LUK MA RAANGWAH NGINKONGSEN 10:21 - NIEMNYAN Naga NT (BSI)

²¹ Ere sanpoatko Asâthôanju demnâng Jisu nyahrãng khuhahwah ngale atema ngatwah, “Wa, rangkhethung ngale hahtokkhoh Teso! Ngama nangnâng dangkoh a ngaeki, chenrãngma ngako, nangma jet ajien hehnâng lekhesok thangma huhriem tohpa nokba hehnâng khesok eko. Linlinjô Wa erohpa nanghung junko dangeka.

LUK MA RAANGWAH NGINKONGSEN 10:21 Iomraidhean Croise

MATHIU 16:17

Jisu ma dânthâng wah, “Jona chha Simon, nanga rangkepte!” “chenrãngma ngako, are toangtang jabkhabpa mihnyan nyuchha hei angem hungwah hongjab dangmoh, rangkhethung wah tôngte Ewa Joban ma nangnâng hongjab thuk eho.

MATHIU 21:16

Ephumma thinma Jisu nâng ngatwah, “Thinma chenni ngaeka erepa nangma tat ekole?” Jisu ma “Tat ekang” ngama dânthâng wah, ngale atema thinnâng ngatwah, “Nema are Joban nyapraang pa mathat weihne? ‘nangma leta lechhih ngale naajengchha hehnâng Joban nâng chenroh senthemthem jienrômin a arepa hethô wakeko ngama raang ekapa.’ ”

MATHIU 3:7

Jon baptisma ate tânâng Farasi le Saduki heh jahmõang baptijem keprãng hok khelahma, thinnâng ngatwah, “Pû heh - Joban ma chêmchei hokthukrãng ngaeka kowah etape en ngama henma thôkoh ehèn a?

MAK MA RAANGWAH NGINKONGSEN 10:15

Ngama linlin thôkoh eka, henhenma Joban Hahsôngpa are letachha heh rãngrãng danglahma lekep dangeka, ereheh chenthumin rangkhethung nâng leta wãngmin.”

LUK MA RAANGWAH NGINKONGSEN 15:5

Chenthu nema erepa mechohtetko, nyahrãng khuhah letma chhoakkhoko etoanpe en

LUK MA RAANGWAH NGINKONGSEN 15:9

Chenthu atema ere ngun pa mechoh tahko ate lemruchha heh ngale ate tok akhung wah mihnyan heh aroamma khôanroo lahma thinnâng enga a, ‘Ngama mahphetek ngunpa ngakchoh phumma nyahrãng khuhah nâhah dangekang. Nãngkhu anga nga khuhah nâhah dangmênge!’

JON MA RAANGWAH NGINKONGSEN 11:41

Thinma longpa rephewah. Jisu ma rangkho nâng sûwên lahma ngatwah, “Wa nangma nganâng chohtatdi dangkoh a ngaeki.

2 KORINT 4:3

Chenrãngma ngako nima phoangthôeki Nginkongsen pa chenni mekomin metangbîn ako, erepa ju kho lepete mihnyan hehnâng ba tangbîn eka.

IFISIEN 1:11

Chentôpa Joban hung arin ngale ate mongthem junma dangeka; ngale nãngmin Krista demko aroamma ate Chha dângrãngma ren ehi, chenrãngma ngako, erepa atema rangbeng hahbeng thuma chenroh themawa tah a erejunko jôba moeka.

IFISIEN 1:5

Joban ma nãnga Jisu Krista junma ate Chha dângthukrãng ama thuma thônghun wah - erepa ate hungma hunlahma moatwah.