JON MA RAANGWAH NGINKONGSEN 1:1 - NIEMNYAN Naga NT (BSI)

¹ Khebengko jabkhab dângwah; Jabkhab pa Joban demnâng dângwah, ngale Jabkhab pa Joban dângwah.

JON MA RAANGWAH NGINKONGSEN 1:1 Iomraidhean Croise

MATHIU 1:23

“Janchhôsâ ma naawun lahma delachha ehongchha a, ate mînpa Imanual ngama mînmin” (Are ngaeka pa, “Joban pa nãngdemnâng ngaeka”).

LUK MA RAANGWAH NGINKONGSEN 24:53

ngale thinma roantang Joban nâng dangkoh a ngama ngalahma Rangsoamhum nâng tôngwakwah.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:18

Henmemin Joban mathatkhe eka. Rohkomin Joban danglahma Joban Wa demko tôngte wathelolo ate Chha pumma Joban pa jetthuk ehi.

JON MA RAANGWAH NGINKONGSEN 1:2

Khebeng mejû Jabkhab pa Joban demnâng dângwah.

JON MA RAANGWAH NGINKONGSEN 16:28

Nga a hahtokkhoh ko Wa tâwah kaerâng; ngale ade phumma Ngama hahtokkhoh pa phethien lekma Wa tânâng wãngekang.”

JON MA RAANGWAH NGINKONGSEN 17:5

Ewa! athângheh nang tâko ngamîn dongthuk hang, chenroh rang ahah hôanmako nga nangdemnâng mîndong thukthang rãngrãng dongthuk hang.

JON MA RAANGWAH NGINKONGSEN 20:28

Thomas ma Jisu nâng, “Nga Teso ngale nga Joban,” ngama dânthâng wah.

JON MA RAANGWAH NGINKONGSEN 8:58

Jisu ma dânthâng wah, “Ngama toangtang thôkoh eka, Abraham mako ‘NGA’ dângwah.”

ROMAN HEHNÂNG POLMA RAANGWAH SITI 9:5

thin a nãngte nãngwa Hibru linlin heh chhuchha; ngale mihnyan nyuchha junko Krista min thin pôali. Chentô khohko adong danglahma pênte Joban mînpa roantang roanjêngma rôlihma thien e! Amen.

IFISIEN 3:9

ngale Joban ma patritli themawa ekapa chenroh dângmin a ngama chentô mihnyan nyuchha hehnâng khesokrãng mothuk ehang. Chentô têm atiakte Joban pumma atema patritli themawa ekapa amawah lienchhoantah roan hehnâng lekhesok thangma huhthienwah,

FILIPIEN 2:6

Atea roantangma Joban rãngrãng dângwah, rohkomin atema metkep Joban demnâng tôde jôba dângmin ngama thonghunho.

KOLOSIEN 1:15

Krista pa mitma lekhe Joban phoangrãngrãng. Ngale atea Joban khhepho Chha, chentô tem atiek tahheh wah atea adongthôan.

KOLOSIEN 1:17

Krista pa chentô noma amama dângwah, ngale ate demnâng roamlahma jôba chentôpa mâmâ thethe chohwak eka.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

HIBRU 13:8

Jisu Krista pa mejâ, thejâ, ngale roantang roangjêng rãng mãnthe.

HIBRU 7:3

Melkizidik nyong awa, ngale ate te awi heh nginkong chenmin aho; ate chhat ngale rit nginkong hehmin aho. Atea Joban Chha rãngrãng; ngale atea roantang roangjêng rãng soam aroakte.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka:

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.

1 JON 5:7

Arepa nãngnâng wanrem ma hâkhi kohehi.

LOATKHESOK 1:11

Ere pumma aroh ngatwah, “Nangma chenni khe eko erepa raangthien o, ngale titab pa hahdaang wanengit wah Asâthem khuengit hehnâng matchhoan o: Ifisus, Samma, Pergamum, Thitira, Sardis, Filadelfia, ngale Laodika.”

LOATKHESOK 1:17

Chenthu Ngama ate kheko, Nga riichoan rãngrãng danglekma ate dathongko kôanjâwah. Phumma atema ate dekchah pumma Nganâng sahlo lahma ngatwah, “Nekchei! Nga a khekhothôan ngale khedithôan.

LOATKHESOK 1:2

ngale Jon ma chentô khetah heh phangtang thôkoh eka. Are heh Joban ma atenâng thôkohtah ngin heh ngale Jisu Krista ma atenâng toangtang loatkhesok tahheh thôeka.

LOATKHESOK 1:8

“Nga a khekhothôan pa ngale khedithôan,” ngama Teso Joban achaanthôan ma jabeka, Henpa athuhehmin, khema komin, ngale ahokmin sanpoat komin Joban.

LOATKHESOK 19:13

Atema poh eka khetpa hei lolo dângwah. Ngale ate mînpa “Joban Jabkhab” ngama dângwah.

LOATKHESOK 2:8

Samma wah Asâthem heh ngintatte hehnâng raang ekang: “Are nginpa henpa khekhothôan ngale khedithôan, erediko henpa riilahma ngakhîntea ere ngewah raangeka.”

LOATKHESOK 21:6

Ngale atema ngatwah, “Arepa lâta dangtah! Nga a khekhothôan, ngale khedithôan, abengthôan ngale athôanpa. Henhen jolan riieken a, ereheh nâng Ngama thãhoma roandông chohthin jo ejokthuk ang.

LOATKHESOK 22:13

Nga a khekhothôan ngale khedithôan, abengthôan ngale athôanpa.”

LOATKHESOK 3:14

“Laodika wah Asâthem heh ngintatte hehnâng raangeka: “Arepa Amen ngewah raangeka, toangtang thôan hâkhi, erediko atea Joban ma chentô hôantah heh thongpa