LUK MA RAANGWAH NGINKONGSEN 10:42 - NIEMNYAN Naga NT (BSI)

⁴² wanthe loloba nyahrãng alemli thôan tonga. Phumma Mariam ma erepa lâpunrentah, ngale erepa ate ngewah leta toanchhoan min.”

LUK MA RAANGWAH NGINKONGSEN 10:42 Iomraidhean Croise

MAK MA RAANGWAH NGINKONGSEN 8:36

Nema rangkhen kowah chentô sêmmak heh phangtang nerãng takep letma ne roandôngpa memahphe enko, nema chenni echoh en a? chenjô chohmet!

LUK MA RAANGWAH NGINKONGSEN 10:39

Martha demnâng atenaa Mariam ngama dângwah, phumma Mariam pa Teso dathongko ate ngin jetat lahma tôngwah.

LUK MA RAANGWAH NGINKONGSEN 11:1

Jâthe Jisu the wanthe thenâng rangsoam lahma dângwah. Chenthu atema rangsoam diko, ate dijunte wathema atenâng ngatwah, “Teso, Jon ma ate dijunte hehnâng rangsoam hethôtah rãngrãng ninângmin rangsoam hethôhi.”

LUK MA RAANGWAH NGINKONGSEN 12:20

Rohkomin Joban ma atenâng ngaeka, ‘nanga aba hahphhek! Thejâ rangpenpen nang rit rêmin; phumma nangrãng are chhahkhem khôanthientoh heh henma kepmin a?’”

LUK MA RAANGWAH NGINKONGSEN 12:33

Ne chhahkhem chentôpa sengletma ngunpa tangchhih hehnâng koh en. Roantang roanjêngma techhu dângthinpa kepen, ngale rangkhethung nâng techhu thôan dângrãng khôanthien en, enâng chenthumin tangchhih ledangmin, chenrãngma ngako ereheh ahuhte memin leta huhmin, ngale chhumphithang memin leta chhihphekmin.

LUK MA RAANGWAH NGINKONGSEN 16:2

Ephumma humkhen nâng roolahma atenâng ngatwah, ‘Ngama nang nginpa chenchohtat ekanga? Nangma ngangun chentô thientoh a ereheh phangtang kephûro, chenrãngma ngako nanga ngangun thiente ledangtumin.’

LUK MA RAANGWAH NGINKONGSEN 16:25

Rohkomin Abraham ma dânthâng wah, ‘Thatthong hun tan, echha, hahtokkhoh wah nang roandông poatko nangnâng chentô sensenlipa phangtang kohtih, phumma Lazaras ma chentô achhih chhihlipa chohtah a. Rohkomin atea anâng khuhah nâhah tongeka, nanga chêmchoh lohma tongeko.

LUK MA RAANGWAH NGINKONGSEN 18:22

Chenthu Jisu ma are nginpa tatphumma atenâng ngatwah, “Nangma moatthin ademin wanthe tonga. Nang chhahkhem heh phangtang senglohma ngunpa tangchhih hehnâng koh o, ngale erohkoba nanga rangkhethung nâng techhu thôan edango; erediko kalohma ngadijun hang.”

LUK MA RAANGWAH NGINKONGSEN 8:18

“Erohwah, nema chenrohtat eken a erepa senthemthem jettat en; chenrãngma ngako, hennâng chenni komin tongeka erehehnâng lekoh rêmin, phumma hennâng chenjô aho dangeka ere hehwah thinma tonghi ngama thonghun eka ere amãnchha pemin toanchhoan rêmin.”

JON MA RAANGWAH NGINKONGSEN 11:1

Bathani hahnâng sôngte mihnyan wathe ate mînpa Lazaras pa khun rewah. Mariam ngale ate naa Martha niimin erehahko sôngwah.

JON MA RAANGWAH NGINKONGSEN 11:19

ngale Jews mihnyan heh ajahthem Mariam le Martha tâko thinnaa ritjunko chohmîn hûlahma dângwah.

JON MA RAANGWAH NGINKONGSEN 12:3

Phumma Mariam ma nard bãngrin wah hôanwah tien thãchaanjat kephû lahma Jisu dako lokkohwah, ngale ate khochoo ma choakhutkoh rewah. Ngale tien pumma hum tangma tûmsietwah.

JON MA RAANGWAH NGINKONGSEN 17:3

Ngale roangtang roanjêng lethôan roandông ngaeka pa nanglolo jôba toangtang Joban ngama jetpa, ngale nangma chienkattho Jisu Krista jet ekipa.

JON MA RAANGWAH NGINKONGSEN 4:14

Rohkomin henhenma ngama koh ekang jokowah jok eka ereheh chenthumin jolân lengak riimin. Ngama thinnâng koh ekang jopa, thinhung khennâng thinnâng roandông kohte jokhôrãng edanga, ngale thinnâng roantang roanjêng roandông ekoh a.”

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

JON MA RAANGWAH NGINKONGSEN 6:27

Achhihjâ thin phhekchhah rãngma nekmo en; erenoma roantang roanjêng roandông chohthin phhekchhah rãngma mo en. Arerãngrãng phhekchhah pa Mihnyan Chhama nenâng ekohhèn, chenrãngma ngako Joban Wama atenâng erepa moatrãng chaankoh eka.”

1 KORINT 13:3

Ngama nga ngewah chhahkhem heh phangtang mihnâng metakoh angkomin, ngale ngaphoangmin wennâng meta rokthhekthuk angkomin - nganâng hun achet aho medang hangko, erepemin ngarãngma sekhota.

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.