LUK MA RAANGWAH NGINKONGSEN 16:9 - NIEMNYAN Naga NT (BSI)

⁹ Ngale Jisu ma ngatwah, “Ngama nenâng thôkoh eka: Hahtokkhoh kowah ne ngun akem le too achhah heh lemruchha pekrãng kepen, chenthu nema eroh memotetko, nea roantang roanjêng humnâng eroohen.

LUK MA RAANGWAH NGINKONGSEN 16:9 Iomraidhean Croise

MATHIU 19:21

Jisu ma atenâng ngatwah, “Nanga rongrup ngenâng asen dânghun medang oko, chhoan lohma nang chhahkhem chentôpa senglohma ngunpa tangchhih hehnâng koh o, ephumma nanga rangkhethung nâng techhu thôan edango; ngale erediko ngakka lohma ngadijun hang.”

MATHIU 6:19

“Hahtokkhoh ko techhu dângrãng nekkhôanjôan en, dõng ngale chhinma ethôan chhihphhek a, ngale ahuhte ma chhihsiet lahma ehuh a.

MATHIU 6:24

“Henjô tângte wanii haa tadang mah; atema watheko chhihchoh erea, ngale watheko sênchoh erea; wathe nginpa senthemthem ekep a, ngale wathe nginpa lekep edanga. Nema Joban ngale ngun akem wanniinii taroam khoakhem met.

LUK MA RAANGWAH NGINKONGSEN 11:41

Erohwah ne bâti le wankhoang khenko chenni tonga ereheh tangchhih hehnâng koh en, ngale erohkoba chentôpa nerãngma niemarang junko asâ tuta edang kohhèn.

LUK MA RAANGWAH NGINKONGSEN 12:33

Ne chhahkhem chentôpa sengletma ngunpa tangchhih hehnâng koh en. Roantang roanjêngma techhu dângthinpa kepen, ngale rangkhethung nâng techhu thôan dângrãng khôanthien en, enâng chenthumin tangchhih ledangmin, chenrãngma ngako ereheh ahuhte memin leta huhmin, ngale chhumphithang memin leta chhihphekmin.

LUK MA RAANGWAH NGINKONGSEN 14:14

erohkoba nema rang ekepen, chenrãngma ngako thinma nenâng leta ngakngetmin. Ere thãpa, mihnyansen heh ritwah ngaksat jâko Joban ma nenâng engak kohhèn.”

LUK MA RAANGWAH NGINKONGSEN 16:11

Nema are hahtokkhoh kowah chhahkhem heh toangtangma lejiensem medang enko, rangkhethung wah toangtang chhahkhem heh jãtang chenroh ejiensemthuk a?

LUK MA RAANGWAH NGINKONGSEN 16:13

“Henmin tângte waniihaa tajien dangmah; ererãngrãng haa pumma watheko chhihchoh erea, ngale watheko sênchoh erea, ba wathe nginkepkep edanga ngale wathe nginlekep edanga. Nema Joban le ngun waniinii jienroam khoakhem met.”

LUK MA RAANGWAH NGINKONGSEN 16:4

Ngama chenni moatmin a erepa ngama jet ang! Chenthu nga kaamwah mejek tekko, ngalemruchha hehma thinhumnâng eroo hang.’

MOATLEM 10:31

ngale atema ngatwah, ‘Kornilas! Joban ma nang rangsoam lâchohtattho ngale nangma mihnâng chohsok moatlem moeko pemin lâkhetho.

MOATLEM 10:4

Atema chei nungma ngintatte ko thongsû lahma ngatwah, “Hethôte, arepa chennia?” Ngintatte pumma dânthâng wah, “Nang rangsoam ngale nangma mihnyan hehnâng chohsû eko demko Joban rinme eka, ngale atema nang rangsoam pa edânthangho.

2 KORINT 4:17

Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

JUD MA RAANGWAH SITI 1:21

ngale nãng Teso Jisu Krista ma ate mînchenchaan junko nãngnâng roantang roanjêng roandông kohrãng bemlaeki poatko, nededema Joban ngewah hun achet khenko dangletma tongen.