JON MA RAANGWAH NGINKONGSEN 3:3 - NIEMNYAN Naga NT (BSI)

³ Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:3 Iomraidhean Croise

MATHIU 16:17

Jisu ma dânthâng wah, “Jona chha Simon, nanga rangkepte!” “chenrãngma ngako, are toangtang jabkhabpa mihnyan nyuchha hei angem hungwah hongjab dangmoh, rangkhethung wah tôngte Ewa Joban ma nangnâng hongjab thuk eho.

MATHIU 19:24

Ngama ademin thethôkoh eka: Techhuwa pa Joban Hahsông thenâng tâwâng noma, ut peba metku polo pumma eta lienlup a.”

MATHIU 21:31

Are chhepho wanii kowah henma thinwa ngin kepeka?” “Khhepho chha pumma,” ngama thinma dânthâng wah. Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.”

MATHIU 5:18

Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MAK MA RAANGWAH NGINKONGSEN 10:14

Jisu ma erepa khelahma rinkhah wah, ngale ate dijunte hehnâng ngatwah, “Letachha heh ngatânâng chenwãngra, nekjektangen, chenrãngma ngako, Joban Hahsôngpa are letachha rãngrãng heh thiak.

MAK MA RAANGWAH NGINKONGSEN 9:47

Ngale nemit pumma ne putedâlem pa memah phethuk hènko, loatphere en! nerãngma mit kaniinii thienletma roantang roanjêng lemutthin pap wendô nâng khâmritkat noma, mit kathelolo demnâng Joban Hahsông thenâng chohwâng peba asen.

JON MA RAANGWAH NGINKONGSEN 1:13

Thin a mihnyan nyuchha nyong awa hei angem junma chha lahma Joban Chha dâng dangmah; Joban dede thin Wa dâng phumma thin a Joban Chha dangeka.

JON MA RAANGWAH NGINKONGSEN 1:5

Wenphiak pumma rangnyek ko phiak eka, ngale rangnyek pumma wenphiak pa tamahsiet mah.

JON MA RAANGWAH NGINKONGSEN 1:51

Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 12:40

“Joban ma thinmit pa doaksiet eka ngale thinhung pa basiet eka, erohwah thinmitma khe mah, ngale thinhung memin tajet mah, ngale Joban ma ngaeka, ngama thin sênsiet rãngma, thin ngatânâng hûmahra.”

JON MA RAANGWAH NGINKONGSEN 3:4

Nikodima ma chhienwah, “Dongchoan mihnyan pa chenroh depnii jienthe ngakchhat min a?” “Depnii ngakchhat rãng chenthumin ate nyong wokkhen nâng jienthe ngaklupmah!”

2 KORINT 4:4

Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

2 KORINT 5:17

Hen akomin Krista demnâng dangeka atea anyan lâdangtah; apã pa chhoantah, anyan pa lâhûtha.

GALATIEN 6:15

Khoankhen niem pa mehôan ekomin ba lehôan kikomin erepa chenjô dangmah; rohkomin Joban jetlihma mihnyan nyanrãng litdâng peba huneka.

IFISIEN 2:1

Amako nema nginlekep dâng junma ngale pap junko nea Ju nâng riiletma dângwah.

TITAS 3:5

atema nãngkhu pêpângwah. Rohkomin erepa nãngkhu dedema chenni akomin kaamsenmoat junko dangmah, erepa atedede ngewah mînchenchaan junma pepâng ehi, ngale Asâthôanju junma nãngkhu sâsiet lahma anyan rãng ngakchhathuk lahma roandông nyan kohehi.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

1 PITER 1:3

Nãng Wa Joban ngale nãng Teso Jisu Krista nâng dangkoh a ngae! Chenrãngma ngako, atema nãngkhu nâng nyahrãng mînchen junko atema Jisu Krista ritwah ngakhinsiet lahma nãngkhu nâng roandông nyan kohehi. Ere pumma nãngkhu hungnâng ahîn dâlem kohehi,

1 JON 2:29

Nema Krista pa toangtang ngama ajet; ngale nema are pemin jet en, henma akomin kaamsen moeka atea Joban chha.

1 JON 3:9

Phumma Joban chha hehma papkaam thammo tumah, chenrãngma ngako, Joban ma koheka roandông nyan pa thinnâng tongeka; ngale Joban pa thin Wa dâng phumma, thinma papkaam thammo tumah.

1 JON 5:1

Henhenma Jisu pa Misaia ngama putedâlem eka ereheh a Joban Chha; ngale henhenma Joban Wa nâng huneka erehehma ate Chha nângmin huneka.

1 JON 5:18

Nãngma ajet Joban chha hehma henmemin papkaam thammomah, chenrãngma ngako thin a Joban Chha ma pesiet lahma thieneka, ngale Juchhih ma thinnâng chenjô taremah.

1 JON 5:4

chenrãngma ngako chentô Joban chha hehma rangkhen pa tâjienmin. Ngale nãng putedâlem junma nãngma hahtokkhoh pa tajieneki.

LOATKHESOK 3:14

“Laodika wah Asâthem heh ngintatte hehnâng raangeka: “Arepa Amen ngewah raangeka, toangtang thôan hâkhi, erediko atea Joban ma chentô hôantah heh thongpa