JEMS 5:20 - NIEMNYAN Naga NT (BSI)

²⁰ are nginpa thonghun en: Henma akomin papi mihnyan pa lemkhôchhih wah mengak siethû ako atema papi mihnyan Jupa ritwah pesiet eka ngale ajahthem pap hehmin map chohthuk eka.

JEMS 5:20 Iomraidhean Croise

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

1 KORINT 1:21

Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 KORINT 9:22

Putedâlem nâng arinte heh demnâng moatpoatko, thin tâsiethok rãngma ngamin thin rãngrãngjô johdang ekang. Erohwah, ngama chenni lemkhô mekomin thinkho tâpesiet rãng ngama nga chentô mihnyan heh demnâng thinrãngrãng tutajô johdang ekang.

1 TIMOTHI 4:16

Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.

FILIMON 1:19

Arepa Ngadede dekma raang ekang: arepa, Nga Pol ma, engakthum e (Are rãngma Ngama nangnâng chêmthôkoh thin dangmah, nangdede roandông pa nangma Nganâng thãpê pêwah rãngrãng dangeka.)

JEMS 1:15

Erediko thinhung khenwah achhih huneka pumma pap hongchhaeka; ngale ere pappa nyahrãng mehongdong tahko, ere pumma arit pa hongchhaeka.

JEMS 1:21

Eroh-wah chentô jatchhih patkhah ngale chentô kaamchhih hehwah ajekre en. Ngale numnene dangletma nehung nâng Joban ma ate jabkhab khietkoh ehènpa kepen, ere jabkhab pumma nekho eta pesiet hèn.

JEMS 5:15

Putedâlem lahma thinrãng rangsoam koheka junko khunte pa ame erea; Teso ma thinphoang pa engaksensiet a, ngale thinma pap motah hehmin map echoh a.

JEMS 5:19

Ngalemruchha heh, nekhuwah hen komin toangtang kowah kechhoan letma mihhan wathema methe ngaksiet hû hènko,

1 PITER 4:8

Chentô nomemin adongpa, wathema wathe nâng nyahrãng hun achhâmin en, chenrãngma ngako hun achetmîn pumma jahmõang pap heh mumsiet eka.

LOATKHESOK 20:6

Khuhah nâhah ngale ajahthem rangkepte mihnyan heh are khebeng ngakhînko johngakhînte mihnyan heh dângmin. Ere mihnyan heh ditnii lethe ngakrii tumin; thin a Joban ngale Krista rãngma soam aroakte edanga, ngale thinma ate demnâng hahjatthe rangpâ ejohpên a.