JON MA RAANGWAH NGINKONGSEN 1:51 - NIEMNYAN Naga NT (BSI)

⁵¹ Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 1:51 Iomraidhean Croise

MATHIU 25:31

“Chenthu Mihnyan Chhapa rangkhethung wah ngintatte heh phangtang demnâng Lowang danglahma katko, atea Lowang tôngthinko etonga,

MATHIU 26:24

Joban nyapraang nâng chenroh raangeka eroh Mihnyan Chhapa eriia, rohkomin henma Mihnyan Chhapa chensãng eka ererãngma chentô chhih dângmin a! Ere mihnyan rãngma ate lechêm hongchha peba asen dângmin wah!”

MATHIU 3:16

Jisu baptijem kepdiko jokowah loatkhôam wângwah. Erediko rangkhethung pa Atenâng laangkohwah, ngale atema Joban Jupa wochha rãngrãng kalahma ate khoko tôngkat khewah.

MATHIU 4:11

Ephumma juchhih ma Jisu thînphêwah; ngale Joban ngintatte kalahma Jisu nâng chohsok katwah.

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MATHIU 9:6

Nenâng ngama are hahtokkhoh ko, Mihnyan Chha nâng pap mapkoh rãng chaanwin, ngama ekhesok a.” Ephumma atema kôasôte mihnyanko ngatwah, “toanchep o, ngale nang jupthin pa toanpe lohma humnâng wãngo!”

MAK MA RAANGWAH NGINKONGSEN 1:10

Jisu joko wah loatwâng rienrien, atema rangkhethung pa laanglahma khewênwah, ngale Ju ate khohko phariwo rãngrãng kalahma khewah.

MAK MA RAANGWAH NGINKONGSEN 14:62

Jisu ma dânthâng wah, “Dengang,” “ngale nema Mihnyan Chhapa Achaanthôan Joban dekchahko tonglahma rangkhethung wah phoam demnâng kalahma ekhe en!”

LUK MA RAANGWAH NGINKONGSEN 2:13

Lemlienma rangkhethung wah ngintatte heh jahmõang hong lahma ngintatte demko Joban nâng rôsê sewah:

LUK MA RAANGWAH NGINKONGSEN 2:9

Rangkhethung wah Teso ngintatte thintâko hôngkatwah, ngale Teso chaanpa thin khohko phiakkat wah. Thin a nyahrãng chei rewah,

LUK MA RAANGWAH NGINKONGSEN 22:43

Rangkhethung wah Joban ngintatte kalahma atenâng chaan chohkoh katwah.

LUK MA RAANGWAH NGINKONGSEN 22:69

Rohkomin ade phumma Mihnyan Chhapa Achaanthôan Joban dekchahko etonga.”

LUK MA RAANGWAH NGINKONGSEN 24:4

Erejunko mokrii lahma eretheko chepwakwah, phumma lemlienma nyahrãng khet phiakjaja keplahma mihnyan wanii eretheko hongchep hokwah.

LUK MA RAANGWAH NGINKONGSEN 3:21

Mihnyan heh phangtang baptijem tâkoh diko, Jisu nângmin baptijem kohwah. Atema rangsoam poatko rangkhethung pa laangwah,

JON MA RAANGWAH NGINKONGSEN 1:50

Jisu ma atenâng ngatwah, “Ngama nanga phukbãng thongko tonglohma khetih ngatrãngma nangma pute ekoa? Nangma ere nomemin adong echohkheo!”

JON MA RAANGWAH NGINKONGSEN 10:1

Jisu ma ngatwah, “Ngama toangtang thôkoh eka: Hen komin Saak heh tânâng kâsek pumma ledang lemhânma mekohûako, erepa ahuhte.

JON MA RAANGWAH NGINKONGSEN 10:7

Ephumma Jisu ma wîenthe ngatwah, “Ngama toangtang thôkoh eka: Nga a saak hehrãngma kâsek.

JON MA RAANGWAH NGINKONGSEN 13:16

Ngama toangtang thôkoh eka: haaheh henjô ate tângtewa noma adong dangmah, ngale ngintat chhoante heh henmin ngintat chiente noma adong dangmah.

JON MA RAANGWAH NGINKONGSEN 13:38

Jisu ma dânthâng wah, “Nanga linlin ngarãng ritmin tariioa? Ngama toangtang thôkoh eki: wowên mako nangma nga jetmah hang ngama ditrem engao.

JON MA RAANGWAH NGINKONGSEN 14:12

Ngama toangtang thôkoh eka: henhenma nganâng putedâlem ehanga erehehma ngama chenni moatlem moekanga ereheh emowak a, ngale erenoma moatlem dongmin eta mowak a, chenrãngma ngako Nga a Wa tânâng wãngekang.

JON MA RAANGWAH NGINKONGSEN 16:20

Ngama toangtang thôkoh eka: Nea sep ajoang ere en, rohkomin hahtokkhoh pa khuhah nâhah edanga; nea hungchhih rekmah edangen, rohkomin ne hungchhih rekmah dang ekenpa khuhah nâhahrãng elitjâa.

JON MA RAANGWAH NGINKONGSEN 16:23

“Chenthu ere rangwo pa mehû theko, nema nga ngewah chenmin letha tumin. Ngama toangtang thôkoh eka: Nema Ngamînko chenni komin Wa ngewah metha enko atema nenâng ekohhèn.

JON MA RAANGWAH NGINKONGSEN 21:18

Ngama toangtang thôkoh eka: Chenthu nea roandông lochaan poatko, nedede hungsiko chennâng chhoan hun eken a ereko rângchhoan en; phumma chenthu ne teka phannang medang tetko, nema nedek pa loatsiet ere en, ngale mihhanma khhek lahma chenko ne chhoan lehunthe a eretheko esiet chhoanhèn.”

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

JON MA RAANGWAH NGINKONGSEN 5:19

Ephumma thinnâng Jisu ma dânthâng wah, “Ngama nenâng toangtang thôkoh eka: Chhama ate dedema chennimin tamomah; Ate Wama chenni molahma kheka erepaba moeka. Wama chenni moeka erepa Chha memin moeka.

JON MA RAANGWAH NGINKONGSEN 5:27

Ngale atema Chha nâng achhih asen rênrãng chaankoh eka, chenrãngma ngako atea Mihnyan Chha.

JON MA RAANGWAH NGINKONGSEN 6:26

Jisu ma dânthâng wah, “Ngama nenâng toangtang thôkoh eka: Nema bankên phoatphoat chohphhek junko nga lemsû eha, ngama patritli moatlem motekpa jetloat junkolêm dangmahha.

JON MA RAANGWAH NGINKONGSEN 6:32

Jisu ma ngatwah, “Ngama toangtang thôkoh eka,” “Mosa ma chenni kohthen a erepa rangkhethung wah phhekchhah dangmah; Ewa meba rangkhethung wah phhekchhah linlinpa nenâng koh ehèn.

JON MA RAANGWAH NGINKONGSEN 6:47

Ngama toangtang thôkoh eka: henhenma putedâlem eka ereheh nâng roantang roanjêng lethôan roandông tonga.

JON MA RAANGWAH NGINKONGSEN 6:53

Jisu ma thinnâng ngatwah, “Ngama tongtang thôkoh eka: Nema Mihnyan Chha phoang kowah lephhek kenko, ngale ate hei lejok kenko, nededema roandông leta chohmin.

JON MA RAANGWAH NGINKONGSEN 8:34

Jisu ma thinnâng ngatwah, “Ngama nenâng toangtang thôkoh eka: Henhenma pap moeka ereheh paphaa.

JON MA RAANGWAH NGINKONGSEN 8:51

Ngama nenâng toangtang thôkoh eka: Henhenma nga nginkep eka ereheh chenthumin leriimin.”

JON MA RAANGWAH NGINKONGSEN 8:58

Jisu ma dânthâng wah, “Ngama toangtang thôkoh eka, Abraham mako ‘NGA’ dângwah.”

MOATLEM 10:11

Atema rangkhethung laang lahma khewênwah, ngale chenni komin khadôngmõang sukbeliiko lolahma hahtokkhoh ko waangphe katlahma khewah.

MOATLEM 7:56

Atema ngatwah, “Sûtan en!” “Ngama rangkhethung pa laanglahma khewên ekang, ngale Mihnyan Chhapa Joban dekchahko cheplahma khewên ekang!”

2 THISALONIKA 1:7

ngale henhenma chêmchoh eken a ereheh nâng atema chohsû lahma lechêmtu edangen, ngale nimin eroh edange. Atema arepa chenthu Teso Jisu rangkhethung wah ate ngintatte heh demnâng hôngkat jâko emoa,

2 THISALONIKA 1:9

Thin a Teso ngale ate achaanthôan chaan kowah rephe lahma roantang roangjêngrâng echêmwak a,

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

HIBRU 1:14

Eroh medang ako, ngintatte heh chennia? Thin a Joban nâng soam atôteju, ngale Joban ma khope chohte mihnyan hehnâng chohsokrãng chienkat era.

JUD MA RAANGWAH SITI 1:14

Inok pa Adam chhuchha kowah roan engit ko dôngte pa dângwah, phumma atema ajahthem rangpâ mama thinjunma profisi hôanwah: “Teso ma ate ngintatte rangkhethung wah hahjat bijat sietlahma ekara

LOATKHESOK 19:11

Erediko Ngama rangkhethung pa laang lahma khewênwah, ngale ereko Mok po dângwah. Mok po khohko chhangte pa Putedâlemsen ngale Toangtang dângwah; atema toangtangko ren eka ngale toangtangko ranloatmîn eka.

LOATKHESOK 4:1

Erediko Ngama ahan wîenthânkhe wah, ereko rangkhethung nâng kâsekpa laanglaang thienlahma khewah. Ngale poakpopo rahmetwah rãngrãng roattatwah, ere roatpa amako Nganâng aroh ngalahma tatwah, “Ngatânâng anâng wãngro, ngale arediko chenni dângmin a erepa Ngama nangnâng khesok e.”