LUK MA RAANGWAH NGINKONGSEN 11:4 - NIEMNYAN Naga NT (BSI)

⁴ Nipap heh map kohhi, chenrãngma ngako nirãngma kaamchhih moatte chentô nâng nimemin mapkoh eki. Ngale nihung nektoan thuk hi.’ ”

LUK MA RAANGWAH NGINKONGSEN 11:4 Iomraidhean Croise

MATHIU 18:35

Ngale Jisu ma jekthô wah, “Nememin nepho anaa hehnâng nehung khenma maplekoh kenko, rangkhethung wah tôngte nga Wa memin nenâng eroh ehôanhèn.”

MATHIU 26:41

Met hin dangen ngale rangsoam letma tongen, nemin achhihma hungtôanko nekchen jârii eken. Juma mehun akomin, hei angem pa aboan.”

LUK MA RAANGWAH NGINKONGSEN 11:5

Ngale Jisu ma ate dijunte hehnâng ngatwah, “Chenjô komin nekhuwah wathe lemruchha humnâng rangpen mongtang nâng chhoan letma, ‘Lemruchha, nganâng bankên wah chhupremtô nêmthuk mênghang, ngama lângatet.

LUK MA RAANGWAH NGINKONGSEN 13:4

Ngale Silom hum runjâ lahma echhi waeset mihnyan ritpettah pa nema chenroh thonghun eken a? Thin a Jeroselem wah sôngte mihnyan ahan heh noma papi thôan dângkowah ritpet eka ngama lethonghun eken a?

LUK MA RAANGWAH NGINKONGSEN 22:46

Atema thinnâng ngatwah, “Chenrãngma juplek eken a? Toansat en, ngale achhih ma hungtôanko nekchen jârii ekenma rangsoam en.”

LUK MA RAANGWAH NGINKONGSEN 8:13

Longrã khohko chatjâte chhah rãngrãng heh dangeka, thinma Joban ngin chohtat rienrien khuhah nâhah kepeka. Rohkomin erepa thinhung khennâng lulitlit kepmah; thinma poatthe rãng lolo kepeka, phumma chenthu chêmchei sanpoat hokko jârit rewak eka.

JON MA RAANGWAH NGINKONGSEN 17:15

Ngama nangnâng thin a are hahtokkhoh wah toansietwên o ngama ngatdangmih, rohkomin Achhih wah pepâng lohma thien o ngama rosep eki.

1 KORINT 10:13

Nehung toan ehèn pemin mihhan heh hung chenroh toan eka ererãngrãng jôba toan ehèn. Rohkomin Joban ma toamsem eka, ngale nema leta dôli toanthuk mahhèn; nehung tôanpoatko, nema tâdôrãng atema chaan ekohhèn, ngale erekowah loatchhoanthin lemkhômin ekhesok hèn.

KOLOSIEN 3:13

Wathema wathe nâng lietmîn re en, ngale hentung nângjô mechhihmîn en komin map kohmîn en. Chenroh Teso ma nenâng mapkoh ehèn a ererãngrãng wathema wathe nâng map kohmîn en.

2 THISALONIKA 3:3

Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

2 TIMOTHI 4:18

Ngale Teso ma Nga chentô achhih hehwah pesiet lahma ate Hahsông rangkhethung wah nâng senthemthem esietwên hang. Atemîn roantang roangjêng rãng chendonga! Amen.

JEMS 2:13

Chenrãngma ngako, mihnâng lemînchente hehnâng Joban ma thinnâng achhih asen renjâko lemînchen min; rohkomin mînchen metong hiko achhih asen rênpa nãngma tajien e.

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 3:10

Chenrãngma ngako nema Nga hôkum kepletma hungmôngmông dangletma tadô eken, ngale chentô mihnyan nyuchha heh thatsokrãng hahtokkhoh ko chêmchei hok sanpoat komin Ngama nekhu pesiet lahma ethien a.