JON MA RAANGWAH NGINKONGSEN 1:14 - NIEMNYAN Naga NT (BSI)

¹⁴ Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:14 Iomraidhean Croise

LUK MA RAANGWAH NGINKONGSEN 2:11

Thejâ Devit hahko ne Pângte Chhaeka - Atea Krista Teso!

LUK MA RAANGWAH NGINKONGSEN 2:7

Mariam ma ate khhepho chha pa chhatwah. Ngale atema khetko doaplahma mânhoko jupthukwah - chenrãngma ngako thin tôngrãng humkhen nâng the aho dângwah.

LUK MA RAANGWAH NGINKONGSEN 9:32

Piter le ate lemru heh nyahrãng mokjup wah, phumma jupwah chhin lahma Jisu dongthuk lahma chohkhe wah, ate demwah chepte wanii pemin chohkhe wah.

JON MA RAANGWAH NGINKONGSEN 1:1

Khebengko jabkhab dângwah; Jabkhab pa Joban demnâng dângwah, ngale Jabkhab pa Joban dângwah.

JON MA RAANGWAH NGINKONGSEN 11:40

Jisu ma atenâng ngatwah, “Putedâlem mere oko nangma Joban chaanpa echohkheo ngama lethôkoh wahne?”

JON MA RAANGWAH NGINKONGSEN 14:6

Jisu ma atenâng dânthâng wah, “Nga a Lemkhô, toangtang, ngale roandông; Wa tânâng henjô leta wãngmin, ngajunma lolojôba Wa tânâng tâwâng min.

JON MA RAANGWAH NGINKONGSEN 14:9

Jisu ma dânthâng wah, “Filip, chenthu thuma nga nekhu demnâng dângwah; rohkomin athângheh nângmin nangma nga majet ehangne? Henhenma ngakhe ehanga erehehma Wamin lâkhetah. Nangma chenrãngma, ‘Wa pa ninâng khesok hi’ ngaekoa?

JON MA RAANGWAH NGINKONGSEN 17:22

Nangma ngamîn dongthukthang rãngrãng ngamemin thinmîn dongthuk ekang, erohkoba, nãng heh wanthe dangeki rãngrãng, thinmin wanthe edanga:

JON MA RAANGWAH NGINKONGSEN 17:24

“Wa! thin a nangma nganâng lâkoh thang, ngale nga chenko dangekanga eretheko thinmin nga demnâng dângthuk hun ekang, erohkoba thinma nga mîndông pa ekhe hang, ere mîndông pa nangma nganâng kohwah; chenrãngma ngako, are hahtokkhoh hôan mama nangma nganâng hunwah.

JON MA RAANGWAH NGINKONGSEN 18:37

Ephumma Pilat ma atenâng chhienwah, “Eroh medang ako nanga lowangne?” Jisu ma dânthâng wah, “Nangma Nga a Lowang ngama lâpun ngathang. Ngama toangtang thôrãng, ngale ererãngma lolo jôba nga chhatwah, ngale ererãngma lolo jôba are hahtokkhoh ko kaerâng. Erohwah henhen toangtangko dangeka erehehma ngangin etathang.”

JON MA RAANGWAH NGINKONGSEN 2:11

Jisu ma arepa khebengrãng patritli moatlem Kana nâng bengmoatwah; Enâng Jisu ma ate chaanpa bengkhesok wah, ngale ate dijunte hehma atenâng putedâlem wah.

JON MA RAANGWAH NGINKONGSEN 3:16

Joban ma are hahtokkhoh ko nyahrãng hunlahma ate Chha wathelolo pemin koheka, erohwah henhenma atenâng putedâlem eka ereheh leriimin rohkomin thinma roantang roanjêng roandông echoh a.

JON MA RAANGWAH NGINKONGSEN 3:18

Henhenma Chhako putedâlem eka ereheh nâng achhih lengamin; rohkomin henhenma leputedâlem dangeka ereheh achhih ngama rângatah, chenrãngma ngako, thinma Joban Chha wathe loloko putedâlem mah.

JON MA RAANGWAH NGINKONGSEN 6:51

Nga rangkhethung wah katte ahin roandông phhekchhah. Henma komin are phhekchhah kowah chhah eka erepa roantang roangjêng rãng hînmin. Ngama atenâng kohmin phhekchhah pa nga phoangpa, ngama erekoh ekangpa hahtokkhoh wah mihnyan heh ahînma tongrãngkoh ekang.”

JON MA RAANGWAH NGINKONGSEN 8:32

Nema toangtang pa ejet en, ngale toangtang pumma ne elaang phehèn.”

ROMAN HEHNÂNG POLMA RAANGWAH SITI 8:3

Mihnyan hei angem pumma Niemarang pa boansiet lahma Niemarang pumma letamo dâng phumma, Joban ma moeka. Joban ma ate Chhapa mihnyan hei angem phoang rãngrãng litdangthuk lahma, hahtokkhoh wah pap heh repherãng chienkat era.

ROMAN HEHNÂNG POLMA RAANGWAH SITI 9:5

thin a nãngte nãngwa Hibru linlin heh chhuchha; ngale mihnyan nyuchha junko Krista min thin pôali. Chentô khohko adong danglahma pênte Joban mînpa roantang roanjêngma rôlihma thien e! Amen.

1 KORINT 15:47

Khe-bengwah Adam pa hah kowah bum aboak wah hôanwah; rohkomin khediwah Adam pa rangkhethung wah katwah.

2 KORINT 12:9

Rohkomin atema nganâng aroh dânthâng wah: “Ngawah mînchenchaan pejô nangrãngma elea, chenrãngma ngako, chenthu nãnga aboan anaa ngale pachhihjô medang okomin Ngawah chaanpa adong.” Erohwah, nga chet akhup junkomin nyahrãng khuhah nâhah dangekang, erohkoba, nga khohko Krista chaanpa tonglahma pepâng ehang ngama ejetrii ang.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

KOLOSIEN 1:19

Chenrãngma ngako, Joban ma atedede hungsi ma ate Chha sekkhen nâng Joban chaanpa phangtang chentonga ngama hunwah.

KOLOSIEN 2:3

Atea Joban hungkhen wah chentô buthi mongthem huhriem eka heh laangthin sâbi rãngrãng.

KOLOSIEN 2:9

Chenrãngma ngako, ate numnene dângjunko chentô Joban jat apat heh phangtang Krista sekkhenko tongka eka,

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

HIBRU 1:3

Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 1:5

Chenrãngma ngako Joban ma ate ngintatte hehnâng hennângjô aroh ngamah, “Nanga Nga Chha; thejâ phumma Nga nang Wa lâdangtek.” Roh akole Joban ma rangwah Joban ngintatte hennâng thatngatah a, “Nga ate Wa edangang, ngale atea Nga Chha dângmin.”

HIBRU 10:5

Erohwah, chenthu Krista are hahtokkhoh ko katrãng ngatko, atema Joban nâng ngatwah: “Nangma soam aroak le joapsoap pa hunmoh, rohkomin nangma Ngarãng phoangpa khoakhemkoh ehang.

HIBRU 2:11

Atema chentô mihnyan nyuchha heh thinpap wah sâsiet eka, ngale ate erediko henhen atema sâsiettah a ere chentô hehrãng Wa pa mãnthe. Erohwah Jisu ma thinnâng Ngapho anaa ngama roorãng rêsêmah.

HIBRU 5:5

Ererãngrãng Krista memin atedede Soam aroakte adongthôan rãng dângwah dangmah. Erenoma Joban ma atenâng ngatwah, “Nanga Nga Chha; thejâ phumma Nga nang Wa lâdangtek.”

1 JON 4:14

Ngale Joban Wama ate Chha are hahtokkhoh Pângte rãng chienkat erapa nima lâkhetih ngama mihhan nâng phoangthôkoh eki.

1 JON 4:9

Ngale Joban ma nãngnâng ate hun pa are hahtokkhoh ko ate Chha wathelolo pa chienkat lahma khesok ehi, erohwah ate junma nãngkhuma roandông choheki.

2 JON 1:7

Mih diapphhek chhahte hahtokkhoh ko jahmõang phoangmen chhoantah, ereheh a Jisu Krista pa mihnyan nyuchha phoang rãngrãng danglahma katwah ngama lejette mihnyan heh. Arerãngrãng mihnyan heh mih diapchhahte ngale thin a Krista rãngma Ran.

LOATKHESOK 19:13

Atema poh eka khetpa hei lolo dângwah. Ngale ate mînpa “Joban Jabkhab” ngama dângwah.

LOATKHESOK 21:3

Ngama tôngthin kowah chaanmõang rakjab katlahma tatwah: “Ade phumma Joban humkâ pa mihnyan heh demnâng lâdangtah! Atea thin demnâng ejohsonga, ngale thinmin Joban mihnyan edanga. Joban atedede min thin demnâng ejohdanga, ngale atea thin Joban edanga.