô ang; chenrãngma ngako, ate bãngphak junma are hahtokkhoh pa ngarãngma riichoan rãngrãng dangeka, ngale Ngamin hahtokkhoh rãngma riichoan rãngrãng dangekang.