LUK MA RAANGWAH NGINKONGSEN 10:7 - NIEMNYAN Naga NT (BSI)

⁷ Ere humko tongen, ngale thinma nenâng chenni jokphhek chhahthuk ehèn a erepa jokphhek chhah en, chenrãngma ngako moatlem moatte hehnâng thin dekbi pa kohmin. Humthe wah humthenâng nekphoang chhoan en.

LUK MA RAANGWAH NGINKONGSEN 10:7 Iomraidhean Croise

MAK MA RAANGWAH NGINKONGSEN 6:10

Atema thinnâng arohmin ngatwah, “Ne chenko tãngroo ehèn a, ere humko erethe kowah ne mangak ngakchhoan eko tongen.

LUK MA RAANGWAH NGINKONGSEN 10:6

Phumma ere humko mêmo - nâng hunte mihnyan mesong ako, nema rangsoam koh eken pa ere humko chentonga; mêmo nâng hunte mihnyan ledang medang ako erepa ngakkep re en.

LUK MA RAANGWAH NGINKONGSEN 9:4

Chenreko tãngroo lahma jekthuk ehèn a, erehah kowah mangak ngakchhoan mãnthethinko tongen;

MOATLEM 16:15

Atema ngale ate hum wah mihnyan hehma baptijem kepdiko, Lidia ma ate humnâng ni roowah, “Nema nganâng linlin Teso nâng putedâlemte ngama methonghun theko nga humnâng tongwãngren.” Ngale thinhumnâng wângrãng atema ninâng roatsep wah.

MOATLEM 16:34

Erediko atema Pol le Silas nii ate humnâng sietwên lahma thinnâng phhekchhah kohwah. Ate ngale ate humte tangkâ heh nyahrãng khuhah nâhah dângwah, chenrãngma ngako thinma Joban nâng putedâlem wakeka.

MOATLEM 16:40

Pol le Silas nii phâtek wah loatchhoan lahma Lidia humnâng katwah. Enâng thinma putedâlemte heh demnâng chohmîn lahma thinnâng hungdông ngin heh thôthien kolahma erehah kowah loatchoanwah.

GALATIEN 6:6

Nenâng Kristan nginkongpa mehethô hènko, nema chenni asenli chei eken a ereheh nenâng hethôte demko aroamma kepen.

1 TIMOTHI 5:13

Ngale thinma thin sanpoat pa humthe kowah humthe nâng phoang dãnkhoam lahma elien thukwak a; ere nomemin achhih thôanpa dangeka, mihmîn heh chhihthô, ngale mihmoatlem hehnâng phoang nyenmîn, ngale thinma lethôli ngin heh phoangthô erewak a.

2 TIMOTHI 2:6

Nyahrãng chaanrii lahma pitmoatte pumma atema hongmoeka kowah khebeng thôan bengchhah min.