LUK MA RAANGWAH NGINKONGSEN 16:1 - NIEMNYAN Naga NT (BSI)

¹ Jisu ma ate dijunte hehnâng ngatwah, “Rekthenâng techhuwa wathe nâng atehaa pumma ate thiak aman heh sûare kolahma dângwah. Phumma techhu wako nanghaa pumma nangngun heh mahto nâng phoangmah metphekoh eho ngama thôkoh wah,

LUK MA RAANGWAH NGINKONGSEN 16:1 Iomraidhean Croise

MATHIU 20:8

“Phumma chenthu sanhêmthah hokko, tângtewa pumma dekbi bite heh sokrãng thieneka mihnyan ko ngatwah, ‘Dekbi bite heh roolohma thinnâng dekbi thãpa koh o, khedithôan wah chepte hehnâng bengkoh lohma khema thôanwah chepte hehnâng khedi koh o.’

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

LUK MA RAANGWAH NGINKONGSEN 15:13

Jâthe jânii diko naadiwa pumma ate thiak aman heh phangtang sengphe lahma ngun keplahma humwah chhoanwah. Hahtaang diaknâng chhoan lahma ate ngunpa bamet tamet phoangmet phewah.

LUK MA RAANGWAH NGINKONGSEN 15:30

Rohkomin are nangchha pumma nangthiak aman heh phangtang senglahma dihiak phoangsengte heh demnâng thôanmetphê diko humnâng ngakhûera, phumma nangma atenâng thãchaanthôan leepa joatkoh eko!’

LUK MA RAANGWAH NGINKONGSEN 16:19

“Rekthenâng techhuwa wathema nyahrãng thãchaan khet akhu heh kep ngale rangwo roakweih chenmin lethoam thangma songtong lahma dângwah.

LUK MA RAANGWAH NGINKONGSEN 16:2

Ephumma humkhen nâng roolahma atenâng ngatwah, ‘Ngama nang nginpa chenchohtat ekanga? Nangma ngangun chentô thientoh a ereheh phangtang kephûro, chenrãngma ngako nanga ngangun thiente ledangtumin.’

LUK MA RAANGWAH NGINKONGSEN 19:20

Ahan haa wanthe pa hûlahma ngatwah, ‘Tângte, nang kem ngunpha pa anã; ngama khetnâng sitlekma huhthienwah.

LUK MA RAANGWAH NGINKONGSEN 8:3

ngale Joana ate tangwa mînpa Chuza atea Hirot nginpatthin humnâng sahhab dângwah; ngale Susana, eredikomin ajahthem dihiaknyu hehma thindede ngun akem met lahma Jisu le ate dijunte hehnâng chohsû lahma johchhoan wah.

TITAS 1:7

Chenrãngma ngako Asâthem heh khhepho phannang heh Joban moatlem moatte, erohwah, atea mihma chhihthôli chenmin aho dângmin. Atea ngam poapoa, erediko rinkhahla, khemmok chempa, ngun akem nâng nyahrãng chhahnyoakte min ledangmin.

JEMS 4:3

Ngale nema metha enkomin, erepa nema chohmet, chenrãngma ngako, ne mongthem achhih demnâng thaeken; ngale nema ere sêmmak thaeken pa nedede rinmerãng keprãng thaeken.

1 PITER 4:10

Anga ngama, Joban ma mâmâ jatjat hînhô koh ehèn heh senthemthem jienkepte rãngrãng dangletma, nema Joban ngewah chohtet hînhô heh mihhan hehrãng asen dângrãngma kepmin.