LUK MA RAANGWAH NGINKONGSEN 11:13 - NIEMNYAN Naga NT (BSI)

¹³ Nea atô chhihjô medang enkomin, nema mâmâ chhanâng asenli kohpa jet eken. Eroh medang ako, rangkhethung wah tôngte Joban Wa mejã tanga atewah Asâthôanju thâte hehnâng kohpa chentô bâmjet eka!”

LUK MA RAANGWAH NGINKONGSEN 11:13 Iomraidhean Croise

MATHIU 5:16

Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

MATHIU 5:45

Eroh koba rangkhethung wah tôngte ne Wa Joban Chharãng eta dangen. Chenrãngma ngako, Atema sanpa mihnyan chhih mihnyansen chentô nâng khoakthe sahthukrãng hôaneka, ngale rangpat pa kaamchhih moatte le kaamsen moatte waniinii rãng hôaneka.

MATHIU 6:14

“Nerãngma kaamchhih moatte hehnâng, nema map mekoh enko, rangkhethung wah ne Wa Joban memin nenâng map ekohhèn.

MATHIU 6:30

Joban ma wunwah hin hehnâng khet akhu kepkoh eka - hinpa thejâ metong akomin, nènep ko wennâng rokthhekmin. Atema nenâng jãtanga erenoma ajah khet akhu lekep kohminne? Ne dâlempa atôrînne!

MATHIU 6:32

(Are sêmmak hehrãngma Joban lejette mihnyan heh roantang sekmah eka.) Rangkhethung wah tôngte ne Wa Joban ma ajet, nema areheh lemeken ngama.

MATHIU 7:11

Mihnyan chhih nema tumin mâmâ chhako asenli kohpa jet eken. Rangkhethung wah tôngte ne Wa Joban mejã tanga atewah thâte hehnâng asenlipa kohrãng chentô bâmjet eka!

LUK MA RAANGWAH NGINKONGSEN 11:12

Rohkole atema woti thâko gusirong ekoh en a?

LUK MA RAANGWAH NGINKONGSEN 11:2

Jisu ma thinnâng ngatwah, “Ne rangsoamko, aroh soam en: ‘Wa: Nangmîn Asâthôan pa toaksân e; Nang Hahsông karoo.

LUK MA RAANGWAH NGINKONGSEN 18:7

Joban nâng putedâlemte mihnyan hehma rangwo rangnyek atenâng merosep ako Joban ma thinnâng lechohsû minne? Joban ma thinnâng sitsiak lechohsû thangma dângminne?

JON MA RAANGWAH NGINKONGSEN 4:10

Jisu ma dânthâng wah, “Nangma Joban ma chenni koheka erepa jetlohmeko, ngale nangwah jo thâjoktepa hen a erepa jetlohmeko, nangma atewah chenthajoktoh, ngale atema nangnâng roandông kohthinjo chenjok thuktho.”

MOATLEM 2:38

Piter ma thinnâng ngatwah, “Nekhu phangtang mâmâ papmoatlem heh thinphe letma Jisu Krista mînko baptijem kepen, erohkoba nepap heh map tâchohmin; ngale erediko nema Joban wah Asâthôanju hînhô echoh en.

ROMAN HEHNÂNG POLMA RAANGWAH SITI 5:17

Arepa toangtang ngin, ere wathe mihnyan pumma papkaam moatjunko arit pumma pêneka. Rohkomin wathe mihnyan Jisu Krista pumma moatmãn pa erenoma chentôjah bâmdong moeka! ngale Joban wah mînchenchaan chohte chentô heh erediko ate demnâng toangtang dangthuk eka heh Krista junma roandông dôngtang epên a.

ROMAN HEHNÂNG POLMA RAANGWAH SITI 7:18

Ngama jet ngasekkhen ko asenpa aho - erepa nga mihnyan hei angem phoang khenko aho. Chenrãngma ngako asenlipa moatrãng mehun angkomin, ngama erepa tamomek.

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.