JON MA RAANGWAH NGINKONGSEN 7:4 - NIEMNYAN Naga NT (BSI)

⁴ Chentôma chenjethang ngama methonghun oko mihnyan hehma thinma chenni moeka ereheh rânghuhriem mah. Nangma are chentô moeko hehmin rangkhen phangtangma chenjet ho!”

JON MA RAANGWAH NGINKONGSEN 7:4 Iomraidhean Croise

MATHIU 23:5

Thinma chentô moatlem pa mihnyan hehma chenkhehi ngama hunlahma moeka. Thin khowah khhek eka khet ngale thin phhekthem wah khhek eka khet hehnâng sûtan en, Joban nyapraang pa raanglahma khhek eka, sûtan en chentôdông khhek eka, ngale thin khetsa wah sitkhhek eka riisa heh chentôloat thien eka!

MATHIU 4:6

ngale Atenâng ngatwah, “Nanga Joban Chha medang oko, nangdede arekowah jârii katan, chenrãngma ngako Joban nyapraangma ngaeka, ‘Joban ma ate ngintatte hehnâng nangrãngma echien a; thindekma nang etãnglo wak ho, Ephumma nangda min longko lebuhrii thangma edango.’ ”

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

MATHIU 6:5

“Chenthu ne rangsoamko, ahuhkhoanglep heh rãngrãng neksoam en! thinma anga ngama chenkhêm khehi ngama, rangsoamhum nâng toanchep lahma soamhun eka, ngale noknyu lemdong hehnâng soamhun eka. Ngama linlin thôkoh eka thinma chohthinpa phangtang râchohtah.

LUK MA RAANGWAH NGINKONGSEN 6:45

Mihnyansen ma ate hungnâng asenli heh thien lahma asenli ehongmo wênra; ngale mihnyan chhih ma ate hungnâng achhihli heh thien lahma achhih ehongmo wênra. Chenrãngma ngako hungnâng chenni mênchong tongeka arepa thunma ehong loatjab wênra.

JON MA RAANGWAH NGINKONGSEN 18:20

Jisu ma dânthâng wah, “Ngama roantangma mihnyan heh nâtatko chentô nâng thôkotek; Ngama chentôpa mihnyan heh anga nga roamkhôan thin Sanagog ngale Rangsoamhum nâng hethô wah. Ngama chenthumin ngale chennimin huhchhama thôho.

JON MA RAANGWAH NGINKONGSEN 7:3

Ephumma Jisu naa hehma atenâng ngatwah, “Nanga arethe kowah Judia nâng wãngo, erohkoba nangma chenni moeko ereheh nang dijunte hehma ekhea.

JON MA RAANGWAH NGINKONGSEN 7:5

(Ate naa hehmemin atenâng putedâlem ho.)