JON MA RAANGWAH NGINKONGSEN 10:4 - NIEMNYAN Naga NT (BSI)

⁴ Chenthu atema mesen chhoan ako, saak heh mamako ate ekhoam a, ngale saak hehmin atediko ejûnkhoam a, chenrãngma ngako thinma ate kahra pa jîn eka.

JON MA RAANGWAH NGINKONGSEN 10:4 Iomraidhean Croise

MATHIU 16:24

Erediko Jisu ma ate dijunte hehnâng ngatwah, “Hen akomin nga demnâng chhoan mehun enko, atedede lekpherii lahma, ate bãngphak pa pelahma nga dijunmin.

JON MA RAANGWAH NGINKONGSEN 10:16

Are saak chhangko ledangte ngasaak ahan nângmin tonga. Ngama erehehmin metkep siethokmin; thinmemin nga kahra tatlahma saaksokte wanthe khennâng khuthe dângtumin.

JON MA RAANGWAH NGINKONGSEN 10:27

Ngasaak hehma ngakahra pa tateka; Ngamemin thin jet ang, ngale thinma ngadijun ehang.

JON MA RAANGWAH NGINKONGSEN 10:3

Kâsek bemte pumma aterãng kâsekpa elaangkoh a; ngale atema saak hehnâng mînma roko saak hehma ate kahra pa etat a, ngale atema esen chhoan a.

JON MA RAANGWAH NGINKONGSEN 10:5

Thinma mihhândi lejûnmin; erenoma, ererãngrãng mihnyan heh tâwah huhchhoan erea, chenrãngma ngako, thinma ate kahra jînmah.”

JON MA RAANGWAH NGINKONGSEN 10:8

Ngamawah katte heh phangtang ahuh tuta, ngale saak hehma thinngin kepmah.

JON MA RAANGWAH NGINKONGSEN 12:26

Henhenma ngadijun hun ehanga erehehma chenjunhang, erohkoba nga chenko dang ekanga eretheko ngahaa pemin edanga. Ngale henma nga khoakhem ehanga erepa nga Wa memin atenâng echhoanpôan a.

JON MA RAANGWAH NGINKONGSEN 13:15

Nema chenjet en ngama ba soankoh eka, erohwah ngama athângheh nerãng chenroh moekanga ererãngrãng nememin erohmo en.

JON MA RAANGWAH NGINKONGSEN 18:37

Ephumma Pilat ma atenâng chhienwah, “Eroh medang ako nanga lowangne?” Jisu ma dânthâng wah, “Nangma Nga a Lowang ngama lâpun ngathang. Ngama toangtang thôrãng, ngale ererãngma lolo jôba nga chhatwah, ngale ererãngma lolo jôba are hahtokkhoh ko kaerâng. Erohwah henhen toangtangko dangeka erehehma ngangin etathang.”

JON MA RAANGWAH NGINKONGSEN 3:29

Nemnyanwa pa nemnyannyu rãng; rohkomin nemnyanwa tâwah cheplahma atenâng jetat eka ate lemruchha pa, nemnyanwa kahra tatko khuhah eka. Ererãngrãng ngamin khuhah ekang.

1 KORINT 11:1

Ngama Krista ngin hekang rãngrãng nememin ngangin heha.

IFISIEN 5:1

Nekhunâng Joban ma ate chha rãngrãng nyahrãng hun ehèn, erohwah nekhumin ate rãngrãng dangen.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 6:20

Melkizidik soam aroakte ma ngatah rãngrãng Jisu nãngrãngma nãngmako roantang roanjêng soam aroakte adongthôan dângrãng wãnglaeka.

1 PITER 2:21

Eroh moatrãng jôba Joban ma ne rooehèn, chenrãngma ngako Krista atedede min nekhu rãngma chêmchoh wah ngale atema nekhu nâng eroh mo en ngama khesok ehèn, erohkoba nemin ate damãnko nekletma ate rãngrãng etadangen.

1 PITER 4:1

Krista ma phoangnâng chêmchoh wah, erohwah nememin Krista ma chenroh chêmchohtah a eroh chêmrãng thonghun letma nehung dongsiet en; chenrãngma ngako henhen phoangnâng chêmriieka erehehma papkaam momah.

1 PITER 5:3

Nema sokare rãng kohthen mihnyan heh khoko pênletma nekngam poarii en, rohkomin ere mihnyan hehnâng nema asen khesok en.