LUK MA RAANGWAH NGINKONGSEN 12:5 - NIEMNYAN Naga NT (BSI)

⁵ Henran cheimin a erepa ngama nenâng khesok a: Joban ren chei en, atenâng phoang ritphe dikomin, pap wendônâng phêkatrãng chaan tonga. Nganâng puteha, ate ran lolo jôba chei en!”

LUK MA RAANGWAH NGINKONGSEN 12:5 Iomraidhean Croise

MATHIU 10:28

Phoang ritphete ran nekchei en, thinma ju taritphe mah; Ere noma phoang ngale ju wanniinii pap wendô nâng rokthhek lahma târitphete Joban ran chei en.

MATHIU 25:41

“Erediko atema ate dekhit wah hehnâng enga a, ‘nga tâwah taangen, nea Joban wah achhih chohte! Joak le ate ngintatte hehrãng khoakhem kotah roantang roanjêng khâmthin wendôko ka en!

MATHIU 25:46

Ereheh roantang roanjêng chêmchoh thinnâng chienkatmin, phumma toangtang heh roantang roanjêng roandông chohthin nâng wângthukmin.”

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MAK MA RAANGWAH NGINKONGSEN 13:23

Ne jetletma dangen! Ngama chentôpa sanpoat hokmako thôkoh eka.

1 THISALONIKA 4:6

Erediko, nelemru Kristan ahan hehrãng memin nekchhih mokoh en, ngale nekdiapchhah en. Are nginpa nima amakomin thôkotah, ngale ademin thethô koheka, henhenma ererãngrãng kaamchhih moeka ereheh nâng Joban ma metkep chêmsietmin.

HIBRU 10:31

Ahîn Joban deknâng chathok pa chentô cheili thôan dângmin a!

2 PITER 2:4

Joban ma rangkhethung wah ate ngintatte danglahma papkaam moatte hehnâng lemînchen thangma pap wendô nâng phekat eka, ngale ere rangnyek theko janruma khhek lahma thien eka, eko thinnâng Joban ma achhih ngama rên Rangwojâ pa bemwak eka.

LOATKHESOK 14:7

Atema chaanmõang raklahma ngatwah, “Joban nâng toak asân en, ngale ate adongthôanpa rângthô en! Chenrãngma ngako atema chentô mihnyan nyuchha heh khope rên sanpoat pa lâhûtha. Rangkhethung le hahtokkhoh erediko josi le chentô jokhô jatkhô hôante nâng soamtô en!”

LOATKHESOK 15:4

Nangran hen lechei dângmin a, Teso? ngale henma nangmîn adongthôan pa lerângthô tâdângmin a? Nanglolo jôba Asâthôan. Chentô diak akan heh hûlahma nangnâng esoam etô hûho, chenrãngma ngako, nangma toangtang moatlem moeko pa anga ngama lâkhetah.”

LOATKHESOK 20:14

Erediko arit ngale rit amah heh wennâng phekatwah. (Are wenpa depnii thêrit pa.)