LUK MA RAANGWAH NGINKONGSEN 16:2 - NIEMNYAN Naga NT (BSI)

² Ephumma humkhen nâng roolahma atenâng ngatwah, ‘Ngama nang nginpa chenchohtat ekanga? Nangma ngangun chentô thientoh a ereheh phangtang kephûro, chenrãngma ngako nanga ngangun thiente ledangtumin.’

LUK MA RAANGWAH NGINKONGSEN 16:2 Iomraidhean Croise

MATHIU 12:36

“Ngama nenâng thôkoh eka, metloatjâ rãngwoko chentô mihnyan ma atema chentô jabkhab chhih jabtah a ereheh eloat sietkoh a.

MATHIU 20:8

“Phumma chenthu sanhêmthah hokko, tângtewa pumma dekbi bite heh sokrãng thieneka mihnyan ko ngatwah, ‘Dekbi bite heh roolohma thinnâng dekbi thãpa koh o, khedithôan wah chepte hehnâng bengkoh lohma khema thôanwah chepte hehnâng khedi koh o.’

LUK MA RAANGWAH NGINKONGSEN 12:20

Rohkomin Joban ma atenâng ngaeka, ‘nanga aba hahphhek! Thejâ rangpenpen nang rit rêmin; phumma nangrãng are chhahkhem khôanthientoh heh henma kepmin a?’”

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

LUK MA RAANGWAH NGINKONGSEN 16:1

Jisu ma ate dijunte hehnâng ngatwah, “Rekthenâng techhuwa wathe nâng atehaa pumma ate thiak aman heh sûare kolahma dângwah. Phumma techhu wako nanghaa pumma nangngun heh mahto nâng phoangmah metphekoh eho ngama thôkoh wah,

LUK MA RAANGWAH NGINKONGSEN 16:3

Haa pumma atedede nâng ngatritwah, ‘Nga tângte pumma ngakaam wah junloatmin lâdangthang. Ngama chenre tumin a? Ngama hahthut kaammin tamomek, ngale mihwah chutphhek chhahrãngmin rêsê.

ROMAN HEHNÂNG POLMA RAANGWAH SITI 14:12

Erediko nãngkhu anga ngama henma moatlem chenroh motih a ereheh Joban nâng ekhesok e.

1 KORINT 1:11

Ngalemruchha heh, chenrãngma ngako, Kloe humte tangkâ hehma nekhu tungnâng mênmîn reletma tonga, ngama nganâng chentôpa senthemthem lathôkoh thang.

1 KORINT 4:2

Ererãngrãng haa hehma wanthe lem ekapa dangeka, atea, ate tângte pumma putedâlemli dângmin.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

1 TIMOTHI 4:14

Nangma Ju chaanchoh eko pemin kep o, ere Ju chaanpa nangma chohmako Mõng hehma thôwah ngale khhepho phannang hehma nang khohko thin dekma sahlo lahma rangsoam koh poatko kohwah.

1 TIMOTHI 5:24

Khaka mihnyan heh pappa mitma akhe, ngale thinnâng achhih ngama ngatmama lemlienma loatjâ eka; rohkomin khaka mihnyan heh pappa khedinâng hong lahma ekhe e.

1 PITER 4:10

Anga ngama, Joban ma mâmâ jatjat hînhô koh ehèn heh senthemthem jienkepte rãngrãng dangletma, nema Joban ngewah chohtet hînhô heh mihhan hehrãng asen dângrãngma kepmin.

1 PITER 4:5

Rohkomin ahînthu mihnyan ngale riichoante mihnyan heh rênte Joban nâng thinmemin thindede moatlem chenroh motah a erepa ekhesok a.

LOATKHESOK 20:12

Ngale Ngama riichoante heh adong arin khoakthema phangtang tôngthin mathahko cheplahma khewah. Eko titab heh lakwah, ngale erediko titab ahan hehmin lakwah, ahîn titab pa lakwah. Riichoante mihnyan heh thinma chenroh molahma titab nâng raangthientah a erejunko rênwah.