LUK MA RAANGWAH NGINKONGSEN 1:17 - NIEMNYAN Naga NT (BSI)

¹⁷ Atea Teso mako ekala a, ngale atea Ilija mõng rãngrãng chaanwin edanga. Atema wa achha heh ethe ngakroapsiet a; ngale ngin lekepte mihnyan heh toangtang lemkhôko engak thonghun thuk a; ngale atema mihnyan heh Teso rãngma khoakhem lahma ethienkoh a.”

LUK MA RAANGWAH NGINKONGSEN 1:17 Iomraidhean Croise

MATHIU 11:14

Ngale, Jon pa, Ilija katmin ngama thôtah pa kaera ngama thinma thôeka ko nema mepute enko.

MATHIU 14:4

Chenrãngma ngako, khema nâng Jon baptisma Hirot nâng, “nangma Hirodik pa nang tangnyu rãng kepniem aho ngama ngatwah!”

MATHIU 3:3

Jon pa Isaia Mõng ma thôtah mihnyan pa dângwah “Sehahkho nâng wathe mihnyan rakeka, ‘Teso rãngma lem hôankoh en; Ate khôamrãng lemtin hôankoh en!’ ”

MATHIU 3:4

Jon khetpa Ut banwah hôanwah; ate roam tumlitko ngemkhoan roamdit pa dit rewah, ngale ate phhekchhah pa kupchhang ngale wunnyahti heh dângwah.

LUK MA RAANGWAH NGINKONGSEN 1:16

ngale atema ajahthem Isrial mihnyan heh Teso Joban tânâng engaksiet hûa.

LUK MA RAANGWAH NGINKONGSEN 1:76

“Nanga ngachha, nangnâng achoang thôanwah tôngte Joban mõng ngama ngatmin. Nanga Teso mako wãnglohma ate lempiak kohmin,

JON MA RAANGWAH NGINKONGSEN 1:13

Thin a mihnyan nyuchha nyong awa hei angem junma chha lahma Joban Chha dâng dangmah; Joban dede thin Wa dâng phumma thin a Joban Chha dangeka.

JON MA RAANGWAH NGINKONGSEN 1:34

Jon ma ngatwah, “Ngama erepa khetek,” ngale “Ngama nenâng atea Joban Chha ngama thôkoh eka.”

JON MA RAANGWAH NGINKONGSEN 3:28

Ngama jab ekãngpa nema lâtattha, ‘Nga a Misaia dangmek, rohkomin nga a ate mako chienkatla ehang.’

MOATLEM 10:33

Phumma lemlienma nangroo rãng chienkatwah, ngale nang anâng wângpa nyahrãng lâsentah. Teso ma nangnâng chenni thôkoh rãng chien eho erepa chohtatrãng nikhu areko Joban mathahko bemeki.”

ROMAN HEHNÂNG POLMA RAANGWAH SITI 9:23

Ngale Joban ma ate mîndong pa khesok huneka, ere mîndong pa Joban ma ate ngewah mînchen chohte heh khohnâng koheka. Ngale Joban ma ere mîndong pa chohrãngma nãngkhu khoakhem ehi.

2 TIMOTHI 2:21

Henhenma thindede moatlem chhih hehwah sâriri danglahma tongeka, ereheh kaamsen nâng ekep a, chenrãngma ngako, thin a asâ, ngale thin Tângte rãng alemthôan, ngale chentô kaamsen katsen hehnâng ekep a.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.

1 JON 2:28

Ngachhu Ngachha heh, linlinjô ate demnâng aroamma dangletma tongen, erohkoba chenthu ate meka theko, nãnghung dongdong edange, ngale ate katjâ Rangwo ko atenâng rêsê lihma lehuhtong edange.

LOATKHESOK 20:4

Erediko Ngama tôngthin heh khewah, ngale tôngthinko tôngte mihnyan hehnâng arên rãng chaan kohwah. Eredikomin Jisu ma loatsiettah toangtang ngin phoangthôte mihnyan ngale Joban jabkhab phoangthôte mihnyan ritphetah Ju hehmin khetek. Thinma ngemchhih ngale ate moang hehnâng soamtô mah, ngale thinma thin kheng nâng ngale dek hehnâng ngemchhih nemboat hehmin tungmah. Thin ngakhin lahma Krista demnâng Lowang rãngrãng danglahma hahjatthe rangpâ pên eka.