JEMS 5:16 - NIEMNYAN Naga NT (BSI)

¹⁶ Erohwah, nepap heh wathema wathe nâng thômîn koletma map thamîn en, ngale wathema watherãng rangsoammîn koh en, erohkoba ne khoanchet heh esen en. Joban nâng putedâlemte mihnyansen heh rangsoam pa nyahrãng chaanwin.

JEMS 5:16 Iomraidhean Croise

MATHIU 21:22

Nema meputedâlem enko, rangsoam letma chenni thaeken a arepa echoh en.”

MATHIU 3:6

Mihnyan hehma thinma chentô pap motah heh loatthô rewah, ngale Jon ma thinnâng Jodan joko baptijem kohwah.

MAK MA RAANGWAH NGINKONGSEN 1:5

Judia diak ngale Jeroselem hahwah ajahthem mihnyan heh Jon ngin chohtatrãng chhoanwak wah. Thinma pap hehrãngma mappa thâwah, ngale Jordan joko thinnâng Jon ma baptijem kohwah.

LUK MA RAANGWAH NGINKONGSEN 9:6

Dijunte heh chentô hahdaang nâng phoangchhoan lahma Joban Nginkongsen pa phoangthô ngale chentô thenâng khoanchet heh mesiet rewah.

JON MA RAANGWAH NGINKONGSEN 9:31

Nãngma ajet Joban ma papi mihnyan hehnâng jetatmah; Ate rancheite le atema huneka moatlem moatte mihnyan hehnâng ba atema jetat eka.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 19:18

Ajahthem Putedâlemte hehma nok atang heh mako thinma chenni chhihmo tah a ereheh loatthô ngale khesok rewah.

MOATLEM 8:24

Simon ma Piter le Jon niinâng ngatwah, “Are nechhema jabeken heh nganâng lechatrãng, nechhema Teso nâng rangsoam mêngkohha.”

ROMAN HEHNÂNG POLMA RAANGWAH SITI 3:10

Joban nyapraangma aroh ngaeka: “Wathejô toangtangho,

ROMAN HEHNÂNG POLMA RAANGWAH SITI 5:19

Ngale wathe mihnyan ma Joban nginlekep dângdi chentô mihnyan nyuchha heh papi dangthuk eka, ererãngrãngjô wathe mihnyan erepa Jisu Krista ma Joban ngin kepdi chentô mihnyan nyuchha heh Joban demnâng toangtang dangthuk eka.

KOLOSIEN 1:9

Erohwah chenthu nima ne ngin chohtat tihwah roantangma rangsoam koheka. Ngale Joban ma ate hungkhen wah huneka heh nenâng chenjet thukhèn ngama rosep eki, erediko ate Juma nenâng chentô buthi mongthem heh chenkohhèn.

1 THISALONIKA 5:17

Sanpoat roakweih rangsoam en,

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

1 THISALONIKA 5:25

Lemruchha heh, nirãngmin rangsoam kohhi.

HIBRU 11:4

Putedâlem junma Joban nâng Abel ma Ken noma asen joapsoap wah. Ngale ate putedâlem junma Joban ma atenâng toangtang ngatwah, chenrãngma ngako, atema Joban nâng hînhô kohtah pa Joban ma asen ngatwah. Atea riichoan medang akomin, ate putedâlem junma Abel ma athâng hehmin jabeka.

HIBRU 11:7

Putedâlem junma Noa ma atenâng Joban ma khedi wah dângwâng ngin thôkotah heh ate mitma lekhejô medang akomin Noa ma putedâlem wah. Atema Joban ngin keplahma Noa ma khôankho hôanwah, ere khôankhoko ate ngale ate humte tangkâ heh pewah. Phumma hahtokkhoh pa chhihsiet rewah, rohkomin, putedâlem junma Noa nâng Joban ma toangtang thôan ngatwah.

HIBRU 12:13

Lemtin pummejû khoam en, erohkoba dachhihte heh dapa chhihjâ lere thangma asên erea.

HIBRU 13:18

Nirãng roantang rangsoam kohhi. Nihung nirin linlin danglihma asâ, chenrãngma ngako, nima sanpoat roakweih kaamsen moat tuta huneki.

1 PITER 2:24

Krista ma atedede phoangko nãngpap heh bãngphak khohko hènphetah, erohwah nãngma pap moatpa jeklihma toangtang danglihma sôngtôngmin. Ngale ate phoang wah mâmãn junko nekhu khoanchet sen eken.

1 JON 3:22

Nãngma atewah chenni thaekia ereheh choheki, chenrãngma ngako, nãngma ate hôkum pa kepeki ngale ate rinmeli moatlem moeki.