JEMS 5:9 - NIEMNYAN Naga NT (BSI)

⁹ Ngalemruchha heh, wathema wathemîn nekchhih thômîn en, eroh medang enkoba Joban ma nenâng achhih ngama lenga edanghèn. Aren rangwopa lânam hutha, ngale lâhong eka.

JEMS 5:9 Iomraidhean Croise

MATHIU 24:33

Chenthu ngama nenâng thôkotah heh rãngrãng danglahma mekhe tetko, nema athôan sanpoat pa lânamtha, ngale lâhûera ngama jet en.

MAK MA RAANGWAH NGINKONGSEN 13:29

Ererãngrãng chenthu ngama nenâng thôkotah heh danglahma mekhe tetko, nema athôan sanpoat pa lânamtha, ngale lâhuera ngama jet en.

MAK MA RAANGWAH NGINKONGSEN 6:19

Erohwah Hirodik ma Jon nâng nyahrãng chhihchoh lahma ritphe hunwah, rohkomin Hirot junko atema jienritpheho.

1 KORINT 10:11

Are chentô thinseknâng dangtah heh ahan hehma jetrãng dângwah, ngale ereheh nãngnâng jetthukrãng raangthienwah. Chenrãngma ngako nãnga athôan sanpoat pa hokthângko nyan eki.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 KORINT 9:7

Erohwah nekhu anga ngama hung arin nâng chenroh kohrãng hun eken a erohkoh en, hungkeke dangletma ngale metkep kohmin jôba ngama nekkoh en; chenrãngma ngako, Joban ma hung arin sênma hunlahma kohte nâng huneka.

GALATIEN 5:14

Chenrãngma ngako Niemarang pa phangtang wanthe hôkum khenko tongeka: “Nang kêanâ wah mihnyan hehnâng nangdede hunriieko rãngrãng hun o.”

GALATIEN 5:26

Nãnga ngam poapoa ledangmin, ngale wathema wathe rin lekhahsiet mînmin, erediko wathema wathe nâng lephatwân mînmin.

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

JEMS 4:12

Joban loloba Niemarang kohte ngale athe loatte. Ate lolo jôba tâpesiette, ngale tâchhihsiette. Mihhan nâng athe loatrãng, nang hen ngama thonghunrii eko?

JEMS 5:10

Ngalemruchha heh, Teso mînko jabte mõng hehnâng thatthong hun tan en. Thin chenroh hung arin môngmông dangtah a, ngale chêmchei heh chenroh tadô tah a, ereheh nâng thatsû letma nemin thin rãngrãng dangen.

JEMS 5:7

Ngalemruchha heh, Teso mangak ngaka hung arin môngmông tongen. Thatsû tan en, pitmoatte hehma thinpit wah chhah heh mamun munwãng chenroh rângbem a. Thinma rangcho chobengwah rangpat ngale chojekwah rangpat heh thin pitwah chhah hehrãngma hung arin môngmông danglahma rângbemla a.

1 PITER 4:5

Rohkomin ahînthu mihnyan ngale riichoante mihnyan heh rênte Joban nâng thinmemin thindede moatlem chenroh motah a erepa ekhesok a.

1 PITER 4:9

Ne hum heh wathema wathe nâng lesi lenii thangma khuhah nâhah laangmînkoh en.

LOATKHESOK 3:20

Tattan en! Nga kâsekthong ko cheplekma kâsekko rahkong ekang; henma komin Ngaroat tatlahma kâsekpa melaang ako, Nga thinhum khennâng wãnglekma thin demnâng ejoh phhekchhah wãngang, ngale thinmin Nga demnâng ejoh phhekchhah hang.