JEMS 5:7 - NIEMNYAN Naga NT (BSI)

⁷ Ngalemruchha heh, Teso mangak ngaka hung arin môngmông tongen. Thatsû tan en, pitmoatte hehma thinpit wah chhah heh mamun munwãng chenroh rângbem a. Thinma rangcho chobengwah rangpat ngale chojekwah rangpat heh thin pitwah chhah hehrãngma hung arin môngmông danglahma rângbemla a.

JEMS 5:7 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 24:27

Chenrãngma ngako Mihnyan Chha katpa rangdeng khiapda sankatma sannyup nâng rângdanliap arãngrãng katmin.

MATHIU 24:44

Erohwah nemin roantangma jetletma tongmin, chenrãngma ngako, Mihnyan Chhapa nema lechhemhun sanpoatko ekara.

LUK MA RAANGWAH NGINKONGSEN 18:8

Ngama nenâng thôkoh eka, atema thinrãng emoa ngale sitsiak echohsûa. Phumma chenthu Mihnyan Chhapa ngakkat jâko atema hahtokkhoh ko putedâlemte echohkhe karã?”

LUK MA RAANGWAH NGINKONGSEN 21:27

Erediko Mihnyan Chhapa phoamkhoh nâng chaan ahâng demnâng ehong kara.

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

JON MA RAANGWAH NGINKONGSEN 21:22

Jisu ma atenâng dânthâng wah, “Atea Nga mangak ngakka ahînma tôngthuk mehun angko, Nangjã tanga chenroh dângmin a? Ngadijun hang!”

JON MA RAANGWAH NGINKONGSEN 21:23

Ephumma Jisu dijunte heh chhangko are dijunte wathepa lerii tumin ngama thôlahma ngin hôngwah. Rohkomin Jisu ma ate leriimin ngama ngaho; Jisu ma, “Ngama atea Nga mangak ngakka ahînma tôngthuk mehun angko, Nangjã tanga chenroh dângmin a?” ngamaba ngatwah.

ROMAN HEHNÂNG POLMA RAANGWAH SITI 15:4

Joban nyapraang nâng chentô raangthien ekapa nãngnâng hethhô rãng raangthien eka, erohwah Joban nyapraang pumma nãnghung môngsiet junko ngale nãnghung dôngsiet junko nãngma thonghun ekipa etachoh e.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

1 KORINT 1:7

Nema nãng Teso Jisu Krista loathông katpa bempoatko, wanthemin rang lekep thangma lienphemet.

GALATIEN 5:5

Nãngkhuma, Joban ma ate demnâng toangtang edangthuk hi ngama khaeki; ngale nãngkhu putedâlem junma Joban Juchaan ma moat pa bemeki.

GALATIEN 6:9

Erohwah kaamsen moatnâng nekboan eki; chenrãngma ngako nãngma lejek thangma memo eko, erethã roantang roanjêng khope choh sanpoat pa ehûra.

KOLOSIEN 1:11

Ate ngewah chaan pumma nemin chenchaan thukhèn, erohkoba nema rongruppa hungmông rinmông dangletma etadô en. Ngale khuhah nâhah dangletma dangkoh a ngama Wa Joban nâng ngatmin, Joban ma atenâng putedâlemte mihnyan hehrãngma ate wenphiak Hahsông theko thienkoh eka heh nenângmin tachohthuk ehèn.

1 THISALONIKA 1:3

Chenrãngma ngako nima nãng Wa Joban nâng rangsoamko, nekhuma putedâlem junko moeken heh, ngale nema hun achetmîn junko chaanrii letma moeken heh, ngale nema nãng Teso Jisu Krista nâng putedâlem letma tok anaa eken heh rângchhemhun e.

1 THISALONIKA 2:19

Chenrohjô medang akomin, chenthu nãng Teso Jisu Krista katjâko nima khuhah nâhah dâlem lihma rângthô thinpa nekhu jôba dângmin - erepa mihhan henjô ledangmin.

1 THISALONIKA 3:13

Atema nehung aroh chendongsiet hèn, ngale chenthu nãng Teso Jisu Krista atenâng putedâlemte heh demnâng ngakkat jâko, nemin nãng Wa Joban tâko senthemthem ngale Sâpoangpoang chendangen.

HIBRU 6:15

Abraham ma hungmongsiet lahma bemwah, erohwah Joban ma chenni toamsem tah a epa atema chohwah.

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

JEMS 5:10

Ngalemruchha heh, Teso mînko jabte mõng hehnâng thatthong hun tan en. Thin chenroh hung arin môngmông dangtah a, ngale chêmchei heh chenroh tadô tah a, ereheh nâng thatsû letma nemin thin rãngrãng dangen.

JEMS 5:3

Ne ngun akem hehmin chhinma lâphhek kohthen, ngale are chhin pumma chhihphhek eka junma nea achhih ngama jeteka, ngale ere chhin pumma nephoang hehmin wenma jêmkhâm rãngrãng ephhek hèn. Nema ngun akem heh are rãngkuh sanha thôanthâng sanpoatko khôanbi eken.

2 PITER 3:4

ngale thinma nenâng engahèn, “Atema nenâng Nga ngakkat rêmin ngama toamsem then a? Eroh medang ako atea chenkoa? Nãngte nãngwa hehmin riitah, rohkomin chentôpa rang ahah hôanthuko chenroh dangtah a athâng hehmin phangtang ererãngrãng tuta jôba!”